ਰਵਿੰਦਰ ਸਿੰਘ ਬ੍ਰਹਮਪੁਰਾ ਵਲੋਂ ਸ਼੍ਰੋਮਣੀ ਅਕਾਲੀ ਦਲ ਦੇ ਉਮੀਦਵਾਰ ਪ੍ਰੋ.ਵਲਟੋਹਾ ਦੇ ਹੱਕ ਵਿੱਚ ਪਿੰਡਾਂ ਦਾ ਦੌਰਾ
- ਪ੍ਰੋ.ਵਲਟੋਹਾ ਦੀ ਚੋਣ ਮੁਹਿੰਮ ਨੂੰ ਖਡੂਰ ਸਾਹਿਬ ਦੇ ਪਿੰਡਾਂ 'ਚ ਮਿਲ ਰਿਹੈ ਜ਼ਬਰਦਸਤ ਹੁੰਗਾਰਾ-ਬ੍ਰਹਮਪੁਰਾ
ਰਾਕੇਸ਼ ਨਈਅਰ
ਚੋਹਲਾ ਸਾਹਿਬ/ਤਰਨਤਾਰਨ,9 ਮਈ 2024 - ਸ਼੍ਰੋਮਣੀ ਅਕਾਲੀ ਦਲ ਦੇ ਮੀਤ ਪ੍ਰਧਾਨ ਅਤੇ ਹਲਕਾ ਖਡੂਰ ਸਾਹਿਬ ਦੇ ਇੰਚਾਰਜ ਸਾਬਕਾ ਵਿਧਾਇਕ ਰਵਿੰਦਰ ਸਿੰਘ ਬ੍ਰਹਮਪੁਰਾ ਨੇ ਅੱਜ ਪਿੰਡ ਕੰਬੋ ਢਾਏ ਵਾਲਾ,ਚੰਬਾ ਕਲਾਂ ਅਤੇ ਚੰਬਾ ਹਵੇਲੀਆਂ ਵਿਖੇ ਪ੍ਰੋਫ਼ੈਸਰ ਵਿਰਸਾ ਸਿੰਘ ਵਲਟੋਹਾ ਦੀ ਚੋਣ ਮੁਹਿੰਮ ਨੂੰ ਮਜ਼ਬੂਤ ਕਰਨ ਲਈ ਪਾਰਟੀ ਵਰਕਰਾਂ ਨਾਲ ਮੀਟਿੰਗ ਕੀਤੀ। ਮਰਹੂਮ ਜਥੇਦਾਰ ਰਣਜੀਤ ਸਿੰਘ ਬ੍ਰਹਮਪੁਰਾ ਵੱਲੋਂ ਖਡੂਰ ਸਾਹਿਬ ਲੋਕ ਸਭਾ ਹਲਕੇ ਵਿੱਚ ਸੰਸਦ ਮੈਂਬਰ ਵਜੋਂ ਆਪਣੇ ਕਾਰਜਕਾਲ ਦੌਰਾਨ ਪਾਏ ਮਹੱਤਵਪੂਰਨ ਵਿਕਾਸ ਕਾਰਜਾਂ ਨੂੰ ਉਜਾਗਰ ਕਰਦੇ ਹੋਏ ਰਵਿੰਦਰ ਸਿੰਘ ਬ੍ਰਹਮਪੁਰਾ ਨੇ ਅਕਾਲੀ ਦਲ ਦੀ ਮਜ਼ਬੂਤੀ ਲਈ ਸਕਾਰਾਤਮਕ ਪ੍ਰਭਾਵ 'ਤੇ ਜ਼ੋਰ ਦਿੱਤਾ।
ਇਹ ਮੀਟਿੰਗਾਂ ਬਲਬੀਰ ਸਿੰਘ ਉੱਪਲ ਚੇਅਰਮੈਨ ਅਤੇ ਅਜੀਤਪਾਲ ਸਿੰਘ ਬਿੱਟੂ ਦੇ ਗ੍ਰਹਿ ਵਿਖੇ ਆਯੋਜਿਤ ਹੋਈਆਂ।ਸ੍ਰ.ਬ੍ਰਹਮਪੁਰਾ ਨੇ ਪ੍ਰੋਫ਼ੈਸਰ ਵਲਟੋਹਾ ਦੀ ਕਾਬਲੀਅਤ ਅਤੇ ਵਚਨਬੱਧਤਾ ਦੀ ਸ਼ਲਾਘਾ ਕੀਤੀ ਅਤੇ ਪਾਰਟੀ ਵਰਕਰਾਂ ਵਿੱਚ ਸ਼ਾਨਦਾਰ ਉਤਸ਼ਾਹ ਨੂੰ ਦੇਖਦੇ ਹੋਏ ਅਤੇ ਅਕਾਲੀ ਦਲ ਦੀ ਅਗਾਮੀ ਜਿੱਤ ਵਿੱਚ ਅਟੁੱਟ ਭਰੋਸਾ ਪ੍ਰਗਟਾਇਆ।