ਅਸ਼ੋਕ ਵਰਮਾ
ਬਠਿੰਡਾ, 3 ਜਨਵਰੀ 2021 - ਬਠਿੰਡਾ ਨਗਰ ਨਿਗਮ ਦੀਆਂ ਚੋਣਾਂ ਲਈ ਕਾਂਗਰਸ ਪਾਰਟੀ ਨੇ ਅੱਜ ਆਪਣੇ ਉਮੀਦਵਾਰਾਂ ਦੀ ਪੰਜਵੀਂ ਸੂਚੀ ਜਾਰੀ ਕਰ ਦਿੱਤੀ ਹੈ। ਪੰਜਾਬ ਦੇ ਵਿੱਤ ਮੰਤਰੀ ਮਨਪ੍ਰੀਤ ਸਿੰਘ ਬਾਦਲ ਦੇ ਦਫਤਰ ਵੱਲੋਂ ਜਾਰੀ ਕੀਤੀ ਇਸ ਸੂਚੀ ਅਨੁਸਾਰ ਸੀਨੀਅਰ ਕਾਂਗਰਸੀ ਆਗੂ ਅਤੇ ਡਾਇਰੈਕਟਰ ਕੋਆਪਰੇਟਿਵ ਬੈਂਕ, ਬਠਿੰਡਾ ਸ. ਟਹਿਲ ਸਿੰਘ ਸੰਧੂ ਦੀ ਪਤਨੀ ਮਨਜੀਤ ਕੌਰ ਸੰਧੂ ਨੂੰ ਵਾਰਡ ਨੰ. 1 ਤੋਂ ਚੋਣ ਮੈਦਾਨ ਵਿੱਚ ਉਤਾਰਿਆ ਹੈ। ਵਾਰਡ ਨੰ. 5 ਤੋਂ ਸੋਨੀਆ ਬਾਂਸਲ ਪਤਨੀ ਸੁਨੀਲ ਬਾਂਸਲ, ਵਾਰਡ ਨੰ. 11 ਤੋਂ ਗੁਰਿੰਦਰ ਕੌਰ ਪਤਨੀ ਕੰਵਲਜੀਤ ਸਿੰਘ ਭੰਗੂ, ਵਾਰਡ ਨੰ. 13 ਤੋਂ ਦੀਪਾ ਸ਼ਰਮਾ ਪਤਨੀ ਅਜੇ ਸ਼ਰਮਾ, ਵਾਰਡ ਨੰ. 15 ਤੋਂ ਮਨਜੀਤ ਕੌਰ ਪਤਨੀ ਟਹਿਲ ਸਿੰਘ ਬੁੱਟਰ, ਵਾਰਡ ਨੰ. 18 ਤੋਂ ਬਿਕਰਮ ਕਰਾਂਤੀ, ਵਾਰਡ ਨੰ.27 ਤੋਂ ਸਾਬਕਾ ਕੌਂਸਲਰ ਰਾਜ ਗੋਇਲ ਦੀ ਪਤਨੀ ਊਸ਼ਾ ਗੋਇਲ, ਵਾਰਡ ਨੰ. 45 ਤੋਂ ਸਾਧੂ ਸਿੰਘ ਦੀ ਭੈਣ ਅਤੇ ਰਾਮ ਫੂਲ ਦੀ ਪਤਨੀ ਰਾਜ ਰਾਣੀ, ਵਾਰਡ ਨੰ. 44 ਤੋਂ ਨੌਜਵਾਨ ਆਗੂ ਇੰਦਰਜੀਤ ਸਿੰਘ ਪੁੱਤਰ ਜਗਜੀਤ ਸਿੰਘ ਅਤੇ ਵਾਰਡ ਨੰ. 43 ਤੋਂ ਸਾਬਕਾ ਕੌਸਲਰ ਪ੍ਰਦੀਪ ਗੋਇਲ(ਗੋਲਾ) ਦੀ ਪਤਨੀ ਅਨੀਤਾ ਗੋਇਲ ਨੂੰ ਚੋਣ ਮੈਦਾਨ ’ਚ ਆਪਣੀ ਕਿਸਮਤ ਅਜਮਾਉਣਗੇ। ਕਂਗਰਸ ਨਗਰ ਨਿਗਮ ਦੇ 50 ਵਾਰਡਾਂ ਚੋਂ ਹੁਣ ਤੱਕ 36 ਉਮੀਦਵਾਰਾਂ ਦਾ ਨਾਮ ਐਲਾਨ ਚੁੱਕੀ ਹੈ।ੇ ਵਿੱਤ ਮੰਤਰੀ ਮਨਪ੍ਰੀਤ ਸਿੰਘ ਬਾਦਲ ਨੈ ਕਿਹਾ ਕਿ ਆਉਣ ਵਾਲੇ ਦਿਨਾਂ ਵਿਚ ਬਾਕੀ ਰਹਿੰਦੇ ਵਾਰਡਾਂ ਦੇ ਉਮੀਦਵਾਰਾਂ ਦੀ ਸੂਚੀ ਵੀ ਜਾਰੀ ਕਰ ਦਿੱਤੀ ਜਾਵੇਗੀ।