ਮਨਿੰਦਰਜੀਤ ਸਿੱਧੂ
ਜੈਤੋ, 18 ਫਰਵਰੀ , 2021 - ਬੀਤੇ ਦਿਨੀ ਨਗਰ ਕੌਂਸਲ ਚੋਣਾਂ ਦੇ ਆਏ ਨਤੀਜਿਆਂ ਵਿੱਚ ਸੁਮਨ ਦੇਵੀ ਪਤਨੀ ਸੁਖਬਿੰਦਰ ਪਾਲ ਗਰਗ ਉਰਫ ਬਿੰਦਰ ਬੀ.ਐੱਸ.ਐੱਨ.ਐੱਲ ਨੇ ਵਾਰਡ ਨੰਬਰ 13 ਤੋਂ ਬਾਜੀ ਮਾਰ ਲਈ ਹੈ।ਕਾਂਗਰਸ ਪਾਰਟੀ ਵੱਲੋਂ ਚੋਣ ਲੜੇ ਸੁਮਨ ਦੇਵੀ ਅਤੇ ਉਸਦੇ ਪਰਿਵਾਰਿਕ ਮੈਂਬਰਾਂ ਨੇ ਚੋਣਾਂ ਤੋਂ ਪਹਿਲਾਂ ਕਾਫੀ ਮਿਹਨਤ ਕੀਤੀ ਸੀ।ਲੋਕ ਸਭਾ ਮੈਂਬਰ ਜਨਾਬ ਮੁਹੰਮਦ ਸਦੀਕ ਅਤੇ ਉਹਨਾਂ ਦੇ ਜਵਾਈ ਸੂਰਜ ਭਾਰਦਵਾਜ ਦੇ ਕਰੀਬੀ ਸੁਮਨ ਦੇਵੀ ਨੂੰ ਲੋਕਾਂ ਨੇ ਜਿਤਾ ਕੇ ਉਹਨਾਂ ਦੀ ਮਿਹਨਤ ਦਾ ਮੁੱਲ ਮੋੜ ਦਿੱਤਾ ਹੈ।ਹੁਣ ਦੇਖਣਾ ਹੋਵੇਗਾ ਕਿ ਸੁਮਨ ਦੇਵੀ ਲੋਕਾਂ ਨਾਲ ਕੀਤੇ ਹੋਏ ਵਾਅਦਿਆਂ ਉੱਪਰ ਖਰੇ ਉੱਤਰਦੇ ਹਨ ਕਿ ਨਹੀਂ।ਸੁਮਨ ਦੇਵੀ ਦੇ ਪਤੀ ਸੁਖਬਿੰਦਰ ਗਰਗ ਨੇ ਕਿਹਾ ਕਿ ਅਸੀਂ ਆਪਣੇ ਲੋਕਾਂ ਦੇ ਬਹੁਤ ਧੰਨਵਾਦੀ ਹਾਂ ਜਿੰਨ੍ਹਾਂ ਨੇ ਸਾਡੇ ਉੱਪਰ ਏਨਾ ਜਿਆਦਾ ਵਿਸ਼ਵਾਸ ਜਤਾਇਆ ਹੈ, ਸਾਡਾ ਕਤਰਾ ਕਤਰਾ ਲੋਕਾਂ ਦੀ ਸੇਵਾ ਵਿੱਚ ਸਦਾ ਹਾਜਰ ਰਹੇਗਾ।ਉਹਨਾਂ ਜਿੱਤਣ ਉਪਰੰਤ ਗਲੀਆਂ, ਨਾਲੀਆਂ ਅਤੇ ਸੀਵਰੇਜ ਦੀ ਸਮੱਸਿਆ ਦੇ ਹੱਲ ਦੀ ਗੱਲ ਦੁਹਰਾਈ।