ਰਜਨੀਸ਼ ਸਰੀਨ
- ਸਵੇਰੇ 9 ਤੋਂ ਦੁਪਹਿਰ 1 ਵਜੇ ਤੱਕ ਖੁੱਲਣ ਦਾ ਸਮਾਂ
- ਹੋਮ ਡਲਿਵਰੀ ਸਵੇਰੇ 9 ਵਜੇ ਤੋਂ ਰਾਤ 8 ਵਜੇ ਤੱਕ
ਨਵਾਂ ਸ਼ਹਿਰ, 6 ਮਈ 2020 - ਜ਼ਿਲ੍ਹਾ ਮੈਜਿਸਟ੍ਰੇਟ ਸ਼ਹੀਦ ਭਗਤ ਸਿੰਘ ਨਗਰ ਵਿਨੈ ਬਬਲਾਨੀ ਨੇ ਜ਼ਿਲ੍ਹੇ ਚ 7 ਮਈ ਤੋਂ ਸ਼ਰਾਬ ਦੇ ਠੇਕਿਆਂ ਨੂੰ ਖੋਲ੍ਹਣ ਦੇ ਹੁਕਮ ਜਾਰੀ ਕਰਦੇ ਹੋਏ ਸਵੇਰੇ 9 ਵਜੇ ਤੋਂ ਦੁਪਹਿਰ 1 ਵਜੇ ਤਕ ਖੋਲ੍ਹਣ ਦੀ ਆਗਿਆ ਦਿੱਤੀ ਹੈ।
ਅੱਜ ਸ਼ਾਮ ਜਾਰੀ ਹੁਕਮਾਂ ਮੁਤਾਬਕ ਹੋਮ ਡਲਿਵਰੀ ਦਾ ਸਮਾਂ ਸਵੇਰੇ 9 ਵਜੇ ਤੋਂ ਸ਼ਾਮ 8 ਵਜੇ ਤਕ ਰਹੇਗਾ।
ਇੱਕ ਗਰੁੱਪ/ਠੇਕੇਦਾਰ ਨੂੰ ਹੋਮ ਡਲਿਵਰੀ ਲਈ ਕੇਵਲ ਦੋ ਵਿਅਕਤੀਆਂ ਦੀ ਆਗਿਆ ਦਿੱਤੀ ਜਾਵੇਗੀ। ਕਰਫ਼ਿਊ ਪਾਸ ਜਾਰੀ ਕਰਨ ਲਈ ਸਹਾਇਕ ਆਬਕਾਰੀ ਤੇ ਕਰ ਕਮਿਸ਼ਨਰ ਨੂੰ ਅਧਿਕਾਰਿਤ ਕੀਤਾ ਗਿਆ ਹੈ।
ਇਨ੍ਹਾਂ ਦੁਕਾਨਾਂ ਨੂੰ ਕੋਵਿਡ ਰੋਕਥਾਮ ਲਈ ਨਿਰਧਾਰਿਤ ਪ੍ਰੋਟੋਕਾਲ ਜਿਵੇਂ ਕਿ ਸਮਾਜਿਕ ਦੂਰੀ, ਮਾਸਕ ਪਾਉਣਾ, ਸੈਨੇ ਟਾਇਜ਼ਰ ਸੀ ਵਰਤੋਂ ਕਰਨਾ, ਇਕ ਵਾਰ ਚ ਦੁਕਾਨ ਤੋਂ ਬਾਹਰ ਪੰਜ ਤੋਂ ਜ਼ਿਆਦਾ ਵਿਅਕਤੀ ਨਾ ਹੋਣਾ ਅਤੇ ਸਮਾਜਿਕ ਫੈਸਲੇ ਲਈ ਬਾਹਰ ਗੋਲੇ ਲਗਾਉਣਾ ਆਦਿ ਦੀ ਪਾਲਣਾ ਹਰ ਹਾਲ ਚ ਕਰਨ ਲਈ ਕਿਹਾ ਗਿਆ ਹੈ।
ਇਹ ਆਗਿਆ ਜ਼ਿਲ੍ਹੇ ਦੇ 20 ਉਨ੍ਹਾਂ ਪਿੰਡਾਂ ਜਿਨ੍ਹਾਂ ਚ ਕੰਨਟੇਨਮੈਂਟ ਪਲਾਨ ਲਾਗੂ ਹੈ, ਚ ਨਹੀਂ ਲਾਗੂ ਹੋਵੇਗੀ।