ਰੋਟਰੀ ਕਲੱਬ ਵੱਲੋਂ ਕੋਰੋਨਾ ਤੋਂ ਬਚਾਅ ਲਈ ਮੁਫ਼ਤ ਵੈਕਸੀਨ ਕੈਂਪ ਕੱਲ੍ਹ 21 ਜੂਨ ਨੂੰ
ਪਰਵਿੰਦਰ ਸਿੰਘ ਕੰਧਾਰੀ
ਫ਼ਰੀਦਕੋਟ, 20 ਜੂਨ 2021 - ਰੋਟਰੀ ਕਲੱਬ ਫ਼ਰੀਦਕੋਟ ਵੱਲੋਂ ਸਿਹਤ ਵਿਭਾਗ ਦੇ ਸਹਿਯੋਗ ਨਾਲ 21 ਜੂਨ ਨੂੰ ਸਵੇਰੇ 10:00 ਵਜੇ ਤੋਂ 2:00 ਵਜੇ ਤੱਕ ਮੈਸਰਜ਼ ਸੱਤਪਾਲ ਇੰਡਸਟਰੀਜ਼, ਸਾਦਿਕ ਰੋਡ, ਫ਼ਰੀਦਕੋਟ ਵਿਖੇ ਕੋਰੋਨਾ ਤੋਂ ਬਚਾਅ ਲਈ ਮੁਫ਼ਤ ਵੈਕਸੀਨ ਲਗਾਉਣ ਦਾ ਕੈਂਪ ਰੋਟਰੀ ਇੰਟਰਨੈਸ਼ਨਲ ਦੇ ਸਾਬਕਾ ਗਵਰਨਰ ਆਰ.ਸੀ.ਜੈੱਨ ਦੀ ਯੋਗ ਅਗਵਾਈ ਹੇਠ ਲਗਾਇਆ ਜਾ ਰਿਹਾ ਹੈ | ਇਸ ਸਬੰਧੀ ਜਾਣਕਾਰੀ ਦਿੰਦਿਆਂ ਕਲੱਬ ਦੇ ਪ੍ਰਧਾਨ ਭਾਰਤ ਭੂਸ਼ਨ ਸਿੰਗਲਾ ਅਤੇ ਸਕੱਤਰ ਸੰਜੀਵ ਗਰਗ ਵਿੱਕੀ ਨੇ ਦੱਸਿਆ ਇਸ ਕੈਂਪ ਦੇ ਮੁੱਖ ਮਹਿਮਾਨ ਮਿਸ ਪੂਨਮ ਸਿੰਘ ਐੱਸ.ਡੀ.ਐੱਮ.ਫ਼ਰੀਦਕੋਟ ਹੋਣਗੇ | ਕੈਂਪ ਦੌਰਾਨ 18 ਸਾਲ ਤੋਂ 44 ਸਾਲ ਤੱਕ ਉਮਰ ਦੇ ਲੋਕਾਂ ਨੂੰ ਕੋਵਾਸ਼ੀਲਡ ਅਤੇ ਕੋਵੈਕਸੀਨ ਲਗਾਈ ਜਾਵੇਗੀ | ਵੈਕਸੀਨ ਲਗਵਾਉਣ ਲਈ ਅਧਾਰ ਕਾਰਡ ਤੇ ਮੋਬਾਈਲ ਕੋਲ ਹੋਣਾ ਜ਼ਰੂਰੀ ਹੈ |ਇਸ ਕੈਂਪ ਦੇ ਚੇਅਰਮੈੱਨ ਨਵੀਸ਼ ਛਾਬੜਾ, ਕਲੱਬ ਦੇ ਖਜ਼ਾਨਚੀ ਪ੍ਰੋ.ਐੱਨ.ਕੇ.ਗੁਪਤਾ ਨੇ ਦੱਸਿਆ ਕਿ ਕੈਂਪ ਦੀਆਂ ਸਾਰੀਆਂ ਤਿਆਰੀਆਂ ਮੁੰਕਮਲ ਹੋ ਚੁੱਕੀਆਂ ਹਨ | ਉਨ੍ਹਾਂ ਕੈਂਪ 'ਚ ਪਹੁੰਚਣ ਵਾਲੇ ਸ਼ਹਿਰੀਆਂ ਨੂੰ ਕੋਵਿਡ ਦੇ ਨਿਯਮਾਂ ਦੀ ਪਾਲਣਾ ਕਰਨ ਦੀ ਅਪੀਲ ਕੀਤੀ |