ਕੈਨੇਡਾ : ਖਾਲਸਾ ਏਡ ਨੇ ਟੋਰਾਂਟੋ 'ਚ ਟਰੱਕਾਂ ਵਾਲਿਆਂ ਲਈ ਕੀਤੀ ਇਹ ਪੇਸ਼ਕਸ਼
ਬਲਜਿੰਦਰ ਸੇਖਾ
ਟੋਰਾਂਟੋ, 22 ਅਪ੍ਰੈਲ, 2020 : ਖਾਲਸਾ ਏਡ ਟੋਰਾਂਟੋ ਇਲਾਕੇ ਵਿਚੋਂ ਲੰਘਣ ਵਾਲੇ ਟਰੱਕ ਅਪਰੇਟਰਾਂ ਦੀ ਮਦਦ ਵਿਚ ਨਿਤਰ ਆਈ ਹੈ। ਖਾਲਸਾ ਏਡ ਨੇ ਇਕ ਟੈਲੀਫੋਨ ਨੰਬਰ ਜਾਰੀ ਕੀਤਾ ਹੈ ਤੇ ਆਖਿਆ ਹੈ ਕਿ ਟੋਰਾਂਟੋ ਇਲਾਕੇ ਵਿਚੋਂ ਲੰਘਣ ਵਾਲੇ ਟਰੱਕ ਵਾਲੇ ਵੀਰ ਭੈਣ ਨੂੰ ਜੇਕਰ ਖਾਣਾ, ਦਸਤਾਨੇ, ਸੈਨੇਟਾਈਜ਼ਰ ਜਾਂ ਕੋਈ ਐਮਰਜੰਸੀ ਲੋੜ ਹੋਵੇ ਤਾਂ ਉਹ ਖਾਲਸਾ ਕੇਅਰ ਨਾਲ 416-984-7700 'ਤੇ ਸੰਪਰਕ ਕਰ ਸਕਦੇ ਹਨ। ਉਹਨਾਂ ਕਿਹਾ ਕਿ ਜਿਸ ਵੀ ਇਲਾਕੇ ਅੰਦਰ ਇਹ ਹੋਣਗੇ ਤਾਂ ਇਹ ਸੇਵਾਵਾਂ ਜਥੇਬੰਦੀ ਵੱਲੋਂ ਉਹਨਾਂ ਨੂੰ ਮੁਫਤ ਦਿੱਤੀਆਂ ਜਾਣਗੀਆਂ। ਜਥੇਬੰਦੀ ਮੁਤਾਬਕ ਔਖੇ ਵੇਲੇ ਆਰਥਿਕਤਾ ਦਾ ਪਹੀਆ ਰੋੜਨ ਵਾਲੇ ਤੇ ਜਰੂਰੀ ਵਸਤਾਂ ਦੀ ਸਪਲਾਈ ਕਰਨ ਵਾਲੇ ਟਰੱਕਾਂ ਵਾਲਿਆਂ ਵਾਸਤੇ ਇਹ ਸੰਦੇਸ਼ ਬਹੁਤ ਜੂਰੀ ਹੈ ਕਿਉਂਕਿ ਡਰਾਈਵਰ ਥਰੂ ਵਾਲੇ ਨੱਖਰੇ ਮਾਰ ਰਹੇ ਹਨ ਤੇ ਔਕੜਾਂ ਦਾ ਸਮਾਂ ਹੋਣ ਦੇ ਬਾਵਜੂਦ ਟਰੱਕਾਂ ਵਾਲੇ ਕੰਮ ਵਿਚ ਲੱਗੇ ਹਨ। ਅਜਿਹੇ ਵਿਚ ਇਹਨਾਂ ਦੀ ਮਦਦ ਕਰਨਾ ਬਹੁਤ ਜ਼ਰੂਰੀ ਹੈ।