ਜਗਰਾਓਂ ਵਿਚ ਕੋਰੋਨਾ ਟੀਕਾਕਰਨ ਕੈਂਪ ਲਾਇਆ
ਦੀਪਕ ਜੈਨ
ਜਗਰਾਓਂ, 22 ਜੂਨ 2021 - ਸੰਪਤੀ ਮਾਤਰੀ ਸੇਵਾ ਸੰਗ ਜਗਰਾਓਂ ਅਤੇ ਰੂਪ ਸ਼ੁਭ ਜੈਨ ਸਾਧਨਾ ਸਥਲ ਜਗਰਾਓਂ ਵਲੋਂ ਕਰੋਨਾ ਟੀਕਾਕਰਨ ਕੈੰਪ ਲਾਇਆ ਗਿਆ। ਜਿਸ ਦਾ ਉਦਘਾਟਨ ਚੇਅਰਮੈਨ ਸਫਾਈ ਕਰਮਚਾਰੀ ਕਮਿਸ਼ਨ ਪੰਜਾਬ ਗੇਜਾ ਰਾਮ ਵਾਲਮੀਕਿ ਨੇ ਕਰਦੇ ਕਿਹਾ ਕਿ ਕਰੋਨਾ ਇਕ ਭਿਆਨਕ ਬਿਮਾਰੀ ਹੈ। ਜਿਸ ਤੋਂ ਬਚਾ ਕਰਨ ਲਈ ਟੀਕਾਕਰਨ ਹੀ ਹੱਲ ਹੈ। ਟੀਕਾਕਰਨ ਇਕ ਸੁਰੱਖਿਅਤ ਮੈਡੀਸਿਨ ਹੈ।
ਇਸ ਮੌਕੇ ਜਾਣਕਾਰੀ ਦਿੰਦਿਆਂ ਪ੍ਰਦੀਪ ਜੈਨ ਨੇ ਦਸਿਆ ਕਿ ਇਸ ਕੈੰਪ ਵਿਚ 172 ਲੋਕਾਂ ਨੇ ਪਹਿਲੀ ਅਤੇ ਦੂਸਰੀ ਵੈਕਸੀਨ ਦੀ ਡੋਜ ਲਗਵਾਈ ਹੈ। ਕੈੰਪ ਦੌਰਾਨ ਸਿਵਲ ਹਸਪਤਾਲ ਦੇ ਡਾਕਟਰਾਂ ਦੀ ਟੀਮ ਡਾਕਟਰ ਸੁਖਵਿੰਦਰ ਕੌਰ , ਜਸਪ੍ਰੀਤ ਸਿੰਘ , ਜਗਰੂਪ ਸਿੰਘ , ਵੀਰਪਾਲ ਕੌਰ ਅਤੇ ਮੈਡਮ ਨਿਕੀ ਨੇ ਆਪਣੀ ਜਿੰਮਵਾਰੀ ਬਾਖ਼ੂਬ ਨਿਭਾਈ। ਇਸ ਮੌਕੇ ਗੁਲਸ਼ਨ ਜੈਨ , ਨਰੇਸ਼ ਵਰਮਾ , ਮੈਡਮ ਕੰਚਨ , ਗੋਰਾ ਲੱਧੜ , ਅਮਿਤ ਕਲਿਆਣ , ਸੰਜੂ ਵਰਮਾ , ਮਯਕ ਜੈਨ , ਮਨੀ ਧੀਰ , ਕੇਤਨ ਜੈਨ ਹਾਜਿਰ ਸਨ।