ਫਰੀਦਕੋਟ ਜ਼ਿਲ੍ਹੇ ਵਿੱਚ ਕਿਸਦੀ ਹੋਈ ਹੈ ਜਿੱਤ ਪੜ੍ਹੋ ਪੂਰੀ ਖਬਰ
ਪਰਵਿੰਦਰ ਸਿੰਘ ਕੰਧਾਰੀ
ਫਰੀਦਕੋਟ, 10 ਮਾਰਚ 2022 - ਅੱਜ ਪੰਜਾਬ ਵਿਧਾਨ ਸਭਾ ਚੋਣਾਂ ਦੇ ਨਤੀਜੇ ਆਏ ਹਨ ਤੇ ਆਮ ਆਦਮੀ ਪਾਰਟੀ ਦੇ ਉਮੀਦਵਾਰਾਂ ਨੇ ਬਹੁਤ ਵੱਡੀ ਜਿੱਤ ਪ੍ਰਾਪਤ ਕੀਤੀ ਹੈ ਤੇ ਕਾਂਗਰਸ ਪਾਰਟੀ ਅਤੇ ਸ਼੍ਰੋਮਣੀ ਅਕਾਲੀ ਦਲ ਦੇ ਕਈ ਦਿੱਗਜ ਨੇਤਾ ਹਾਰ ਗਏ ਜਲਾਲਾਬਾਦ ਤੋ ਸੁਖਬੀਰ ਸਿੰਘ ਬਾਦਲ, ਲੰਬੀ ਤੋ ਪ੍ਰਕਾਸ਼ ਸਿੰਘ ਬਾਦਲ, ਚਰਨਜੀਤ ਸਿੰਘ ਚੰਨੀ ਦੋਵੇਂ ਸੀਟਾਂ ਹਾਰ ਗਏ ਕੈਪਟਨ ਅਮਰਿੰਦਰ ਸਿੰਘ ਵੀ ਆਪਣੀ ਸੀਟ ਹਾਰ ਗਏ ਤੇ ਬਠਿੰਡਾ ਸ਼ਹਿਰੀ ਤੋ ਮਨਪ੍ਰੀਤ ਬਾਦਲ ਹਾਰ ਗਏ।
ਜਿਆਦਾਤਰ ਪੰਜਾਬ ਦੇ ਮੁਲਾਜ਼ਮ ਮਨਪ੍ਰੀਤ ਬਾਦਲ ਦੀ ਹਾਰ ਤੋ ਬਹੁਤ ਜਿਆਦਾ ਖੁਸ਼ ਹਨ ਕਿਉਂਕਿ ਇਨ੍ਹਾਂ ਨੇ ਹਮੇਸ਼ਾ ਹੀ ਪੰਜਾਬ ਦੇ ਮੁਲਾਜ਼ਮਾਂ ਨੂੰ ਖਜਾਨਾ ਖਾਲੀ ਦਾ ਹੀ ਬਹਾਨਾ ਲਾਇਆ। ਹੁਣ ਗੱਲ ਕਰੀਏ ਫਰੀਦਕੋਟ ਜਿਲ੍ਹੇ ਦੇ ਵਿਧਾਨ ਹਲਕਾ ਫਰੀਦਕੋਟ ਤੋ ਗੁਰਦਿੱਤ ਸਿੰਘ ਸੇਖੋਂ ਨੇ ਆਪਣੇ ਵਿਰੋਧੀ ਉਮੀਦਵਾਰਾਂ ਨੂੰ ਹਰਾ ਕੇ 16289 ਨਾਲ , ਕੋਟਕਪੂਰਾ ਤੋ ਆਮ ਆਦਮੀ ਪਾਰਟੀ ਦੇ ਉਮੀਦਵਾਰ ਕੁਲਤਾਰ ਸਿੰਘ ਸੰਧਵਾਂ 20737 ਵੋਟਾਂ ਨਾਲ , ਜੈਤੋ ਤੋ ਆਮ ਆਦਮੀ ਪਾਰਟੀ ਦੇ ਉਮੀਦਵਾਰ ਅਮੋਲਕ ਸਿੰਘ 32470 ਵੋਟਾਂ ਨਾਲ ਜੇਤੂ ਰਹੇ।