- ਪੁਲਿਸ ਨੇ ਕੀਤਾ ਅਣਪਛਾਤਿਆਂ ਖਿਲਾਫ ਮਾਮਲਾ ਦਰਜ
ਫਿਰੋਜ਼ਪੁਰ, 17 ਮਈ 2020 : ਫਿਰੋਜ਼ਪੁਰ ਦੇ ਕਸਬਾ ਮੱਖੂ ਦੇ ਅਧੀਨ ਆਉਂਦੇ ਪਿੰਡ ਤਲਵੰਡੀ ਨਿਪਾਲਾ ਵਿਖੇ ਦੁਕਾਨ ਦਾ ਸ਼ਟਰ ਤੋੜ ਕੇ 312 ਬੋਤਲਾਂ ਸ਼ਰਾਬ ਅਤੇ 3 ਪੇਟੀਆਂ ਬੀਅਰ ਚੋਰੀ ਹੋਣ ਦੀ ਖਬਰ ਮਿਲੀ ਹੈ। ਪੁਲਿਸ ਨੂੰ ਦਿੱਤੇ ਬਿਆਨਾਂ ਵਿਚ ਸੁਖਪਾਲ ਸਿੰਘ ਪੁੱਤਰ ਵਿਸ਼ਾਲ ਸਿੰਘ ਵਾਸੀ ਰਿਸ਼ੀਕੇਸ਼ ਗੁਮਾਨੀ ਵਾਲਾ ਥਾਣਾ ਰਿਸ਼ੀਕੇਸ਼, ਦੇਹਰਾਦੂਨ ਨੇ ਦੋਸ਼ ਲਗਾਇਆ ਹੈ ਕਿ ਉਸ ਨੂੰ ਰਿਹਾਨਵਾਇਨ ਦੇ ਜ਼ਿਲ੍ਹਾ ਫਿਰੋਜ਼ਪੁਰ ਦੇ ਕਸਬਾ ਮੱਖੂ ਦਾ ਸਰਕਲ ਇੰਚਾਰਜ ਲਗਾਇਆ ਹੋਇਆ ਹੈ, ਜੋ ਪਿੰਡ ਤਲਵੰਡੀ ਨਿਪਾਲਾਂ ਵਿਚ ਠੇਕਾ ਸ਼ਰਾਬ ਦੇਸੀ ਅਤੇ ਅੰਗਰੇਜ਼ੀ ਦਾ ਸਟਾਕ ਪਿਆ ਹੈ। ਸੁਖਪਾਲ ਸਿੰਘ ਨੇ ਦੱਸਿਆ ਕਿ ਬੀਤੀ 15-16 ਮਈ ਦੀ ਦਰਮਿਆਨੀ ਰਾਤ ਨੂੰ ਅਣਪਛਾਤੇ ਵਿਅਕਤੀਆਂ ਨੇ ਦੁਕਾਨ ਦਾ ਸ਼ਟਰ ਤੋੜ ਕੇ ਦੁਕਾਨ ਵਿਚ ਪਈ ਸ਼ਰਾਬ 312 ਬੋਤਲਾਂ ਮਾਰਕਾ ਆਲ ਸੀਜ਼ਨ ਤੇ 3 ਪੇਟੀਆਂ ਬੀਅਰ ਮਾਰਕਾ ਰੋਕ ਬਰਗ ਚੋਰੀ ਕਰਕੇ ਲੈ ਗਏ। ਸੁਖਪਾਲ ਸਿੰਘ ਨੇ ਦੱਸਿਆ ਕਿ ਚੋਰੀ ਹੋਈ ਸ਼ਰਾਬ ਦੀ ਕੀਮਤ 1 ਲੱਖ 93 ਹਜ਼ਾਰ 200 ਰੁਪਏ ਬਣਦੀ ਹੈ। ਇਸ ਮਾਮਲੇ ਦੀ ਜਾਂਚ ਕਰ ਰਹੇ ਥਾਣਾ ਮੱਖੂ ਦੇ ਸਬ ਇੰਸਪੈਕਟਰ ਲਾਲ ਸਿੰਘ ਨੇ ਦੱਸਿਆ ਕਿ ਪੁਲਿਸ ਨੇ ਸ਼ਿਕਾਇਤਕਰਤਾ ਦੇ ਬਿਆਨਾਂ 'ਤੇ ਅਣਪਛਾਤੇ ਵਿਅਕਤੀਆਂ ਖਿਲਾਫ 457, 380 ਆਈਪੀਸੀ ਤਹਿਤ ਮਾਮਲਾ ਦਰਜ ਕਰ ਲਿਆ ਗਿਆ ਹੈ।