ਸੰਤ ਸੀਚੇਵਾਲ ਤੇ ਚਾਰ ਸੇਵਾਦਾਰਾਂ ਦੀ ਆਈ ਟੈਸਟ ਰਿਪੋਰਟ, ਹੋਇਆ ਇਹ ਖੁਲਾਸਾ
ਕਪੂਰਥਲਾ, 4 ਅਪ੍ਰੈਲ, 2020 : ਸੰਤ ਬਲਬੀਰ ਸਿੰਘ ਸੀਚੇਵਾਲ ਤੇ ਉਹਨਾਂ ਦੇ ਚਾਰ ਸੇਵਾਦਾਰਾਂ ਦੇ ਕੋਰੋਨਾਵਾਇਰਸ ਟੈਸਟ ਨੈਗੇਟਿਵ ਆਏ ਹਨ। ਸੰਤ ਸੀਚੇਵਾਲ ਦੇ ਨੇੜਲੇ ਸੂਤਰਾਂ ਤੋਂ ਮਿਲੀ ਜਾਣਕਾਰੀ ਦੇ ਮੁਤਾਬਕ ਸੰਤ ਸੀਚੇਵਾਲ 13 ਮਾਰਚ ਨੂੰ ਮਰਹੂਮ ਪਦਮ ਸ੍ਰੀ ਭਾਈ ਨਿਰਮਲ ਸਿੰਘ ਖਾਲਸਾ ਦੇ ਸੰਪਰਕ ਵਿਚ ਆਏ ਸਨ। ਹੁਣ ਉਹਨਾਂ ਨੇ ਆਪਣੇ ਆਪ ਇਕਾਂਤਵਾਸ ਵਿਚ ਰੱਖਿਆ ਹੋਇਆ ਹੈ। ਉਹਨਾਂ ਦੇ ਕੀਤੇ ਗਏ ਕੋਰੋਨਾ ਟੈਸਟ ਨੈਗੇਟਿਵ ਆਏ ਹਨ। ਇਹ ਖੁਲਾਸਾ ਬਾਬਾ ਸੀਚੇਵਾਲ ਦੇ ਇੱਕ ਬੁਲਾਰੇ ਨੇ ਬਾਬੂਸ਼ਾਹੀ ਨਾਲ ਗੱਲਬਾਤ ਕਰਦਿਆਂ ਕੀਤਾ . ਉਂਝ ਇਹ ਜਾਣਕਾਰੀ ਸੀਚੇਵਾਲ ਟਾਈਮਜ਼ ਦੇ ਫੇਸ ਬੁੱਕ ਪੇਜ ਤੇ ਵੀ ਪਾਈ ਗਈ ਹੈ .ਡੇਰੇ ਵਲੋਂ ਆਪਣੇ ਪੈਰੋਕਾਰਾਂ ਅਤੇ ਲੋਕਾਂ ਨੂੰ ਅਫਵਾਹਾਂ ਤੋਂ ਸੁਚੇਤ ਰਹਿਣ ਦੀ ਅਪੀਲ ਵੀ ਕੀਤੀ ਗਈ ਹੈ .
ਪਰ ਅਜੇ ਤਕ ਸਰਕਾਰੀ ਤੌਰ ਤੇ ਇਸ ਰਿਪੋਰਟ ਬਾਰੇ ਨਾ ਹੀ ਕੋਈ ਰਿਪੋਰਟ ਜਾਰੀ ਹੋਈ ਹੈ ਅਤੇ ਨਾ ਹੀ ਕੋਈ ਖੁਲਾਸਾ ਕੀਤਾ ਗਿਆ ਹੈ .