ਸੇਵਾ ਭਾਰਤੀ ਅਤੇ ਹੈੱਲਥ ਫ਼ਾਰ ਆਲ ਵੱਲੋਂ 15 ਰੋਜ਼ਾ ਮੁਫ਼ਤ ਵੈਕਸੀਨ ਕੈਂਪ ਸਫ਼ਲਤਾ ਨਾਲ ਚੱਲਿਆ
ਪਰਵਿੰਦਰ ਸਿੰਘ ਕੰਧਾਰੀ
- ਸ਼ਹਿਰ ਨਿਵਾਸੀਆਂ ਲਈ 30 ਜੂਨ ਤੱਕ ਹਰ ਰੋਜ਼ 9:00 ਵਜੇ ਤੋਂ 2:00 ਵਜੇ ਤੱਕ ਚੱਲੇਗਾ ਕੈਂਪ:ਮੌਂਗਾ
ਫਰੀਦਕੋਟ 19 ਜੂਨ 2021 - ਪੰਜਾਬ ਸਰਕਾਰ ਦੀਆਂ ਹਦਾਇਤਾਂ ਅਨੁਸਾਰ ਕੋਵਿਡ-19 ਤੋਂ ਬਚਾਅ ਵਾਸਤੇ ਸੇਵਾ ਭਾਰਤੀ ਫ਼ਰੀਦਕੋਟ ਅਤੇ ਹੈੱਲਥ ਫ਼ਾਰ ਆਲ ਸੁਸਾਇਟੀ ਫ਼ਰੀਦਕੋਟ ਵੱਲੋਂ ਸਿਵਲ ਹਸਪਤਾਲ ਫ਼ਰੀਦਕੋਟ ਦੇ ਸਹਿਯੋਗ ਨਾਲ 15 ਰੋਜ਼ਾ ਮੁਫ਼ਤ ਵੈਕਸੀਨ ਲਗਾਉਣ ਦਾ ਕੈਂਪ ਮਹਾਂਮਿ੍ੰਤਜੂ ਮੰਦਰ, ਰੋਜ਼ ਇਨਕਲੇਵ ਵਿਖੇ ਸਫ਼ਲਤਾ ਨਾਲ ਚੱਲ ਰਿਹਾ ਹੈ | ਇਸ ਸਬੰਧੀ ਸੇਵਾ ਭਾਰਤੀ ਦੇ ਪ੍ਰਧਾਨ ਦੀਪਕ ਮੁਖੀਜਾ ਨੇ ਦੱਸਿਆ ਕਿ ਕੈਂਪ 15 ਜੂਨ ਤੋਂ ਸ਼ੁਰੂ ਕੀਤਾ ਗਿਆ ਸੀ ਜੋ 30 ਜੂਨ ਤੱਕ ਚੱਲੇਗਾ |
ਉਨ੍ਹਾਂ ਕਿਹਾ ਕਿ 18 ਸਾਲ ਤੋਂ ਵੱਧ ਉਮਰ ਦੇ ਸ਼ਹਿਰ ਨਿਵਾਸੀ ਪਹਿਲੀ ਅਤੇ ਦੂਜੀ ਡੋਜ਼ ਲਈ ਮੰਦਰ ਪਹੁੰਚ ਕੇ ਸਵੇਰ 9:00 ਵਜੇ ਤੋਂ ਦੁਪਹਿਰ 2:00 ਵਜੇ ਤੱਕ ਮੁਫ਼ਤ ਵੈਕਸੀਨ ਲਗਵਾ ਸਕਦੇ ਹਨ | ਇਸ ਮੌਕੇ ਡਾ.ਧਰੁਵ ਬਦਵਾਰ ਦੀ ਅਗਵਾਈ ਨਿਰੰਤਰ ਮੁਫ਼ਤ ਵੈਕਸੀਨ ਲਗਾਈ ਜਾ ਰਹੀ ਹੈ | ਇਸ ਮੰਦਰ ਦੇ ਟਰੱਸਟੀ ਵਿਨੋਦ ਬਜਾਜ, ਜਿਤੇਸ਼ ਮੌਂਗਾ, ਸੁਮਨ ਕੁਮਾਰ ਮੌਂਗਾ ਨੇ ਦੱਸਿਆ ਕਿ ਸ਼੍ਰੀ 1008 ਸਵਾਮੀ ਕਮਲਾਨੰਦ ਗਿਰੀ ਮਹਾਰਾਜ ਦੇ ਆਸ਼ੀਰਵਾਦ ਨਾਲ ਕੈਂਪ ਦੌਰਾਨ ਸ਼ਹਿਰੀ ਨਿਵਾਸੀਆਂ ਨੂੰ 30 ਜੂਨ ਤੱਕ ਚਲਾਇਆ ਜਾਵੇਗਾ ਅਤੇ ਕਿਸੇ ਵੀ ਸ਼ਹਿਰੀ ਨੂੰ ਕਿਸੇ ਪ੍ਰਕਾਰ ਦੀ ਸਮੱਸਿਆ ਨਹੀਂ ਆਉਣ ਦਿੱਤੀ ਜਾਵੇਗੀ |
ਕੈਂਪ ਦੀ ਸਫ਼ਲਤਾ ਵਾਸਤੇ ਰੋਜ਼ ਇਨਕਲੇਵ ਦੇ ਪ੍ਰਧਾਨ ਬਲਦੇਵ ਤੇਰੀਆ, ਰਾਕੇਸ਼ ਕੰਬੋਜ਼ ਏ.ਐੱਮ.ਈ, ਦਰਸ਼ਨ ਲਾਲ ਚੁੱਘ, ਅਨੁਜ ਗੁਪਤਾ, ਸੰਦੀਪ ਗਰਗ, ਮਨੋਜ ਜ਼ਿੰਦਲ, ਸੰਜੀਵ ਮਿੱਤਲ, ਦੀਪਕ ਗੋਇਲ, ਦਿਨੇਸ਼ ਮੁਖੀਜਾ, ਰਾਜੂ ਛਾਬੜਾ, ਚਮਨ ਗੇਰਾ, ਵਿਜੈ ਸੂਰੀ, ਬੱਬੂ ਸੱਚਦੇਵਾ,ਸੁਮਿਤ ਗੁਪਤਾ, ਤਰਸੇਮ ਕਟਾਰੀਆ ਅਹਿਮ ਯੋਗਦਾਨ ਪਾਇਆ ਜਾ ਰਿਹਾ ਹੈ |