ਮੁਹਾਲੀ 'ਚ ਆਏ 11 ਹੋਰ ਨਵੇਂ ਕੇਸ, ਗਿਣਤੀ ਹੋਈ 84
ਮੁਹਾਲੀ, 30 ਅਪ੍ਰੈਲ, 2020 : ਮੁਹਾਲੀ ਜ਼ਿਲੇ ਵਿਚ ਕੋਰੋਨਾ ਵਾਇਰਸ ਦੇ 11 ਨਵੇਂ ਕੇਸ ਆਉਣ ਮਗਰੋਂ ਜ਼ਿਲੇ ਵਿਚ ਪਾਜ਼ੀਟਿਵ ਕੇਸਾਂ ਦੀ ਗਿਣਤ 84 ਹੋ ਗਈ ਹੈ।
ਡਿਪਟੀ ਕਮਿਸ਼ਨਰ ਗਿਰੀਸ਼ ਦਿਆਲਨ ਨੇ ਟਵੀਟ ਰਾਹੀਂ ਦੱਸਿਆ ਕਿ 11 ਨਵੇਂ ਕੇਸਾਂ ਵਿਚੋਂ 10 ਸ੍ਰੀ ਹਜ਼ੂਰ ਸਾਹਿਬ ਤੋਂ ਪਰਤੇ ਵਿਅਕਤੀ ਹਨ ਜਦਕਿ 1 ਪੀ ਜੀ ਆਈ ਦਾ ਮੁਲਾਜ਼ਮ ਹੈ ਜੋ ਮੁੱਲਾਂਪੁਰ ਦਾ ਰਹਿਣ ਵਾਲਾ ਹੈ।
ਉਹਨਾਂ ਦੱਸਿਆ ਕਿ ਸ੍ਰੀ ਹਜ਼ੂਰ ਸਾਹਿਬ ਨਾਲ ਸਬੰਧਤ 41 ਯਾਤਰੀਆਂ ਵਿਚੋਂ 16 ਪਾਜ਼ੀਟਿਵ ਹਨ, ਇਕ ਕੇਸ ਅੰਬਾਲਾ ਦਾ ਹੈ। ਜਵਾਹਰਪੁਰ ਵਿਚ ਹੁਣ ਤੱਕ 43 ਕੇਸ ਆਏ ਹਨ ਜਿਸ ਵਿਚੋਂ 25 ਐਕਟਿਵ ਕੇਸ ਹਨ ਜਦਕਿ ਪੀ ਜੀ ਆਈ ਮੁਲਾਜ਼ਮ ਜਾਂ ਇਸਦੇ ਸੰਪਰਕ ਵਿਚ ਰਹਿਣ ਵਾਲੇ 8 ਵਿਅਕਤੀ ਪਾਜ਼ੀਟਿਵ ਹਨ।
ਉਹਨਾਂ ਦੱਸਿਆ ਕਿ ਜ਼ਿਲੇ ਵਿਚ ਹੁਣ ਤੱਕ 84 ਕੇਸ ਆ ਚੁੱਕੇ ਹਨ ਜਿਸ ਵਿਚੋਂ 30 ਜਣੇ ਤੰਦਰੁਸਤ ਹੋ ਕੇ ਘਰਾਂ ਨੂੰ ਪਰਤ ਗਏ ਹਨ, 2 ਜਣਿਆਂ ਦੀ ਮੌਤ ਹੋ ਚੁੱਕੀ ਹਨ ਜਦਕਿ 52 ਕੇਸ ਐਕਟਿਵ ਹਨ।