ਹਰੇਕ ਕਿੱਟ ਵਿਚ ਸੈਨੀਟਾਈਜ਼ਰ, ਮਾਸਕ ਸ਼ਾਮਲ
ਐਸ ਏ ਐਸ ਨਗਰ, 22 ਅਪ੍ਰੈਲ 2020: "ਜ਼ਿਲ੍ਹਾ ਪੁਲਿਸ ਨੇ ਮੋਹਾਲੀ ਸੀਨੀਅਰ ਸਿਟੀਜ਼ਨ ਐਸੋਸੀਏਸ਼ਨ (ਐਮਐਸਸੀਏ) ਦਾ ਧੰਨਵਾਦ ਕੀਤਾ ਜੋ ਕੋਰੋਨਾ ਵਾਇਰਸ ਬਿਮਾਰੀ ਵਿਰੁੱਧ ਜੰਗ ਵਿੱਚ ਮੋਹਰਲੀ ਕਤਾਰ ਵਿਚ ਲੜ ਰਹੇ ਪੁਲਿਸ ਮੁਲਾਜ਼ਮਾਂ ਦੀ ਸੁਰੱਖਿਆ ਲਈ ਯੋਗਦਾਨ ਪਾ ਰਹੀ ਹੈ।"
ਇਹ ਪ੍ਰਗਟਾਵਾ ਅੱਜ ਇਥੇ ਜ਼ਿਲ੍ਹਾ ਪ੍ਰਬੰਧਕੀ ਕੰਪਲੈਕਸ ਵਿਖੇ ਐਸਐਸਪੀ ਸ੍ਰੀ ਕੁਲਦੀਪ ਸਿੰਘ ਚਾਹਲ ਦੀ ਤਰਫੋਂ ਐਸ.ਪੀ (ਸਿਟੀ) ਸ੍ਰੀ ਐਚ.ਐਸ ਵਿਰਕ ਨੇ ਐਸੋਸੀਏਸ਼ਨ ਦਾ 400 ਕਿੱਟਾਂ (ਹਰੇਕ ਵਿੱਚ ਸੈਨੇਟਾਈਜ਼ਰ ਬੋਤਲ ਅਤੇ 4 ਮਾਸਕ ਹਨ) ਦਾਨ ਕਰਨ ਲਈ ਐਸੋਸੀਏਸ਼ਨ ਦਾ ਧੰਨਵਾਦ ਕਰਦਿਆਂ ਕੀਤਾ।
ਜ਼ਿਕਰਯੋਗ ਹੈ ਕਿ ਐਸੋਸੀਏਸ਼ਨ ਨੇ ਪਹਿਲਾਂ ਸਿਵਲ ਹਸਪਤਾਲ, ਫੇਜ਼ -6, ਮੁਹਾਲੀ ਨੂੰ 100 ਪੀਪੀਈਜ਼ ਦਾਨ ਕੀਤੀਆਂ ਸਨ।
ਇਸ ਮੌਕੇ ਹੋਰਨਾਂ ਤੋਂ ਇਲਾਵਾ ਡੀਐਸਪੀ ਦੀਪ ਕਮਲ, ਐਸਆਈ ਜਸਵਿੰਦਰ ਸਿੰਘ ਅਤੇ ਐਸੋਸੀਏਸ਼ਨ ਦੇ ਪ੍ਰਧਾਨ ਐਸ. ਚੌਧਰੀ ਵੀ ਸ਼ਾਮਲ ਸਨ।