ਅਟਾਰੀ, 17 ਨਬੰਬਰ 2019 - ਅੱਜ ਵੱਖ-ਵੱਖ ਦੇਸ਼ਾਂ ਤੋਂ ਕਰੀਬ 9 ਸਿੱਖ ਮੈਂਬਰਾਂ ਦਾ ਜਥਾ ਪਾਕਿਸਤਾਨ ਵਾਲੇ ਪਾਸਿਓਂ ਅਟਾਰੀ (ਭਾਰਤ) ਪੁੱਜਿਆ। ਇਹ ਸਿੱਖ ਜਥਾ ਵੱਖ-ਵੱਖ ਦੇਸ਼ਾਂ ਰਾਹੀਂ ਹੁੰਦਾ ਹੋਇਆ ਭਾਰਤ ਪਹੁੰਚਿਆ ਹੈ। 550 ਸਾਲਾ ਪ੍ਰਕਾਸ਼ ਉਤਸਵ ਸਬੰਧੀ ਵਰਡ ਪੀਸ ਮਿਸ਼ਨ ਤੇ ਕੈਨੇਡਾ ਤੋਂ ਚੱਲੇ ਇਸ ਜਥੇ ਦੀ ਅਗਵਾਈ ਗੁਰਚਰਨ ਸਿੰਘ ਕਰ ਰਹੇ ਹਨ।
ਤੁਹਾਨੂੰ ਦੱਸ ਦੇਈਏ ਕਿ ਇਸ ਜਥੇ ਨੇ ਆਪਣੀ ਯਾਤਰਾ ਅਗਸਤ 2019 ਨੂੰ ਵੈਨਕੂਵਰ (ਕੈਨੇਡਾ) ਤੋਂ ਸ਼ੁਰੂ ਕੀਤੀ ਸੀ ਅਤੇ ਕਰਤਾਰਪਰ ਸਾਹਿਬ ਸਾਹਿਬ ਵਿਖੇ ਨਤਮਸਤਕ ਹੋਣ ਤੋਂ ਪਹਿਲਾਂ ਯੂਕੇ, ਫਰਾਂਸ, ਬੈਲਜੀਅਮ, ਇਟਲੀ, ਸਰਬੀਆ, ਤੁਰਕੀ, ਈਰਾਨ ਆਦਿ ਦਾ ਦੌਰਾ ਕੀਤਾ। ਅੱਜ ਇਹ ਜਥਾ ਆਈਸੀਪੀ ਅਟਾਰੀ ਪਹੁੰਚਿਆ ਹੈ ਅਤੇ ਸ੍ਰੀ ਹਰਿਮੰਦਰ ਸਾਹਿਬ, ਅੰਮ੍ਰਿਤਸਰ ਵਿਖੇ ਠਹਿਰੇਗਾ। ਕੱਲ੍ਹ (18 ਨਵੰਬਰ) ਤੋਂ ਇਹ ਜਥਾ ਸੁਲਤਾਨਪੁਰ ਲੋਧੀ ਨਤਮਸਤਕ ਹੋਕੇ ਮੁੰਬਈ ਵੱਲ ਆਪਣੀ ਯਾਤਰਾ ਦੁਬਾਰਾ ਸ਼ੁਰੂ ਕਰੇਗਾ।
