ਮਨਿੰਦਰਜੀਤ ਸਿੱਧੂ
- ਗਗਨਜੀਤ ਕੌਰ ਭਾਰੀ ਵੋਟਾਂ ਨਾਲ ਚੋਣ ਜਿੱਤਣਗੇ- ਬਾਦਲ, ਜ਼ੈਲਦਾਰ
ਜੈਤੋ, 12 ਫਰਵਰੀ , 2021 - ਵਾਰਡ ਨੰਬਰ 5 ਤੋਂ ਸ਼ੋਮਣੀ ਅਕਾਲੀ ਦਲ ਦੀ ਟਿਕਟ ਉੱਪਰ ਚੋਣ ਲੜ ਰਹੀ ਉਮੀਦਵਾਰ ਗਗਨਜੀਤ ਕੌਰ ਜੈਲਦਾਰ ਦੇ ਹੱਕ ਵਿੱਚ ਅਕਾਲੀ ਦਲ ਦੇ ਸਾਰੇ ਸੀਨੀਅਰ ਲੀਡਰ ਚੋਣ ਪ੍ਰਚਾਰ ਵਿੱਚ ਜੁਟੇ ਹੋਏ ਹਨ।ਅੱਜ ਦੇ ਚੋਣ ਪ੍ਰਚਾਰ ਵਿੱਚ ਸ਼ੋ੍ਰਮਣੀ ਅਕਾਲੀ ਦਲ ਦੇ ਹਲਕਾ ਇੰਚਾਰਜ ਸੂਬਾ ਸਿੰਘ ਬਾਦਲ, ਸਾਬਕਾ ਪ੍ਰਧਾਨ ਨਗਰ ਕੌਂਸਲ ਜੈਤੋ ਯਾਦਵਿੰਦਰ ਸਿੰਘ ਜੈਲਦਾਰ, ਗੁਰਚੇਤ ਸਿੰਘ ਢਿੱਲੋਂ ਬਰਗਾੜੀ ਆਦਿ ਸ਼ਾਮਲ ਸਨ।ਚੋਣ ਪ੍ਰਚਾਰ ਦੌਰਾਨ ਸੂਬਾ ਸਿੰਘ ਬਾਦਲ ਨੇ ਕਿਹਾ ਕਿ ਕੈਪਟਨ ਸਰਕਾਰ ਗੁਟਕਾ ਸਾਹਿਬ ਦੀ ਝੂਠੀ ਸਹੁੰ ਖਾ ਕੇ ਸੱਤਾ ਵਿੱਚ ਤਾਂ ਆ ਗਈ ਪਰ ਉਸਨੇ ਲੋਕਾਂ ਦੇ ਭਲੇ ਲਈ ਕੋਈ ਕੰਮ ਨਹੀਂ ਕੀਤਾ।ਉਹਨਾਂ ਕਿਹਾ ਕਿ ਸਰਦਾਰ ਪ੍ਰਕਾਸ਼ ਸਿੰਘ ਬਾਦਲ ਦੇ ਰਾਜ ਵਿੱਚ ਲੋਕ ਭਲਾਈ ਦੀਆਂ ਚਲਾਈਆਂ ਸਕੀਮਾਂ ਕੈਪਟਨ ਸਰਕਾਰ ਨੇ ਬੰਦ ਕਰ ਦਿੱਤੀਆਂ।ਉਹਨਾਂ ਕਿਹਾ ਕਿ ਜੇਕਰ ਇਹਨਾਂ ਨਗਰ ਕੌਂਸਲ ਦੀਆਂ ਚੋਣਾਂ ਵਿੱਚ ਕਾਂਗਰਸ ਵੱਲੋਂ ਕੋਈ ਧੱਕੇਸ਼ਾਹੀ ਨਾ ਕੀਤੀ ਗਈ ਤਾਂ ਸ਼੍ਰੋਮਣੀ ਅਕਾਲੀ ਦਲ ਨੂੰ ਵੱਡੀ ਜਿੱਤ ਮਿਲੇਗੀ।ਯਾਦਵਿੰਦਰ ੰਿਸੰਘ ਜੈਲਦਾਰ ਦਾ ਕਹਿਣਾ ਸੀ ਕਿ ਵਾਰਡ ਵਾਸੀਆਂ ਪਾਸੋਂ ਬਹੁਤ ਵਧੀਆ ਹੁੰਗਾਰਾ ਮਿਲ ਰਿਹਾ ਹੈ ਅਤੇ ਗਗਨਜੀਤ ਕੌਰ ਜੈਲਦਾਰ ਭਾਰੀ ਵੋਟਾਂ ਨਾਲ ਜਿੱਤ ਦਰਜ ਕਰਨਗੇ।ਇਸ ਸਮੇਂ ਉਹਨਾਂ ਨਾਲ ਵਿਜੈ ਭੰਡਾਰੀ, ਕਾਲੂ ਜੈਲਦਾਰ, ਬੂਰਾ ਸਿੰਘ, ਸੋਨੀ, ਜਗਜੀਤ ਸਿੰਘ ਕੱਲ੍ਹੀ, ਹਰਜੀਤ ਸਿੰਘ ਮੀਤੀ, ਜੀਵਨ ਜੈਲਦਾਰ, ਕਰਮਜੀਤ ਸਿੰਘ, ਕਿੱਕਰ ਢਿੱਲੋਂ ਸਰਪੰਚ,ਜਸਪਾਲ ਸਿੰਘ ਕਾਂਟਾ ਆਦਿ ਵੱਡੀ ਗਿਣਤੀ ਵਿੱਚ ਸਮਰਥਕ ਮੌਜੂਦ ਸਨ।