ਸੁਮਤਿ ਸ਼ਾਸਤਰੀ ਨੇ ਸ਼ਾਹਕੋਟ ਦੇ ਇਲਾਕਿਆਂ ਅੰਦਰ ਕੀਤਾ ਚੋਣ ਪ੍ਰਚਾਰ
ਡਾਕਟਰ ਸੁਖਵਿੰਦਰ ਸੁੱਖੀ ਦੇ ਭਾਰੀ ਬਹੁਮਤ ਨਾਲ ਜਿੱਤਣ ਦਾ ਕੀਤਾ ਦਾਅਵਾ
ਦੀਪਕ ਜੈਨ
ਜਗਰਾਉਂ, 6 ਮਈ 2023 : ਜਿਵੇਂ ਜਿਵੇਂ ਜਲੰਧਰ ਜਿਮਨੀ ਚੋਣ ਦਾ ਦਿਨ ਨਜ਼ਦੀਕ ਆਉਂਦਾ ਜਾ ਰਿਹਾ ਹੈ। ਓਵੇਂ ਓਵੇਂ ਹੀ ਰਾਜਨੀਤਕ ਪਾਰਟੀਆਂ ਵੱਲੋਂ ਚੋਣ ਪ੍ਰਚਾਰ ਕਰਨ ਵਿੱਚ ਵੀ ਤੇਜੀ ਲਿਆਂਦੀ ਜਾ ਰਹੀ ਹੈ। ਜਗਰਾਉਂ ਇਲਾਕੇ ਦੀ ਨਾਮਵਰ ਸਖਸ਼ੀਅਤ ਸੁਮਿਤ ਸ਼ਾਸਤਰੀ ਜੁਆਇੰਟ ਸਕੱਤਰ ਸ਼੍ਰੋਮਣੀ ਅਕਾਲੀ ਦਲ ਨੇ ਸ਼ਾਹਕੋਟ ਦੇ ਇਲਾਕੇ ਅੰਦਰ ਡਾਕਟਰ ਸੁਖਵਿੰਦਰ ਸੁੱਖੀ ਦੇ ਪੱਖ ਵਿਚ ਚੋਣ ਪ੍ਰਚਾਰ ਕੀਤਾ ਅਤੇ ਘਰ ਘਰ ਜਾ ਕੇ ਵੋਟਰਾਂ ਨੂੰ ਸੁਖਵਿੰਦਰ ਸੁੱਖੀ ਨੂੰ ਵੋਟਾਂ ਪਾਉਣ ਦੀ ਬੇਨਤੀ ਕੀਤੀ। ਸ਼ਾਸਤਰੀ ਨੇ ਕਿਹਾ ਕੇ ਆਮ ਆਦਮੀ ਪਾਰਟੀ ਦੇ ਥੈਲੇ ਵਿਚੋਂ ਬਿੱਲੀ ਬਾਹਰ ਆ ਚੁੱਕੀ ਹੈ ਅਤੇ ਪੰਜਾਬ ਦੇ ਲੋਕਾਂ ਦੇ ਮਨਾਂ ਅੰਦਰੋਂ ਝਾੜੂ ਦਾ ਬਣਿਆ ਹੋਇਆ ਯਕੀਨ ਟੁਟ ਚੁੱਕਿਆ ਹੈ। ਜਿਸ ਕਾਰਨ ਆਉਣ ਵਾਲੇ 10 ਮਈ ਨੂੰ ਜਲੰਧਰ ਇਲਾਕੇ ਦੇ ਲੋਕ ਸ਼੍ਰੋਮਣੀ ਅਕਾਲੀ ਦਲ ਦੇ ਉਮੀਦਵਾਰ ਡਾਕਟਰ ਸੁਖਵਿੰਦਰ ਸੁੱਖੀ ਨੂੰ ਭਾਰੀ ਵੋਟਾਂ ਦੇ ਬਹੁਮਤ ਨਾਲ ਜੇਤੂ ਕਰਾਰ ਦੇਣਗੇ। ਇਸ ਚੋਣ ਪ੍ਰਚਾਰ ਮੁਹਿੰਮ ਅੰਦਰ ਸੁਮਿਤ ਸ਼ਾਸਤਰੀ ਦੇ ਨਾਲ ਨੈਬ ਸਿੰਘ ਕੋਹਾੜ, ਪੰਡਤ ਓਮ ਦੱਤ ਸ਼ਰਮਾਂ ਅਤੇ ਹੋਰ ਅਕਾਲੀ ਬਸਪਾ ਦੇ ਬਹੁਗਿਣਤੀ ਵਰਕਰਾਂ ਨੇ ਇਸ ਚੋਣ ਪ੍ਰਚਾਰ ਵਿਚ ਸ਼ਮੂਲੀਅਤ ਕੀਤੀ।