ਮਨਿੰਦਰਜੀਤ ਸਿੱਧੂ
ਜੈਤੋ, 8 ਫਰਵਰੀ, 2021 - ਯਾਦਵਿੰਦਰ ਸਿੰਘ ਜੈਲਦਾਰ ਦੇ ਕਰੀਬੀ ਹਰਜੀਤ ਸਿੰਘ ਉਰਫ ਮੀਤੀ ਜੈਲਦਾਰ ਦੀ ਪਤਨੀ ਗਗਨਦੀਪ ਕੌਰ ਵੱਲੋਂ ਵਾਰਡ ਨੰਬਰ 5 ਤੋਂ ਸ਼ੋ੍ਰਮਣੀ ਅਕਾਲੀ ਦਲ ਦੇ ਉਮੀਦਵਾਰ ਵਜੋਂ ਕਾਗਜ ਦਾਖਲ ਕੀਤੇ ਗਏ ਹਨ।ਆਪਣੇ ਚੋਣ ਪ੍ਰਚਾਰ ਨੂੰ ਹੁਲਾਰਾ ਦਿੰਦਿਆਂ ਗਗਨਦੀਪ ਕੌਰ ਵੱਲੋਂ ਆਪਣੇ ਸਮਰਥਕਾਂ ਸਮੇਤ ਵਾਰਡ ਵਿੱਚ ਗੇੜਾ ਲਾ ਕੇ ਘਰ ਘਰ ਜਾ ਕੇ ਵੋਟਾਂ ਲਈ ਅਪੀਲ ਕੀਤੀ।ਉਹਨਾਂ ਨਾਲ ਭਾਰੀ ਗਿਣਤੀ ਵਿੱਚ ਲੋਕ ਮੋਜੂਦ ਸਨ ਜੋ ਉਹਨਾਂ ਲਈ ਸ਼ੁੱਭ ਸੰਕੇਤ ਮੰਨਿਆ ਜਾ ਸਕਦਾ ਹੈ।
ਵੋਟਰਾਂ ਨੂੰ ਅਪੀਲ ਕਰਦਿਆਂ ਪੱਤਰਕਾਰ ਮੀਤੀ ਜੈਲਦਾਰ ਨੇ ਕਿਹਾ ਕਿ ਜੇਕਰ ਤੁਸੀਂ ਇਸ ਵਾਰ ਵਾਰਡ ਵਿੱਚੋਂ ਇਮਾਨਦਾਰ ਐੱਮ.ਸੀ. ਦੇਖਣਾ ਚਾਹੁੰਦੇ ਹੋ ਤਾਂ ਆਉਣ ਵਾਲੀ 14 ਤਰੀਕ ਨੂੰ ਚੋਣ ਨਿਸ਼ਾਨ ਤੱਕੜੀ ਉੱਪਰ ਮੋਹਰਾਂ ਲਾ ਕੇ ਗਗਨਦੀਪ ਕੌਰ ਨੂੰ ਜਿਤਾਓ।ਉਹਨਾਂ ਕਿਹਾ ਕਿ ਵਾਰਡ ਦੇ ਵਿਕਾਸ ਦੇ ਕੰਮ ਪਹਿਲ ਦੇ ਆਧਾਰ ‘ਤੇ ਕੀਤੇ ਜਾਣਗੇ ਅਤੇ ਜੇਕਰ ਕਿਸੇ ਸਾਂਝੇ ਕੰਮ ਲਈ ਜੇਬ ਵਿੱਚ ਵੀ ਪੈਸੇ ਖਰਚਣੇ ਪੈਂਦੇ ਹਨ ਤਾਂ ਉਹ ਗੁਰੇਜ ਨਹੀਂ ਕਰਨਗੇ।ਇਸ ਮੌਕੇ ਉਹਨਾਂ ਨਾਲ ਵੱਡੀ ਗਿਣਤੀ ਵਿੱਚ ਵਾਰਡ ਵਾਸੀ ਅਤੇ ਅਕਾਲੀ ਵਰਕਰ ਮੌਜੂਦ ਸਨ।ਯਾਦਵਿੰਦਰ ਸਿੰਘ ਜੈਲਦਾਰ ਦਾ ਇਸ ਸੀਟ ਉੱਪਰ ਨਿੱਜੀ ਤੌਰ ਤੇ ਮਦਦ ਕਰਨ ਦਾ ਗਗਨਦੀਪ ਕੌਰ ਨੂੰ ਵੱਡਾ ਫਾਇਦਾ ਮਿਲਣ ਦੇ ਸੰਕੇਤ ਹਨ
ਜੈਤੋ 8 ਚੋਣ ਪ੍ਰਚਾਰ ਕਰਦੇ ਗਗਨਦੀਪ ਕੌਰ ਅਤੇ ਸਾਥੀ