ਬਾਬਾ ਖੇਤਰ ਪਾਲ ਮੰਦਰ ਵਿਖੇ ਮੁਫ਼ਤ ਵੈਕਸੀਨ ਲਗਾਉਣ ਦਾ ਕੈਂਪ 1 ਤੋਂ 15 ਜੁਲਾਈ ਤੱਕ - ਜੈੱਨ/ਤੇਰੀਆ
ਪਰਵਿੰਦਰ ਸਿੰਘ ਕੰਧਾਰੀ
ਫ਼ਰੀਦਕੋਟ, 29 ਜੂਨ 2021 - ਬਾਬਾ ਖੇਤਰ ਪਾਲ ਮੰਦਰ, ਬਾਬਾ ਖੇਤਰਪਾਲ ਚੈਰੀਟੇੱਬਲ ਟਰੱਸਟ ਫ਼ਰੀਦਕੋਟ, ਨਜ਼ਦੀਕ ਮੋਰੀ ਗੇਟ, ਸਾਹਮਣੇ ਪੈਟੋਰਲ ਪੰਪ ਵਾਲੀ ਗਲੀ ਵਿਖੇ ਸਿਵਲ ਹਸਪਤਾਲ ਫਰੀਦਕੋਟ ਦੇ ਸਹਿਯੋਗ ਨਾਲ ਵੈਕਸੀਨ ਲਗਾਉਣ ਦਾ ਮੁਫ਼ਤ ਕੈਂਪ 1 ਜੁਲਾਈ ਤੋਂ 15 ਜੁਲਾਈ ਤੱਕ ਲਗਾਤਾਰ ਸਵੇਰ 9:00 ਵਜੇ ਤੋਂ ਦੁਪਹਿਰ 2:00 ਵਜੇ ਤੱਕ ਲਗਾਇਆ ਜਾ ਰਿਹਾ ਹੈ | ਇਹ ਜਾਣਕਾਰੀ ਦਿੰਦਿਆਂ ਚੈਰੀਟੇੱਬਲ ਟਰੱਸਟ ਦੇ ਮੁੱਖ ਸੇਵਾਦਾਰ ਜਨਿੰਦਰ ਜੈੱਨ, ਸੇਵਾਦਾਰ ਬਲਦੇਵ ਤੇਰੀਆ ਨੇ ਦੱਸਿਆ ਕੈਂਪ ਦੌਰਾਨ 18 ਸਾਲ ਤੋ ਉੱਪਰ ਦੇ ਹਰ ਵਿਅਕਤੀ ਦੇ ਪਹਿਲੀ ਅਤੇ ਦੂਸਰੀ ਵੈਕਸੀਨ ਦੀ ਡੋਜ਼ ਲਗਾਈ ਜਾਵੇਗੀ |
ਉਨ੍ਹਾਂ ਕਿਹਾ ਆਪਣਾ ਅਧਾਰ ਕਾਰਡ , ਮੋਬਾਇਲ ਨੰਬਰ ਨਾਲ ਲੈ ਕੇ, ਆਪਣਾ ਮਾਸਕ ਪਹਿਨ ਕੇ, ਸ਼ੋਸ਼ਲ ਡਿਸਟੈਂਸ ਬਣਾ ਵੈਕਸੀਨ ਲਗਵਾਈ ਜਾ ਸਕਦੀ ਹੈ | ਉਨ੍ਹਾਂ ਦੱਸਿਆ ਕਿ ਦੂਸਰੀ ਡੋਜ਼ ਕੋਵਾਸੀਲਡ ਦੀ 84 ਦਿਨ ਬਾਅਦ ਅਤੇ ਕੋਵੈਕਸੀਨ ਦੀ 28 ਦਿਨ ਬਾਅਦ ਲਗਵਾਈ ਜਾਵੇਗੀ | ਦੂਸਰੀ ਡੋਜ਼ ਲਗਾਉਣ ਲਈ ਪਹਿਲੀ ਡੋਜ਼ ਦਾ ਸਰਟੀਫਿਕੇਟ ਨਾਲ ਲੇ ਕੇ ਆਉਣਾ ਜ਼ਰੂਰੀ ਹੈ |