ਮਨਿੰਦਰਜੀਤ ਸਿੱਧੂ
ਜੈਤੋ, 8 ਫਰਵਰੀ, 2021 - ਇਲਾਕੇ ਦੇ ਪ੍ਰਸਿੱਧ ਖਾਨਦਾਨ ਅਤੇ ਮਹਾਂਦਾਨੀ ਪਰਿਵਾਰ ਦੇ ਫਰਜ਼ੰਦ ਕਰਨ ਦੁੱਲਟ ਵੱਲੋਂ ਆਪਣੀ ਰਵਾਇਤ ਅਨੁਸਾਰ ਵਾਰਡ ਨੰਬਰ 8, 15, 16 ਅਤੇ 17 ਵਿੱਚੋਂ ਸਾਫ ਸੁਥਰੇ ਅਕਸ ਵਾਲੇ ਉਮੀਦਵਾਰ ਚੋਣ ਦੰਗਲ ਵਿੱਚ ਉਤਾਰੇ ਹਨ।ਇਹਨਾਂ ਉਮੀਦਵਾਰਾਂ ਦੇ ਹੱਕ ਵਿੱਚ ਉਹਨਾਂ ਅਤੇ ਉਹਨਾਂ ਦੇ ਪਰਿਵਾਰਿਕ ਮੈਂਬਰਾਂ ਵੱਲੋਂ ਬਿਜਲੀ ਦੀ ਚਾਲ ਨਾਲ ਚੋਣ ਪ੍ਰਚਾਰ ਕੀਤਾ ਜਾ ਰਿਹਾ ਹੈ।ਇੱਥੇ ਇਹ ਗੱਲ ਜਰੂਰ ਦੱਸਣੀ ਬਣਦੀ ਹੈ ਕਿ ਕਰਨ ਦੁੱਲਟ ਅਤੇ ਉਸਦੇ ਉਮੀਦਵਾਰਾਂ ਨੂੰ ਲੋਕਾਂ ਵੱਲੋਂ ਭਰਵਾਂ ਹਾਂਪੱਖੀ ਹੁੰਗਾਰਾ ਮਿਲ ਰਿਹਾ ਹੈ।ਚੋਣ ਪ੍ਰਚਾਰ ਦੌਰਾਨ ਗੱਲਬਾਤ ਕਰਦਿਆਂ ਕਰਨ ਦੁੱਲਟ ਦਾ ਕਹਿਣਾ ਹੈ ਕਿ ਸਾਡਾ ਮਕਸਦ ਇਮਾਨਦਾਰ ਲੋਕਾਂ ਨੂੰ ਨਗਰ ਕੌਂਸਲ ਵਿੱਚ ਭੇਜਣਾ ਹੈ ਤਾਂ ਜੋ ਵਿਕਾਸ ਪੱਖੋਂ ਪੱਛੜੇ ਇਹਨਾਂ ਇਲਾਕਿਆਂ ਵਿੱਚ ਰਹਿੰਦੇ ਕੰਮ ਜਲਦੀ ਕਰਵਾਏ ਜਾ ਸਕਣ।ਉਹਨਾਂ ਨਾਲ ਇਹ ਵੀ ਕਿਹਾ ਕਿ ਜੇਕਰ ਇਹ ਉਮੀਦਵਾਰ ਐੱਮ.ਸੀ. ਬਣਦੇ ਹਨ ਤਾਂ ਇਹ ਆਪਣੀ ਪ੍ਰਧਾਨਗੀ ਦੀ ਵੋਟ ਉਸ ਉਮੀਦਵਾਰ ਨੂੰ ਪਾਉਣਗੇ ਜੋ ਇਹਨਾਂ ਇਲਾਕਿਆਂ ਦੇ ਵਿਕਾਸ ਲਈ ਲਿਖਤੀ ਵਾਅਦੇ ਕਰੇਗਾ।ਇਸ ਮੌਕੇ ਉਹਨਾਂ ਨਾਲ ਸੇਵਾਜੀਤ ਸਿੰਘ ਦੁੱਲਟ ਮੌਜੂਦ ਰਹੇ।
ਜੈਤੋ 8- ਉਮੀਦਵਾਰਾਂ ਦੇ ਹੱ ਕ ਵਿੱਚ ਚੋਣ ਪ੍ਰਚਾਰ ਕਰਦੇ ਹੋਏ ਕਰਨ ਦੁੱਲਟ ਅਤੇ ਸਾਥੀ