ਜਲੰਧਰ ਚੋਣਾਂ: ਪਿੰਡ ਰੂਪੇਵਾਲ 'ਚ ਹਲਕੀ ਝੜਪ (ਵੀਡੀਓ ਵੀ ਵੇਖੋ)
ਸ਼ਾਹਕੋਟ- 10 ਮਈ 2023- ਜਲੰਧਰ ਜਿਮਨੀ ਚੋਣਾਂ ਲਈ ਅੱਜ ਵੋਟਿੰਗ ਹੋ ਰਹੀ ਹੈ ਅਤੇ ਇਸ ਵੇਲੇ ਦੀ ਤਾਜ਼ਾ ਖ਼ਬਰ ਜਲੰਧਰ ਦੇ ਵਿਧਾਨ ਸਭਾ ਹਲਕਾ ਪਿੰਡ ਰੂਪੇਵਾਲ ਤੋਂ ਸਾਹਮਣੇ ਆਈ ਹੈ, ਜਿਥੇ ਆਪ ਤੇ ਕਾਂਗਰਸੀ ਵਿਧਾਇਕ ਵਿਚਾਲੇ ਤਿੱਖੀ ਬਹਿਸ ਹੋ ਗਈ ਤੇ ਹਲਕੀ ਝੜਪ ਹੋਈ।
ਕਾਂਗਰਸੀ ਵਿਧਾਇਕ ਹਰਦੇਵ ਸਿੰਘ ਲਾਡੀ ਸ਼ੇਰੋਵਾਲੀਆ ਦਾ ਦੋਸ਼ ਹੈ ਕਿ, ਹਲਕਾ ਬਾਬਾ ਬਕਾਲਾ ਦੇ ਆਪ ਵਿਧਾਇਕ ਦਲਬੀਰ ਸਿੰਘ ਟੌਂਗ ਪਿੰਡ ਰੂਪੇਵਾਲ ਵਿਚ ਘੁੰਮ ਰਿਹਾ ਸੀ, ਜਿਸ ਨੂੰ ਸਾਡੇ ਵਰਕਰਾਂ ਤੇ ਮੈਂ ਖੁਦ ਰੋਕਿਆ ਅਤੇ ਬਾਅਦ ਵਿਚ ਪੁਲਿਸ ਹਵਾਲੇ ਕਰ ਦਿੱਤਾ।
ਸ਼ੇਰੋਵਾਲੀਆ ਨੇ ਦੋਸ਼ ਲਗਾਇਆ ਕਿ, ਸੱਤਾਧਿਰ ਹੁਣ ਪਿੰਡਾਂ ਵਿਚ ਆ ਕੇ ਧੱਕਾ ਕਰ ਰਹੀ ਹੈ ਅਤੇ ਲੋਕਾਂ ਨੂੰ ਡਰਾ ਧਮਕਾ ਕੇ ਆਪਣੇ ਹੱਕ ਵਿਚ ਵੋਟ ਪਵਾਉਣ ਲਈ ਉਤਾਵਲੀ ਹੈ, ਪਰ ਕਾਂਗਰਸ ਦੇ ਵਰਕਰ ਤੇ ਆਗੂ ਅਜਿਹਾ ਨਹੀਂ ਹੋਣ ਦੇਣਗੇ। ਸ਼ੇਰੋਵਾਲੀਆ ਨੇ ਕਿਹਾ ਕਿ, ਪਿੰਡ ਰੂਪੇਵਾਲ ਵਿਚ ਮਾਮੂਲੀ ਝੜਪ ਵੀ ਹੋਈ ਅਤੇ ਹਲਕਾ ਬਾਬਾ ਬਕਾਲਾ ਦੇ ਆਪ ਵਿਧਾਇਕ ਦਲਬੀਰ ਸਿੰਘ ਟੌਂਗ ਨੂੰ ਗੱਡੀ ਸਮੇਤ ਵਾਪਸ ਭੇਜ ਦਿੱਤਾ ਗਿਆ।