ਕੇਂਦਰੀ ਯੂਨੀਵਰਸਿਟੀ ਦੇ ਸਪੋਰਟਸ ਅਫਸਰ ਦੀ ਕਰੋਨਾ ਨਾਲ ਮੌਤ
ਅਸ਼ੋਕ ਵਰਮਾ
ਬਠਿੰਡਾ,15 ਸਤੰਬਰ, 2020: ਕੇਂਦਰੀ ਪੰਜਾਬ ਯੂਨੀਵਰਸਿਟੀ ਬਠਿੰਡਾ ਦੇ ਸਪੋਰਟਸ ਅਫਸਰ ਤੇ ਬਾਕਸਿੰਗ ਦੇ ਕੋਚ ਗਗਨਦੀਪ ਤਲਵਾੜ ਦੀ ਕਰੋਨਾ ਕਾਰਨ ਮੌਤ ਹੋ ਗਈ ਹੈ। ਗਗਨਦੀਪ ਨੂੰੂ 10 ਦਿਨ ਪਹਿਲਾਂ ਬਠਿੰਡਾ ਦੇ ਪ੍ਰਾਈਵੇਟ ਹਸਪਤਾਲ ’ਚ ਦ ਾਖਲ ਕਰਵਾਇਆ ਸੀ। ਪਿਛਲੇ ਦਿਨੀ ਉਹ ਠੀਕ ਹੋਕੇ ਘਰ ਚਲੇ ਗਏ ਸਨ। ਦੇਰ ਰਾਤ ਨੂੰ ਗਗਨਦੀਪ ਦੀ ਤਬੀਅਤ ਅਚਾਨਕ ਵਿਗੜ ਗਈ। ਜਦੋਂ ਤੱਕ ਉਸ ਨੂੰ ਹਸਪਤਾਲ ਲਿਜਾਂਦੇ ਗਗਨਦੀਪ ਦੀ ਮੌਤ ਹੋ ਗਈ। ਓਧਰ ਕੇਂਦਰੀ ਯੂਨੀਵਰਸਿਟੀ ਆਫ ਪੰਜਾਬ ਨਾਨ ਟੀਚਿੰਗ ਇੰਪਲਾਈਜ਼ ਐਸੋਸੀਏਸ਼ਨ ਦੇ ਪ੍ਰਧਾਨ ਦੁਸ਼ਅੰਤ ਰੈਡੀ ਵੀ, ਮੀਤ ਪ੍ਰਧਾਨ ਮਨਜੀਤ ਕੁਮਾਰ, ਜਰਨਲ ਸਕੱਤਰ ਸਚਿਨ ਕੁਮਾਰ, ਅਤੇ ਐਸੋਸੀਏਸ਼ਨ ਦੀ ਕਾਰਜਕਾਰਨੀ ਨੇ ਗਗਨਦੀਪ ਤਲਵਾੜ ਦੀ ਮੌਤ ਤੇ ਦੁੱਖ ਦਾ ਪ੍ਰਗਟਾਵਾ ਕੀਤਾ ਹੈ। ਇਸੇ ਤਰਾਂ ਹੀ ਗਗਨਦੀਪ ਦੇ ਨਜ਼ਦੀਕੀ ਦੋਸਤ ਅਤੇ ਸ਼ਹਿਰ ਦੇ ਸਮਾਜਸੇਵੀ ਗੁਰਵਿੰਦਰ ਸ਼ਰਮਾ ਤੇ ਸਹਿਯੋਗ ਵੈਲਫੇਅਰ ਕਲੱਬ ਨੇ ਵੀ ਦੁਖੀ ਪ੍ਰੀਵਾਰ ਨਾਲ ਹਮਦਰਦੀ ਜਤਾਈ ਹੈ। ਸ੍ਰੀ ਸ਼ਰਮਾ ਨੇ ਕਿਹਾ ਕਿ ਗਗਨਦੀਪ ਦੇ ਚਲੇ ਜਾਣ ਨਾਲ ਸਮਾਜ ਸੇਵਾ ਅਤੇ ਖੇਡ ਦੀ ਦੁਨੀਆ ਨੂੰ ਵੱਡਾ ਘਾਟਾ ਪਿਆ ਹੈ।