ਰਵਨੀਤ ਬਿੱਟੂ ਨੇ ਸਵੇਰ ਦੀ ਸੈਰ ਮੌਕੇ ਸ਼ਹਿਰ ਵਾਸੀਆਂ ਨਾਲ ਵਿਕਾਸ ਦੇ ਮੁੱਦੇ ‘ਤੇ ਕੀਤੀ ਚਰਚਾ
ਲੁਧਿਆਣਾ, 16 ਮਈ 2024 - ਲੁਧਿਆਣਾ ਤੋਂ ਭਾਰਤੀ ਜਨਤਾ ਪਾਰਟੀ ਦੇ ਉਮੀਦਵਾਰ ਰਵਨੀਤ ਸਿੰਘ ਬਿੱਟੂ ਨੇ ਸਵੇਰ ਦੀ ਸੈਰ ਮੌਕੇ ਅੱਜ ਸੈਕਟਰ 39 ਟੈਂਕੀ ਵਾਲੀ ਪਾਰਕ ਸਥਿਤ ਲੋਕਾਂ ਨਾਲ ਮੁਲਾਕਾਤ ਕੀਤੀ, ਜਿੱਥੇ ਉਹਨਾਂ ਨੇ ਸੈਰ ਕਰ ਰਹੇ ਲੋਕਾਂ ਮੁਲਾਕਾਤ ਕੀਤੀ ਤੇ ਸ਼ਹਿਰ ਦੀ ਬਿਹਤਰੀ ਲਈ ਉਹਨਾਂ ਤੋਂ ਸੁਝਾਅ ਮੰਗੇ। ਰਵਨੀਤ ਬਿੱਟੂ ਨੇ ਕਿਹਾ ਕੀ ਸ਼ਹਿਰ ਦੇ ਵਿਕਾਸ ਅਤੇ ਤਰੱਕੀ ਸ਼ਹਿਰ ਵਾਸੀਆਂ ਦੇ ਸਹਿਯੋਗ ਤੇ ਸੁਝਾਅ ਤੋਂ ਬਿਨ੍ਹਾਂ ਸੰਭਵ ਨਹੀਂ ਹੈ। ਉਹਨਾਂ ਕਿਹਾ ਜਦੋਂ ਲੁਧਿਆਣਾ ਦੇ ਅਲੱਗ-ਅਲੱਗ ਹਿੱਸਿਆ ‘ਚ ਦੌਰਾ ਕਰਦੇ ਹਾਂ ਤਾਂ ਲੋਕਾਂ ਅੰਦਰ ਭਾਜਪਾ ਨੂੰ ਲੈ ਕੇ ਵੱਖਰੇ ਕਿਸਮ ਦਾ ਉਤਸ਼ਾਹ ਹੈ ਕਿਉਂਕਿ ਤਰੱਕੀ ‘ਚ ਵਿਸ਼ਵਾਸ਼ ਰੱਖਣ ਤੇ ਸਮਝਣ ਵਾਲੇ ਲੋਕ ਭਾਜਪਾ ਸਾਸ਼ਿਤ ਸੂਬਿਆਂ ਦੀ ਤਰੱਕੀ ਦੇਖ ਕੇ ਇਹ ਸਮਝਦੇ ਹਨ ਕਿ ਪੰਜਾਬ ਨੂੰ ਵੀ ਜੇਕਰ ਦੂਜੇ ਸੂਬਿਆਂ ਦੇ ਬਰਾਬਰ ਖੜ੍ਹਾ ਕਰਨਾ ਹੈ ਤਾਂ ਭਾਜਪਾ ਨੂੰ ਪੰਜਾਬ ਦੀ ਕਮਾਨ ਦੇਣੀ ਜਰੂਰੀ ਹੈ ਤੇ ਉਹ 1 ਜੂਨ ਨੂੰ ਭਾਜਪਾ ਦੇ ਹੱਕ ‘ਚ ਵੋਟਾਂ ਪਾ ਕੇ ਕਰਕੇ ਵੀ ਦਿਖਾਉਣਗੇ।