- ਸਾਹਿਬ ਦੇ ਹੁਕਮਾਂ 'ਤੇ ਪੁਲਿਸ ਮੁਲਾਜ਼ਮ ਵੀ ਸੇਵਾ 'ਚ ਪੱਲਿਉਂ ਪਾ ਰਹੇ ਹਨ ਯੋਗਦਾਨ : ਹਰੀਸ਼ ਸ਼ਰਮਾ ਸਹਾਇਕ ਸਬ ਇੰਸਪੈਕਟਰ
ਫਿਰੋਜ਼ਪੁਰ, 7 ਅਪ੍ਰੈਲ 2020 - ਕੋਰੋਨਾ ਵਾਇਰਸ ਦੀ ਦਹਿਸ਼ਤ ਦੇ ਕਾਰਨ ਜਿੱਥੇ ਹਰ ਆਮ ਅਤੇ ਖਾਸ ਘਰਾਂ ਵਿੱਚ ਲੋਕ ਡਾਊਨ ਹੋ ਕੇ ਰਹਿ ਗਿਆ ਹੈ , ਉੱਥੇ ਮੁਸ਼ਕਿਲ ਦੀ ਇਸ ਘੜੀ ਬੇਬਸ ਲੋਕਾਂ ਦੀ ਸੇਵਾ ਕਰਨ ਵਾਲਿਆਂ ਵਿਚ ਵੀ ਕੋਈ ਕਮੀ ਨਹੀ ਅਾ ਰਹੀ ਹੈ। ਪੁੰਨ ਦੇ ਇਸ ਕੰਮ ' ਚ ਪੁਲਿਸ ਮੁਲਾਜ਼ਮਾਂ ਵੱਲੋਂ ਵੀ ਪੂਰਾ ਯੋਗਦਾਨ ਪਾਇਆ ਜਾ ਰਿਹਾ ਹੈ। ਇਸੇ ਸਿਲਸਿਲੇ ਚ ਜ਼ਿਲ੍ਹਾ ਪੁਲਿਸ ਦੀ ਸਪੈਸ਼ਲ ਬਰਾਂਚ ਦੇ ਕੁੱਝ ਮੁਲਾਜ਼ਮ ਪੱਲਿਉਂ ਪੈਸੇ ਪਾ ਕੇ ਪਿਛਲੇ ਕਈ ਦਿਨਾਂ ਤੋਂ ਲੋਕਾਂ ਨੂੰ ਲੰਗਰ ਖੁਆ ਰਹੇ ਹਨ। ਇਸ ਸਬੰਧੀ ਸੋਮਵਾਰ ਨੂੰ ਸਪੈਸ਼ਲ ਬਰਾਂਚ ਦੇ ਮੁਲਾਜ਼ਮ ਸੰਤ ਬਾਬਾ ਬੋਰੀ ਵਾਲੇ ਕਰੀਆਂ ਪਹਿਲਵਾਨ ਦੇ ਬਾਬਾ ਦਰਸ਼ਨ ਸਿੰਘ ਅਤੇ ਸੇਵਾਦਾਰ ਕਾਰਜ ਸਿੰਘ ਨਾਲ ਲੰਗਰ ਚ ਯੋਗਦਾਨ ਪਾਉਂਦੇ ਵੇਖੇ ਗਏ। ਇਸ ਸਬੰਧੀ ਪੁੱਛੇ ਜਾਣ 'ਤੇ ਸਹਾਇਕ ਸਬ ਇੰਸਪੈਕਟਰ ਹਰੀਸ਼ ਸ਼ਰਮਾ ਨੇ ਦੱਸਿਆ ਕਿ ਪੁਲਿਸ ਮੁਖੀ ਦੇ ਹੁੱਕਮਾਂ 'ਤੇ ਪੁਲਿਸ ਮੁਲਾਜ਼ਮ ਵੀ ਇਸ ਮੁਸ਼ਕਿਲ ਘੜੀ ਚ ਡਿਓੂਟੀ ਦੇ ਨਾਲ ਨਾਲ ਸੇਵਾ ਦਾ ਕੰਮ ਵੀ ਕਰ ਰਹੇ ਹਨ। ਉਨ੍ਹਾਂ ਦੱਸਿਆ ਕਿ ਇਸ ਕੰਮ ਵਿਚ ਉਨ੍ਹਾਂ ਦੇ ਸਾਥੀ ਏ ਐੱਸ ਆਈ ਟਹਿਲ ਸਿੰਘ ਅਤੇ ਏ ਐੱਸ ਆਈ ਸ਼ਾਮ ਸਿੰਘ ਵੀ ਯੋਗਦਾਨ ਪਾ ਰਹੇ ਹਨ। ਹਰੀਸ਼ ਸ਼ਰਮਾ ਨੇ ਦੱਸਿਆ ਕਿ ਉਹ ਥਾਣਾ ਸਦਰ ਅਤੇ ਸਿਟੀ ਤਹਿਤ ਪੈਂਦੇ ਵੱਖ ਵੱਖ ਪਿੰਡਾਂ ਚ ਲੰਗਰ ਸੇਵਾ ਕਰ ਰਹੇ ਹਨ।