ਮਨਿੰਦਰਜੀਤ ਸਿੱਧੂ
- ਚੋਣ ਪ੍ਰਚਾਰ ਦੌਰਾਨ ਮਿਲ ਰਿਹਾ ਚੰਗਾ ਹੁੰਗਾਰਾ
ਜੈਤੋ, 6 ਫਰਵਰੀ, 2021 - ਵਾਰਡ ਨੰਬਰ 3 ਤੋਂ ਸ਼੍ਰੋਮਣੀ ਅਕਾਲੀ ਦਲ ਦੀ ਟਿਕਟ ਉੱਪਰ ਚੋਣ ਲੜ ਰਹੇ ਨਰਿੰਦਰ ਰਾਮੇਆਣਾ ਨੇ ਹਲਕਾ ਇੰਚਾਰਜ ਸੂਬਾ ਸਿੰਘ ਬਾਦਲ, ਨਗਰ ਕੌਂਸਲ ਦੇ ਸਾਬਕਾ ਪ੍ਰਧਾਨ ਯਾਦਵਿੰਦਰ ਸਿੰਘ ਜ਼ੈਲਦਾਰ, ਗੁਰਚੇਤ ਸਿੰਘ ਢਿੱਲੋਂ ਬਰਗਾੜੀ ਦੀ ਹਾਜਰੀ ਵਿੱਚ ਆਪਣੇ ਚੋਣ ਦਫ਼ਤਰ ਦਾ ਉਦਘਾਟਨ ਕੀਤਾ।ਇੱਥੇ ਇਹ ਵੀ ਦੱਸਣਯੋਗ ਹੈ ਕਿ ਚੋਣ ਪ੍ਰਚਾਰ ਦੌਰਾਨ ਵਾਰਡ ਵਾਸੀਆਂ ਵੱਲੋਂ ਕਾਫੀ ਚੰਗਾ ਹੁੰਗਾਰਾ ਮਿਲਣ ਦੇ ਸਮਾਚਾਰ ਪ੍ਰਾਪਤ ਹੋ ਰਹੇ ਹਨ।ਵੱਡੇ ਕਾਫਲੇ ਨਾਲ ਜਦ ਵੀ ਨਰਿੰਦਰ ਰਾਮੇਆਣਾ ਘਰੋ ਘਰੀ ਚੋਣ ਪ੍ਰਚਾਰ ਲਈ ਘਰੋ ਘਰੀ ਵੋਟਾਂ ਮੰਗਣ ਜਾਂਦੇ ਹਨ ਤਾਂ ਲੋਕੀਂ ਖਿੜੇ ਮੱਥੀਂ ਉਹਨਾਂ ਦਾ ਸਵਾਗਤ ਕਰ ਰਹੇ ਹਨ।
ਅਕਾਲੀ ਵੋਟ ਤੋਂ ਇਲਾਵਾ ਨਰਿੰਦਰ ਰਾਮੇਆਣਾ ਦੇ ਹੱਕ ਵਿੱਚ ਵੱਡੀ ਗਿਣਤੀ ਉਸ ਵੋਟ ਦੇ ਭੁਗਤਣ ਦੇ ਆਸਾਰ ਹਨ ਜੋ ਕਿਸੇ ਪਾਰਟੀ ਵਿਸ਼ੇਸ਼ ਨਾਲ ਨਹੀਂ ਜੁੜੀ ਹੁੰਦੀ।ਇਸਦਾ ਇੱਕ ਕਾਰਨ ਨਰਿੰਦਰ ਰਾਮੇਆਣਾ ਦਾ ਸਾਫ਼ ਸੁਥਰਾ ਅਕਸ ਅਤੇ ਉਹਨਾਂ ਦੇ ਪਿਤਾ ਗੁਰਦੀਪ ਸਿੰਘ ਰਾਮੇਆਣਾ ਦੀ ਸਮਾਜਿਕ ਮਾਮਲਿਆਂ ਵਿੱਚ ਗਹਿਣ ਰੁਚੀ ਨੂੰ ਵੀ ਮੰਨਿਆ ਜਾ ਸਕਦਾ ਹੈ।ਪੱਤਰਕਾਰਾਂ ਨਾਲ ਗੱਲਬਾਤ ਕਰਦਿਆਂ ਰਾਮੇਆਣਾ ਨੇ ਦੱਸਿਆ ਕਿ ਵਿਕਾਸ ਪੱਖੋਂ ਵਾਰਡ ਨੰਬਰ 3 ਕਾਫ਼ੀ ਪੱਛੜਿਆ ਹੋਇਆ ਹੈ ਅਤੇ ਜੇਕਰ ਵਾਰਡ ਵਾਸੀ ਫਤਵਾ ਦੇ ਕੇ ਨਗਰ ਕੌਂਸਲ ਵਿੱਚ ਭੇਜਦੇ ਹਨ ਤਾਂ ਉਹ ਵਾਰਡ ਦੇ ਵਿਕਾਸ ਲਈ ਜੀਅ ਜਾਨ ਲਾ ਦੇਣਗੇ।ਦਫਤਰ ਦੇ ਉਦਘਾਟਨ ਮੌਕੇ ਹੋਰਨਾਂ ਤੋਂ ਇਲਾਵਾ ਰਾਜਪਾਲ ਸਿੰਘ ਡੇਲਿਆਂਵਾਲੀ, ਤੋਤਾ ਜ਼ੈਲਦਾਰ, ਪ੍ਰਿਤਪਾਲ ਸਿੰਘ ਰੈੱਡ ਰੋਜ ਟੇਲਰ, ਪਿਰਥੀ ਨਿਰਵਾਨ, ਕਿੱਕਰ ਢਿੱਲੋਂ, ਪਰਕਾਸ਼ ਸੇਵੇਵਾਲਾ, ਜਸਵੀਰ ਸਿੰਘ ਬਲਿਊ ਸਟਾਰ, ਭੋਲੀ ਮਹੰਤ ਆਦਿ ਹਾਜਰ ਸਨ।