← ਪਿਛੇ ਪਰਤੋ
ਫਿਰੋਜ਼ਪੁਰ 5 ਮਈ 2020 : ਵਿਸ਼ਵ 'ਚ ਫੈਲੇ ਕੋਰੋਨਾ ਦਾ ਕਹਿਰ ਦਿਨੋਂ-ਦਿਨ ਵੱਧਦਾ ਹੀ ਜਾ ਰਿਹਾ ਹੈ, ਇਸੇ ਤਹਿਤ ਬੀਤੀ ਸ਼ਾਮ ਜ਼ਿਲ੍ਹਾ ਫਿਰੋਜ਼ਪੁਰ ਦੇ ਕੋਰੋਨਾ ਪਾਜ਼ੀਟਿਵ ਮਰੀਜ਼ਾਂ ਦੀ ਆਈ ਰਿਪੋਰਟ 'ਚ ਨਗਰ ਪੰਚਾਇਤ ਮੱਲਾਂਵਾਲਾ ਦੀ ਬਸਤੀ ਸੁਨਮਾਂ ਦੀ ਇਕ ਔਰਤ ਜਸਵਿੰਦਰ ਕੌਰ (45) ਪਤਨੀ ਸੁਖਚੈਨ ਸਿੰਘ ਦੀ ਰਿਪੋਰਟ ਪਾਜ਼ੀਟਿਵ ਆਉਣ ਨਾਲ ਇਲਾਕੇ 'ਚ ਦਹਿਸ਼ਤ ਦਾ ਮਾਹੌਲ ਬਣ ਗਿਆ ਹੈ। ਪ੍ਰਸ਼ਾਸਨ ਦੀ ਹਦਾਇਤਾਂ ਅਨੁਸਾਰ ਥਾਣਾ ਮੱਲਾਂਵਾਲਾ ਦੇ ਮੁਖੀ ਜਤਿੰਦਰ ਸਿੰਘ ਨੇ ਆਪਣੇ ਸੀਨੀਅਰ ਅਫਸਰਾਂ ਨਾਲ ਸਲਾਹ ਮਸ਼ਵਰੇ ਤੋਂ ਬਾਆਦ ਬਸਤੀ ਸੁਨਮਾਂ ਨੂੰ ਜਾਣ ਵਾਲੇ ਤਿੰਨੋਂ ਰਸਤਿਆਂ ਤੇ ਪੁਲਸ ਮੁਲਾਜ਼ਮ ਤਾਇਨਾਤ ਕਰਕੇ ਰਸਤੇ ਬੰਦ ਕਰਨ ਤੋਂ ਬਾਆਦ ਪਿੰਡ ਨੂੰ ਸੀਲ ਕਰ ਦਿੱਤਾ ਹੈ। ਜ਼ਿਕਰਯੋਗ ਹੈ ਕਿ ਜਸਵਿੰਦਰ ਕੌਰ ਸ੍ਰੀ ਹਜ਼ੂਰ ਸਹਿਬ ਤੋਂ 27 ਅ੍ਰਪੈਲ ਦੀ ਰਾਤ ਵਾਪਸ ਆਪਣੇ ਘਰ ਆਈ ਸੀ ਅਤੇ ਦੋ ਰਾਤਾਂ ਤੇ ਇੱਕ ਦਿਨ ਘਰ ਰਹਿਣ ਤੋਂ ਬਾਆਦ 29 ਅਪ੍ਰੈਲ ਨੂੰ ਆਪਣੇ ਟੈਸਟ ਕਰਵਾਉਣ ਲਈ ਪ੍ਰਸ਼ਾਸਨ ਨਾਲ ਸੰਪਰਕ ਕੀਤਾ ਸੀ। ਜਸਵਿੰਦਰ ਕੌਰ ਦੇ ਬਾਕੀ ਪਰਿਵਾਰ ਦੇ ਮੈਡੀਕਲ ਟੈਸਟ ਦੇ ਸੈਂਪਲ ਲੈਣ ਤੋਂ ਬਾਆਦ ਪਰਿਵਾਰ ਨੂੰ ਘਰ 'ਚ ਹੀ ਏਕਾਂਤਵਾਸ ਕੀਤਾ ਗਿਆ ਹੈ।
Total Responses : 266