ਮਨਿੰਦਰਜੀਤ ਸਿੱਧੂ
ਜੈਤੋ, 4 ਫਰਵਰੀ, 2021 - ਨਗਰ ਕੌਂਸਲ ਚੋਣਾਂ ਦੇ ਚਲਦਿਆਂ ਚੋਣਾਂ ਲੜਨ ਵਾਲੇ ਉਮੀਦਵਾਰਾਂ ਵੱਲੋਂ ਕਾਗਜ ਦਾਖਲ ਕਰਨੇ ਸ਼ੁਰੂ ਹੋ ਗਏ ਹਨ।ਇਹਨਾਂ ਨਗਰ ਕੌਂਸਲ ਚੋਣਾ ਵਿੱਚ ਵੱਡੀ ਗਿਣਤੀ ਵਿੱਚ ਉਮੀਦਵਾਰ ਆਪਣੀ ਕਿਸਮਤ ਅਜਮਾ ਰਹੇ ਹਨ।ਬੀਤੇ ਦਿਨ ਵਾਰਡ ਨੰਬਰ 10 ਤੋਂ ਅਜਾਦ ਚੋਣ ਲੜ ਰਹੇ ਦਿਲਬਾਗ ਸ਼ਰਮਾ ਉਰਫ ਬਾਗੀ ਸ਼ਰਮਾ ਵੱਲੋਂ ਆਪਣੇ ਕਾਗਜ ਭਰ ਦਿੱਤੇ।ਆਪਣੇ ਸਮਰਥਕਾਂ ਨਾਲ ਐੱਸ.ਡੀ.ਐੱਮ ਦਫ਼ਤਰ ਕਾਗਜ ਭਰਨ ਪਹੁੰਚੇ ਬਾਗੀ ਸ਼ਰਮਾ ਇਸ ਵਾਰ ਚੋਣਾਂ ਨੂੰ ਲੈ ਕੇ ਕਾਫ ਉਤਸ਼ਾਹ ਵਿੱਚ ਹਨ।
ਪੱਤਰਕਾਰਾਂ ਨਾਲ ਗੱਲਬਾਤ ਕਰਦਿਆਂ ਉਹਨਾਂ ਕਿਹਾ ਕਿ ਉਹਨਾਂ ਨੂੰ ਲੋਕਾਂ ਪਾਸੋਂ ਭਾਰੀ ਸਮਰਥਨ ਮਿਲ ਰਿਹਾ ਹੈ ਅਤੇ ਇਸ ਵਾਰ ਦੀਆਂ ਨਗਰ ਕੌਂਸਲ ਚੋਣਾਂ ਦੇ ਨਤੀਜੇ ਬਿਲਕੁਲ ਨਵੇਂ ਹੋਣਗੇ ਅਤੇ ਲੋਕ ਪਾਰਟੀਆਂ ਦੀ ਜਗ੍ਹਾ ਉਮੀਦਵਾਰਾਂ ਦੇ ਅਕਸ ਅਤੇ ਉਹਨਾਂ ਦੇ ਪਿਛੋਕੜ ਨੂੰ ਪਹਿਲ ਦੇਣਗੇ।ਇਸ ਸਮੇਂ ਉਹਨਾਂ ਨਾਲ ਹੋਰਨਾਂ ਤੋਂ ਇਲਾਵਾ ਬਾਰ ਐਸੋਸੀਏਸ਼ਨ ਜੈਤੋ ਦੇ ਪ੍ਰਧਾਨ ਐਡਵੋਕੇਟ ਹਮੇਸ਼ ਸ਼ਰਮਾ ਮੌਜੂਦ ਸਨ।ਉਹਨਾਂ ਦੀ ਮੌਜੂਦਗੀ ਇਸ ਗੱਲ ਵੱਲ ਸੰਕੇਤ ਕਰਦੀ ਹੈ ਕਿ ਵਕੀਲ ਭਾਈਚਾਰੇ ਦੀਆਂ ਵੋਟਾਂ ਬਾਗੀ ਸ਼ਰਮਾ ਦੇ ਹੱਕ ਵਿੱਚ ਭੁਗਤ ਸਕਦੀਆਂ ਹਨ।