ਅਕਾਲੀ ਸ਼ਾਸਨ ਅਧੀਨ ਖਡੂਰ ਸਾਹਿਬ ਵਿੱਚ ਕੀਤੇ ਗਏ ਵਿਆਪਕ ਵਿਕਾਸ ਕਾਰਜਾਂ ਵੱਲ ਧਿਆਨ ਦਿਵਾਉਂਦੇ ਹੋਏ, ਉਨ੍ਹਾਂ ਨੇ ਰਵਾਇਤੀ ਸਿਆਸੀ ਧੜਿਆਂ ਦੀ ਮਾੜੀ ਅਤੇ ਦੋਗਲੀ ਕਾਰਗੁਜ਼ਾਰੀ 'ਤੇ ਅਫ਼ਸੋਸ ਪ੍ਰਗਟ ਕੀਤਾ ਅਤੇ ਲੋਕਾਂ ਨੂੰ ਪੰਜਾਬੀ ਭਲਾਈ ਮੱਦੇਨਜ਼ਰ ਝੂਠਾ ਪ੍ਰਚਾਰ ਕਰਨ ਵਾਲਿਆਂ ਨੂੰ ਨਕਾਰਨ ਦੀ ਜ਼ੋਰਦਾਰ ਅਪੀਲ ਕੀਤੀ।
ਇਹ ਮੌਕੇ ਹਾਜ਼ਰ ਵਰਕਰਾਂ ਵੱਲੋਂ ਸ਼੍ਰੋਮਣੀ ਅਕਾਲੀ ਦਲ ਦੀ ਸਰਪ੍ਰਸਤੀ ਹੇਠ ਪ੍ਰੋ: ਵਿਰਸਾ ਸਿੰਘ ਵਲਟੋਹਾ ਦੀ ਲੋਕ ਸਭਾ ਚੋਣਾਂ ਵਿੱਚ ਕਾਮਯਾਬੀ ਨੂੰ ਯਕੀਨੀ ਬਣਾਉਣ ਦਾ ਭਰੋਸਾ ਦਿੱਤਾ ਗਿਆ।ਇਸ ਮੌਕੇ ਬ੍ਰਹਮਪੁਰਾ ਨਾਲ ਸੀਨੀਅਰ ਟਕਸਾਲੀ ਆਗੂ ਸਤਨਾਮ ਸਿੰਘ ਸੱਤਾ ਬਲਾਕ ਸੰਮਤੀ ਮੈਂਬਰ ਚੋਹਲਾ ਸਾਹਿਬ,ਚੇਅਰਮੈਨ ਬਲਬੀਰ ਸਿੰਘ ਉੱਪਲ ਕੰਬੋ,ਮੁਖ਼ਤਿਆਰ ਸਿੰਘ ਸਰਪੰਚ ਕੰਬੋ,ਮਾਸਟਰ ਦਲਬੀਰ ਸਿੰਘ ਚੰਬਾ,ਅਜੀਤਪਾਲ ਸਿੰਘ ਬਿੱਟੂ,ਜਥੇਦਾਰ ਗੁਰਬਚਨ ਸਿੰਘ ਕੰਬੋ,ਬਲਵਿੰਦਰ ਸਿੰਘ ਉੱਪਲ ਕੰਬੋ, ਗੁਰਸਾਹਿਬ ਸਿੰਘ ਕੰਬੋ,ਬਖਸ਼ੀਸ਼ ਸਿੰਘ ਕੰਬੋ, ਬਿਕਰ ਸਿੰਘ ਕੰਬੋ,ਬਲਬੀਰ ਸਿੰਘ ਬਲੀ ਚੋਹਲਾ ਸਾਹਿਬ,ਡਾ.ਜਤਿੰਦਰ ਸਿੰਘ ਲਾਟੀ,ਗੁਰਦੇਵ ਸਿੰਘ ਸ਼ਬਦੀ ਚੋਹਲਾ ਸਾਹਿਬ,ਬਲਕਾਰ ਸਿੰਘ ਸਾਬਕਾ ਸਰਪੰਚ ਚੰਬਾ ਹਵੇਲੀਆਂ,ਗੁਰਬਚਨ ਸਿੰਘ ਸਾਬਕਾ ਸਰਪੰਚ ਚੰਬਾ ਹਵੇਲੀਆਂ,ਅਵਤਾਰ ਸਿੰਘ ਨਾਗ਼ ਚੰਬਾ ਕਲਾਂ,ਮਾਸਟਰ ਜਗਤਾਰ ਸਿੰਘ ਚੰਬਾ ਕਲਾਂ,ਲੱਖਾ ਸਿੰਘ ਧਰਮੀ ਫੌਜੀ ਚੰਬਾ ਕਲਾਂ,ਪਰਮਜੀਤ ਸਿੰਘ ਜਲਾਲਕੇ ਚੰਬਾ ਕਲਾ, ਧਰਮਿੰਦਰ ਸਿੰਘ ਨਾਗ਼ ਚੰਬਾ ਕਲਾਂ,ਜੱਜ ਸਿੰਘ ਢੇਰੀਵਾਲ ਚੰਬਾ ਕਲਾਂ, ਹਰਭਜਨ ਸਿੰਘ ਫੌਜੀ ਸਮੇਤ ਆਦਿ ਅਕਾਲੀ ਵਰਕਰ ਹਾਜ਼ਰ ਸਨ।