ਵੀਡੀਓ: ਰਾਣਾ ਗੁਰਜੀਤ ਦੀ ਨਵਜੇਤ ਚੀਮਾ ਨੂੰ ਧਮਕੀ -ਤੂੰ ਮੈਨੂ ਪਾਰਟੀ ਚੋਂ ਕਢਾਉਣ ਨੂੰ ਫਿਰਦੈ, ਮੈਂ ਤੈਨੂੰ ਪਿੰਡੋਂ ਕਢਾਉਂ
ਪੁੱਤ ਲਈ ਚੋਣ ਪ੍ਰਚਾਰ ਸ਼ੁਰੂ ਕੀਤਾ, ਜੇਕਰ ਮੇਰਾ ਬੇਟਾ ਨਵਤੇਜ ਚੀਮਾ ਨਾਲੋਂ ਘੱਟ ਵੋਟ ਲਾਵੇਗਾ ਤਾਂ ਮੈਂ ਰਾਜਨੀਤੀ ਛੱਡ ਦੇਵਾਂਗਾ - ਰਾਣਾ ਗੁਰਜੀਤ
ਬਲਵਿੰਦਰ ਸਿੰਘ ਧਾਲੀਵਾਲ
- ਨਵਤੇਜ ਸਿੰਘ ਚੀਮਾ ਦੇ ਜੱਦੀ ਪਿੰਡ ਤੋਂ ਆਪਣੇ ਬੇਟੇ ਲਈ ਚੋਣ ਪ੍ਰਚਾਰ ਸ਼ੁਰੂ ਕੀਤਾ
- ਰਾਣਾ ਗੁਰਜੀਤ ਦਾ ਵੱਡਾ ਬਿਆਨ, ਕਿਹਾ ਜੇਕਰ ਮੇਰਾ ਬੇਟਾ ਨਵਤੇਜ ਸਿੰਘ ਚੀਮਾ ਨਾਲੋਂ ਘੱਟ ਵੋਟ ਲਾਵੇਗਾ ਤਾਂ ਮੈਂ ਰਾਜਨੀਤੀ ਛੱਡ ਦੇਵਾਂਗਾ
ਸੁਲਤਾਨਪੁਰ ਲੋਧੀ, 20 ਜਨਵਰੀ 2022 - ਸੁਲਤਾਨਪੁਰ ਲੋਧੀ ਵਿਚ ਜਿਥੇ ਕਾਗਰਸ ਤੋਂ ਨਵਤੇਜ ਸਿੰਘ ਚੀਮਾ ਨੂੰ ਟਿਕਟ ਦੇ ਕਿ ਨਵਾਜਿਆਂ ਹੈ ਅਤੇ ਉਥੇ ਹੀ ਕਾਗਰਸ ਦੇ ਮੰਤਰੀ ਰਾਣਾ ਗੁਰਜੀਤ ਦੇ ਬੇਟੇ ਰਾਣਾ ਇੰਦਰ ਪ੍ਰਤਾਪ ਨੂੰ ਅਜ਼ਾਦ ਉਮੀਦਵਾਰ ਵੱਲੋਂ ਅਲਾਨਿਆ ਗਿਆ ਹੈ ਅਤੇ ਅੱਜ ਕਾਂਗਰਸ ਵਿਧਾਇਕ ਨਵਤੇਜ ਸਿੰਘ ਚੀਮਾ ਦੇ ਪਿੰਡੋ ਹੀ ਰਾਣਾ ਗੁਰਜੀਤ ਨੇ ਆਪਣੇ ਬੇਟੇ ਰਾਣਾ ਇੰਦਰ ਪ੍ਰਤਾਪ ਦੇ ਚੋਣ ਪ੍ਰਚਾਰ ਸ਼ੁਰੂ ਕਰ ਦਿਤਾ ਹੈ ਅਤੇ ਨਵਤੇਜ ਸਿੰਘ ਚੀਮਾ ਦੇ ਪਿੰਡ ਵਿਚ ਹਜਾਰਾਂ ਦੀਂ ਤਦਾਦ ਨਾਲ ਇਕੱਠ ਕੀਤਾ।
ਕਾਂਗਰਸ ਦੀ ਕਾਟੋ ਕਲੇਸ਼ ਚ ਦੋਆਬੇ ਦੇ ਚਾਰ ਵਿਧਾਇਕਾਂ ਵੱਲੋਂ ਕੈਬਨਿਟ ਮੰਤਰੀ ਰਾਣਾ ਗੁਰਜੀਤ ਸਿੰਘ ਦੇ ਖਿਲਾਫ ਸੋਨੀਆ ਗਾਂਧੀ ਨੂੰ ਚਿੱਠੀ ਲਿਖਣ ਦੇ ਬਾਵਜੂਦ ਵੀ ਅੱਜ ਰਾਣਾ ਗੁਰਜੀਤ ਸਿੰਘ ਆਪਣੇ ਪੁੱਤਰ ਇੰਦਰ ਪ੍ਰਤਾਪ ਦੇ ਹੱਕ ਚ ਤੇ ਵਿਧਾਇਕ ਕਾਂਗਰਸੀ ਉਮੀਦਵਾਰ ਨਵਤੇਜ ਸਿੰਘ ਚੀਮਾ ਦੇ ਵਿਰੋਧ ਚ ਹਲਕਾ ਸੁਲਤਾਨਪੁਰ ਲੋਧੀ ਆਣਕੇ ਉਹ ਵੀ ਨਵਤੇਜ ਸਿੰਘ ਚੀਮਾ ਦੇ ਪਿੰਡ ਚ ਆਣਕੇ ਪ੍ਰਚਾਰ ਕਰਨਾ ਸ਼ੁਰੂ ਕਰ ਦਿਤਾ।
