ਧਰਮਵੀਰ ਗਾਂਧੀ ਨੇ ਭਖਾਈ ਚੋਣ ਮੁਹਿੰਮ, ਮੋਹਿਤ ਮਹਿੰਦਰਾ-ਰਾਜਾ ਵੜਿੰਗ ਵੀ ਹੋਏ ਸ਼ਾਮਿਲ। ਮਿਲਿਆ ਜਬਰਦਸਤ ਜਨ-ਸਮਰਥਨ
ਜੀ ਐਸ ਪੰਨੂ
ਪਟਿਆਲਾ, 26 ਅਪ੍ਰੈਲ, 2024 - ਲੋਕਸਭਾ ਚੋਣਾ 2024 ਦੇ ਸਬੰਧ ਵਿਚ ਸਾਰੀਆਂ ਸਿਆਸੀ ਪਾਰਟੀਆਂ ਨੇ ਪੂਰਾ ਜ਼ੋਰ ਲਗਾਇਆ ਹੋਇਆ ਹੈ ਅਤੇ ਹਰ ਇਕ ਵਿਅਕਤੀ ਤਕ ਪਹੁੰਚਣ ਦੀ ਕੋਸ਼ਿਸ਼ ਹੈ ਇਸੇ ਤਰਾਂ ਪਟਿਆਲਾ ਤੋਂ ਕਾਂਗਰਸ ਦੇ ਉਮੀਦਵਾਰ ਡਾ ਧਰਮਵੀਰ ਗਾਂਧੀ ਦੀ ਚੋਣ ਮੁਹਿੰਮ ਨੂੰ ਉਸ ਵੇਲੇ ਭਾਰੀ ਹੁੰਗਾਰਾ ਮਿਲਿਆ ਜਦੋਂ ਪੰਜਾਬ ਪ੍ਰਧਾਨ ਰਾਜਾ ਵੜਿੰਗ ਦੀ ਮੌਜੂਦਗੀ ਵਿਚ ਪਟਿਆਲਾ ਵਿਧਾਨ ਸਭਾ ਹਲਕਾ ਪਟਿਆਲਾ ਦਿਹਾਤੀ ਦੇ ਇੰਚਾਰਜ ਅਤੇ ਪੰਜਾਬ ਯੂਥ ਕਾਂਗਰਸ ਦੇ ਪ੍ਰਧਾਨ ਮੋਹਿਤ ਮਹਿੰਦਰਾ ਨੇ ਲੱਗ ਭਗ 800 ਕਾਂਗਰਸੀ ਉਹਦੇਦਾਰਾਂ ਅਤੇ ਵਰਕਰਾਂ ਨੂੰ ਨਾਲ ਲੈ ਕੇ ਬਲਾਕ ਬਿਸ਼ਨ ਨਗਰ ਵਿਚ ਪੈਂਦੇ ਛੋਟੀ ਨਦੀ ਗੁਰਬਖਸ਼ ਕਲੋਨੀ ਤੋਂ ਲੈ ਕੇ ਗੁਰੂ ਨਾਨਕ ਨਗਰ ,ਜੁਝਾਰ ਨਗਰ ਵੱਡੀ ਨਦੀ ਤਕ ਮੇਨ ਬਜ਼ਾਰ ਵਿਚ ਪੈਦਲ ਯਾਤਰਾ ਕਰਦੇ ਹੋਏ ਫਲੈਗ ਮਾਰਚ ਕੱਢਿਆ।
ਇਸ ਮੌਕੇ ਸਮੁੱਚੇ ਦੁਕਾਨਦਾਰ ਭਾਈ ਚਾਰੇ ਅਤੇ ਇਲਾਕਾ ਨਿਵਾਸੀਆਂ ਨੇ ਰਾਜਾ ਵੜਿੰਗ ਮੋਹਿਤ ਮਹਿੰਦਰਾ ਅਤੇ ਡਾ ਧਰਮਵੀਰ ਗਾਂਧੀ ਨੂੰ ਫੁੱਲਾਂ ਦੇ ਹਾਰ , ਸਿਰੋਪੇ ਪਾ ਕੇ ਫੁੱਲਾਂ ਦੀ ਵਰਖਾ ਅਤੇ ਲੱਡੂ ਵੰਡ ਕੇ ਜ਼ੋਰਦਾਰ ਸਵਾਗਤ ਕੀਤਾ ਅਤੇ ਕਾਂਗਰਸ ਪਾਰਟੀ ਅਤੇ ਡਾ ਗਾਂਧੀ ਨੂੰ ਸਾਥ ਦੇਣ ਅਤੇ ਕਾਮਯਾਬ ਬਣਾਉਣ ਦਾ ਭਰੋਸਾ ਦਿੱਤਾ ਇਸ ਮੌਕੇ ਬਲਾਕ ਕਾਗਰਸ ਦੇ ਪ੍ਰਧਾਨ ਰਾਜੇਸ਼ ਸ਼ਰਮਾ ਰਾਜੂ , ਹਰਵਿੰਦਰ ਸ਼ੁਕਲਾ ,ਅਨਿਲ ਮੌਦਗਿਲ ,ਸੰਜੀਵ ਸ਼ਰਮਾ, ਗੁਲਾਬ ਰਾਏ ਗਰਗ ,ਰਾਜਨ ਕੁਮਾਰ ,ਨਰਿੰਦਰ ਗੋਲਡੀ ,ਕਰਮਜੀਤ ਬਬਲੂ ,ਰਵਿੰਦਰ ਟੋਨੀ , ਮਨੋਜ ਠਾਕੁਰ ,ਅਨੀਤਾ ਪੰਜੋਲਾ, ਰਵੀ ਕੁਲਭੂਸ਼ਣ ,ਅਮਨਦੀਪ ਸਿੰਘ ,ਰਾਕੇਸ਼ ਨਸਰਾ, ਰਾਜਿੰਦਰ ਸੈਣੀ , ਮਨਜੀਤ ਚਿੱਤਰਕਾਰ ,ਕੁਲਵਿੰਦਰ ਸਿੰਘ ,ਕੈਲਾਸ਼ ਪੁਰੋਹਿਤ, ਗਿਰੀਸ਼ ਸਕਲਾਨੀ ,ਸੇਵਾ ਬਰਸਟ ,ਤਰਨਵੀਰ ਕੋਹਲੀ ,ਸੋਨੂੰ ਡੀ ਸੀ ਡਬਲਯੂ ,ਹਨੀ ਵੜੈਚ ਸ਼ਿਵਰਾਮ ਫੋਜ਼ੀ ਵਿੱਕੀ ਮੱਟੂ ਗੁਰਮੀਤ ਕੌਰ ਸੁੰਦਰਾ ,ਸਵਰਨਜੀਤ ਕੌਰ ਆਦੀ ਹਾਜ਼ਰ ਸਨ।