- ਟ੍ਰੈਫਿਕ ਪੁਲਿਸ ਦੇ ਸਹਿਯੋਗ ਨਾਲ ਵੰਡੇ ਮਾਸਕ
ਫਰੀਦਕੋਟ, 4 ਅਪ੍ਰੈਲ 2021 - ਸਮਾਈਲਿੰਗ ਫੇਸ ਇੰਟਰਨੈਸ਼ਨਲ ਕਲੱਬ ਰਜਿ: ਦੇ ਪ੍ਰਧਾਨ ਡਾ.ਪ੍ਰਭਦੀਪ ਸਿੰਘ ਚਾਵਲਾ,ਸਕੱਤਰ ਮਨਪ੍ਰੀਤ ਲੂੰਬਾ ਅਤੇ ਕੋਆਰਡੀਨੇਟਰ ਗਗਨਦੀਪ ਸਿੰਘ ਬਰਾੜ ਨੇ ਟ੍ਰੈਫਿਕ ਪੁਲਿਸ ਦੇ ਸਹਿਯੋਗ ਨਾਲ ਸ਼ਹਿਰ ਦੇ ਮੁੱਖ ਘਨ੍ਹਈਆ ਚੌਕ ਅਤੇ ਠੰਡੀ ਸੜਕ ਵਿਖੇ ਕੋਰੋਨਾ ਤੋਂ ਬਚਾਅ ਸੰਬੰਧੀ ਜਾਗਰੂਕ ਕੀਤਾ ਅਤੇ ਬਿਨਾਂ ਮਾਸਕ ਤੋਂ ਵਾਹਨ ਚਾਲਕਾਂ ਨੂੰ ਮਾਸਕ ਤਕਸੀਮ ਕਰਕੇ ਜ਼ਿਲ੍ਹਾ ਪ੍ਰਸ਼ਾਸਨ ਅਤੇ ਸਿਹਤ ਵਿਭਾਗ ਨੂੰ ਸਹਿਯੋਗ ਦੇਣ ਦਾ ਸੁਨੇਹਾ ਵੀ ਦਿੱਤਾ।
ਇਸ ਮੌਕੇ ਸਿਟੀ ਟ੍ਰੈਫਿਕ ਪੁਲਿਸ ਇੰਚਾਰਜ ਦਿਲਬਾਗ ਸਿੰਘ ਨੇ ਕਿਹਾ ਕਿ ਕੋਰੋਨਾ ਦੇ ਦੂਸਰੇ ਸਟ੍ਰੇਨ ਦਾ ਕਹਿਰ ਨਿਰੰਤਰ ਜਾਰੀ ਹੈ ਅਤੇ ਵਧ ਰਹੇ ਪੋਜ਼ੀਟਿਵ ਕੋਰੋਨਾ ਮਾਮਲੇ ਤੇ ਮੌਤਾਂ ਦੀ ਗਿਣਤੀ ਚਿੰਤਾ ਦਾ ਵਿਸ਼ਾ ਹੈ,ਇਸ ਲਈ ਸਾਰਿਆਂ ਨੂੰ ਸੁਚੇਤ ਹੋ ਕੇ ਸਰਕਾਰ ਵੱਲੋਂ ਜਾਰੀ ਹਦਾਇਤਾਂ ਦੀ ਪਾਲਣਾ ਕਰਨੀ ਚਾਹੀਦੀ ਹੈ।ਕਲੱਬ ਪ੍ਰਧਾਨ ਡਾ.ਪ੍ਰਭਦੀਪ ਚਾਵਲਾ ਨੇ ਲੋਕਾਂ ਨੂੰ ਅਪੀਲ ਕੀਤੀ ਕਿ ਅਫਵਾਹਾਂ ਤੇ ਵਿਸ਼ਵਾਸ਼ ਨਾ ਕਰਦੇ ਹੋਏ ਸਾਵਧਾਨੀ ਵਰਤੋ ਅਤੇ ਜਾਣਕਾਰੀ ਲਈ ਸਿਰਫ ਸਰਕਾਰੀ ਵੈਬਸਾਈਟ ਜਾਂ ਟੋਲ ਫਰੀ ਨੰਬਰ ਤੇ ਹੀ ਸੰਪਰਕ ਕਰੋ।ਇਸ ਮੌਕੇ ਕਲੱਬ ਮੈਂਬਰ ਅਮਨਦੀਪ ਸਿੰਘ ਬਰਾੜ,ਐਡਵੋਕੇਟ ਅਸ਼ੋਕ ਗਰਗ,ਅਡਵੋਕੇਟ ਮੁਕੇਸ਼ ਗੌੜ,ਵਿਸ਼ਾਲ ਅਤੇ ਅਮਿਤ ਅਰੋੜਾ ਵੀ ਹਾਜਰ ਸਨ।