ਜਿਸ ਵਿਚ ਰਾਣਾ ਗੁਰਜੀਤ ਸਿੰਘ ਨੇ ਨਵਤੇਜ ਸਿੰਘ ਚੀਮਾ ਤੇ ਗੰਭੀਰ ਆਰੋਪ ਲਾਉਂਦੇ ਕਿਹਾ ਕਿ ਨਵਤੇਜ ਚੀਮਾ ਕਾਂਗਰਸੀ ਵਿਧਾਇਕ ਨੇ ਥਾਣਾ ਪਵਿੱਤਰ ਨਗਰੀ ਸੁਲਤਾਨਪੁਰ ਲੋਧੀ ਦਾ ਥਾਣਾ ਕਚਹਿਰੀ ਤਹਿਸੀਲ ਚ ਰਿਸ਼ਵਤਖੋਰੀ ਦਾ ਹਿੱਸਾ ਲੈਂਦਾ ਰਿਹਾ ਤੇ ਲੋਕਾਂ ਤੇ ਨਾਜਾਇਜ਼ ਪਰਚੇ ਕਰ ਕੇ ਲੋਕਾਂ ਕੋਲੋਂ ਲੱਖਾਂ ਰੁਪਏ ਵਸੂਲੇ। ਜਿਸ ਕਰਕੇ ਲੋਕ ਨਵਤੇਜ ਚੀਮਾ ਦੇ ਖ਼ਿਲਾਫ਼ ਹਨ।
ਅਸੀਂ ਜੱਦੀ ਪੁਸ਼ਤੀ ਕਾਂਗਰਸੀ ਹਾਂ ਲੋਕ ਸਾਡੇ ਹੱਕ ਵਿੱਚ ਆਣ ਨਿੱਤਰੇ ਨੇ। ਉਨ੍ਹਾਂ ਨੇ ਇਸ ਮੌਕੇ ਮੀਡੀਆ ਨੂੰ ਜਾਣਕਾਰੀ ਦਿੰਦੇ ਹੋਏ ਕਿਹਾ ਕਾਂਗਰਸੀ ਸਾਡੇ ਪ੍ਰਧਾਨ ਨਵਜੋਤ ਸਿੱਧੂ ਨੇ ਨਵਤੇਜ ਚੀਮਾ ਦੀ ਬਾਂਹ ਫੜ ਕੇ ਐਲਾਨ ਕੀਤਾ ਸੀ ਸਰਕਾਰ ਆਉਣ ਤੇ ਮੈ ਨਵਤੇਜ ਚੀਮਾ ਨੂੰ ਮੈਂ ਕੈਬਨਿਟ ਵਿਚ ਲੈ ਕੇ ਜਾਵਾਂਗਾ ਲੈ ਕੇ ਤਾਂ ਹੀ ਜਾਵੇਗਾ ਜੇਕਰ ਅਸੀਂ ਨਵਤੇਜ ਚੀਮਾ ਨੂੰ ਇੱਥੋਂ ਕਾਂਗਰਸ ਦੀ ਸੀਟ ਕੱਢਣ ਦੇਵਾਂ ਤੇ ਨਾਲ ਹੀ ਨਵਜੋਤ ਸਿੱਧੂ ਤੇ ਤੰਜ ਕੱਸਦਿਆਂ ਕਿਹਾ ਸਾਡੇ ਪ੍ਰਧਾਨ ਨਵਜੋਤ ਸਿੱਧੂ ਨੂੰ ਇੱਥੇ ਵੀਹ ਪੱਚੀ ਦਿਨ ਹਲਕਾ ਸੁਲਤਾਨਪੁਰ ਲੋਧੀ ਦੇ ਵਿੱਚ ਪ੍ਰਚਾਰ ਕਰਨਗੇ ਤਾਂ ਹੀ ਨਵਤੇਜ ਚੀਮਾ ਨੂੰ ਜਿਤਾ ਕੇ ਕੈਬਨਿਟ ਵਿਚ ਲਿਜਾਣਾ ਚਾਹੁੰਦੇ ਨੇ ਜੇਕਰ ਨਵਤੇਜ ਚੀਮਾ ਆਪਣੀ ਕਾਂਗਰਸ ਦੀ ਸੀਟ ਜਿੱਤ ਸਕਣਗੇ ਨਹੀਂ ਤਾ ਅਸੀਂ ਹਲਕਾ ਸੁਲਤਾਨਪੁਰ ਲੋਧੀ ਤੋਂ ਨਹੀਂ ਜਿੱਤਣ ਦੇਵਾਂਗੇ।