ਪਿੰਕ ਬੂਥ 'ਤੇ ਲਾੜੇ ਨੇ ਪਾਈ ਵੋਟ
ਹਰੀਸ਼ ਕਾਲੜਾ
ਰੂਪਨਗਰ, 20 ਫਰਵਰੀ 2022:ਸਥਾਨਿਕ ਆਈ ਟੀ ਆਈ ਲੜਕੀਆਂ ਵਿਖੇ ਬਣਾਏ ਗਏ ਪਿੰਕ ਬੂਥ ਵੋਟਰਾਂ ਨੂੰ ਖੂਬ ਪਸੰਦ ਆਇਆ ਜਿਥੇ ਵਿਆਹ ਵਾਲੇ ਦਿਨ ਪਹੁੰਚੇ ਦੁਲਹੇ ਗੈਰੀ ਸੈਣੀ ਨੇ ਵੋਟ ਪਾ ਕੇ ਖੁਸ਼ੀ ਜਾਹਿਰ ਕੀਤੀ ਕਿ ਇਸ ਪਿੰਕ ਪੋਲਿੰਗ ਸਟੇਸ਼ਨ ਉੱਤੇ ਵੀ ਵਿਆਹ ਵਾਲਾ ਮਾਹੌਲ ਬਣਾਇਆ ਗਿਆ ਹੈ ਜੋ ਬਹੁਤ ਹੀ ਖੂਬਸੂਰਤ ਵੀ ਅਤੇ ਵਧੀਆ ਵੀ ਲਗ ਰਿਹਾ ਹੈ।
ਇਸ ਮੌਕੇ ਉੱਤੇ ਦੁਲਹੇ ਗੈਰੀ ਸੈਣੀ ਨੇ ਸਾਰਿਆਂ ਨੂੰ ਜਲਦ ਪਲਿੰਗ ਸਟੇਸ਼ਨਾਂ 'ਪਹੁੰਚ ਕੇ ਵੋਟ ਪਾੳੇਣ ਦੀ ਅਪੀਲ ਵੀ ਕੀਤੀ।ਦੁਲਹੇ ਦੇ ਮਾਤਾ ਕਮਲੇਸ਼ ਸੈਣੀ ਨੇ ਵੀ ਕਿਹਾ ਕਿ ਪੋਲਿੰਗ ਸਟੇਸ਼ਨ ਉੱਤੇ ਕੀਤੀ ਪ੍ਰਬੰਧ ਬਹੁਤ ਵਧੀਆ ਹਨ ਅਤੇ ਸਾਨੂੰ ਇਥੇ ਵੋਟ ਪਾ ਕੇ ਬਹੁਤ ਵਧੀਆ ਲੱਗਿਆ।
ਜ਼ਿਲ੍ਹਾ ਚੋਣ ਅਫਸਰ ਸੋਨਾਲੀ ਗਿਰਿ ਨੇ ਦੱਸਿਆ ਕਿ ਰੂਪਨਗਰ ਵਿਚ ਕੁੱਲ 12 ਪਿੰਕ ਪੋਲਿੰਗ ਸਟੇਸ਼ਨ ਬਣਾਏ ਗਏ ਹਨ ਜਿਥੇ ਪੂਰਨ ਤੌਰ ਉੱਤੇ ਔਰਤਾਂ ਵਲੋਂ ਕਾਰਗੁਜ਼ਾਰੀ ਕੀਤੀ ਜਾ ਰਹੀ ਹੈ ਅਤੇ ਵੋਟਰਾਂ ਨੂੰ ਚੰਗਾਂ ਮਹਿਸੂਸ ਕਰਵਾਉਣ ਲਈ ਪੋਲਿੰਗ ਸਟੇਸ਼ਨਾਂ ਨੂੰ ਸਜਾਇਆ ਗਿਆ ਹੈ।