← ਪਿਛੇ ਪਰਤੋ
ਇਕ ਹੈੱਡ ਕਾਂਸਟੇਬਲ ਰਸਪ੍ਰੀਤ ਸਿੰਘ ਹੋਇਆ ਜ਼ਖਮੀ ਚਾਰੋਂ ਗੈਂਗਸਟਰਾਂ ਖਿਲਾਫ ਚੰਡੀਮੰਦਰ ਥਾਣੇ ਵਿੱਚ ਕੇਸ ਦਰਜ ਐਸ ਏ ਐਸ ਨਗਰ, 26 ਅਪ੍ਰੈਲ 2020: ਜ਼ਿਲ੍ਹਾ ਪੁਲਿਸ ਨੇ ਪੰਚਕੂਲਾ ਵਿੱਚ ਅੱਜ ਹੋਈ ਭਿਆਨਕ ਗੋਲੀਬਾਰੀ ਤੋਂ ਬਾਅਦ ਚਾਰ ਲੋੜੀਂਦੇ ਗੈਂਗਸਟਰਾਂ ਨੂੰ ਕਾਬੂ ਕਰ ਲਿਆ। ਪੁਲਿਸ ਨੂੰ ਸੂਹ ਮਿਲੀ ਕਿ ਫੇਜ਼ - 8 ਥਾਣੇ ਵਿਖੇ ਦਰਜ ਕੇਸ ਵਿੱਚ ਲੋੜੀਂਦੇ ਚਾਰ ਗੈਂਗਸਟਰ ਪੰਚਕੂਲਾ ਦੇ ਇੱਕ ਪਿੰਡ ਕੋਟ ਬਿੱਲਾ ਵਿੱਚ ਛੁਪੇ ਹੋਏ ਹਨ। ਐਸਐਸਪੀ ਸ੍ਰੀ ਕੁਲਦੀਪ ਸਿੰਘ ਚਾਹਲ ਦੇ ਆਦੇਸ਼ਾਂ ਤੇ, ਫੇਜ਼ - 8 ਦੇ ਐਸਐਚਓ ਇੰਸਪੈਕਟਰ ਰਜਨੀਸ਼ ਚੌਧਰੀ ਨੇ ਪੁਲਿਸ ਪਾਰਟੀ ਸਮੇਤ ਪਿੰਡ ਵਿੱਚ ਛਾਪਾ ਮਾਰਿਆ। ਗੈਂਗਸਟਰਾਂ ਨੇ ਗੋਲੀਬਾਰੀ ਸ਼ੁਰੂ ਕੀਤੀ ਅਤੇ ਗੋਲੀਬਾਰੀ ਵਿਚ ਹੈੱਡ ਕਾਂਸਟੇਬਲ ਰਸਪ੍ਰੀਤ ਸਿੰਘ ਜ਼ਖਮੀ ਹੋ ਗਿਆ ਜਿਸ ਨੂੰ ਤੁਰੰਤ ਹਸਪਤਾਲ ਲਿਜਾਇਆ ਗਿਆ। ਚਾਰੋਂ ਗੈਂਗਸਟਰਾਂ ਨੂੰ ਕਾਬੂ ਕਰਕੇ ਐਸਐਚਓ ਚੰਡੀਮੰਦਰ ਥਾਣੇ ਦੇ ਹਵਾਲੇ ਕਰ ਦਿੱਤਾ ਗਿਆ ਅਤੇ ਉਨ੍ਹਾਂ ਖ਼ਿਲਾਫ਼ ਕੇਸ ਦਰਜ ਕਰ ਲਿਆ ਗਿਆ।
Total Responses : 267