ਹਰਦਮ ਮਾਨ
ਸਰੀ ਆਰਸੀਐਮਪੀ ਨੇ ਇਕ 37 ਸਾਲਾ ਵਿਅਕਤੀ ਨੂੰ ਗ੍ਰਿਫਤਾਰ ਕੀਤਾ ਹੈ ਅਤੇ ਉਸ ਪਾਸੋਂ ਤਿੰਨ ਹਥਿਆਰ, ਚੋਰੀ ਦਾ ਮਾਲ ਅਤੇ ਨਸ਼ੀਲੇ ਪਦਾਰਥ ਫੜ੍ਹਨ ਦਾ ਪ੍ਰਗਟਾਵਾ ਕੀਤਾ ਹੈ। ਪੁਲਿਸ ਅਨੁਸਾਰ 13 ਦਸੰਬਰ ਨੂੰ 184 ਏ ਸਟਰੀਟ ਅਤੇ 58 ਐਵੀਨਿਊ ਤੇ ਇਕ ਕਾਰ ਨੂੰ ਰੋਕਣ ਦੀ ਕੋਸ਼ਿਸ਼ ਕੀਤੀ ਪਰ ਡਰਾਈਵਰ ਭਜਾ ਕੇ ਲੈ ਗਿਆ। ਪੁਲਿਸ ਅਧਿਕਾਰੀਆਂ ਨੇ ਉਸ ਕਾਰ ਦਾ ਵੇਰਵਾ ਅਤੇ ਲਾਇਸੈਂਸ ਪਲੇਟ ਨੰਬਰ ਨੋਟ ਕਰ ਲਈ।
ਕੁਝ ਦਿਨ ਬਾਅਦ, 18 ਦਸੰਬਰ ਨੂੰ, ਉਹ ਕਾਰ ਫਿਰ ਪੁਲਿਸ ਦੀ ਨਿਗਾਹ ਚੜ੍ਹੀ ਅਤੇ ਇਸ ਵਾਰ ਪੁਲਿਸ ਅਧਿਕਾਰੀਆਂ ਨੇ ਚੌਕਸੀ ਵਰਤਦਿਆਂ ਕਾਰ ਨੂੰ ਪਾਰਕਿੰਗ ਵਿਚ ਖੜ੍ਹੀ ਕਰਨ ਸਮੇਂ ਹੀ ਘੇਰ ਲਿਆ। ਡਰਾਈਵਰ ਨੇ ਭੱਜਣ ਦੀ ਕੋਸ਼ਿਸ਼ ਕੀਤੀ, ਪਰ ਪੁਲਿਸ ਨੇ ਉਸ ਨੂੰ ਗ੍ਰਿਫਤਾਰ ਕਰ ਲਿਆ।
ਜਦੋਂ ਪੁਲਿਸ ਨੇ ਕਾਰ ਦੀ ਤਲਾਸ਼ੀ ਲਈ ਤਾਂ ਉਸ ਵਿੱਚੋਂ ਤਿੰਨ ਬੰਦੂਕਾਂ, ਚੋਰੀ ਕੀਤਾ ਸਾਮਾਨ ਅਤੇ ਨਸ਼ੀਲੇ ਪਦਾਰਥ ਮਿਲੇ। ਪੁਲਿਸ ਨੂੰ ਸ਼ੱਕ ਹੈ ਕਿ ਇਹ ਨਸ਼ੀਲੇ ਪਦਾਰਥ ਮੈਥਾਮੋਫੇਟਾਮਾਈਨ, ਫੈਂਟਨੈਲ ਅਤੇ ਕੋਕੀਨ ਹਨ। ਸ਼ੱਕੀ ਵਿਅਕਤੀ ਪੁਲਿਸ ਦੀ ਹਿਰਾਸਤ ਵਿਚ ਹੈ ਅਤੇ ਪੁਲਿਸ ਜਾਂਚ ਜਾਰੀ ਹੈ।
ਹਰਦਮ ਮਾਨ +1 604 308 6663
ਈਮੇਲ : maanbabushahi@gmail.com