ਮਨਿੰਦਰਜੀਤ ਸਿੱਧੂ
ਜੈਤੋ, 10 ਫਰਵਰੀ, 2021 - ਜੈਤੋ ਦੇ ਵੱਡੇ ਟਰਾਂਸਪੋਰਟਰ ਬੇਅੰਤ ਸਿੰਘ ਰਾਜੂ ਅਤੇ ਉਹਨਾਂ ਦੀ ਪਤਨੀ ਦੇ ਚੋਣ ਮੈਦਾਨ ਵਿੱਚ ਕੁੱਦਣ ਨਾਲ ਵਾਰਡ ਨੰਬਰ 5 ਅਤੇ ਵਾਰਡ ਨੰਬਰ 6 ਵਿੱਚ ਮੁਕਾਬਲਾ ਫੱਸਵਾਂ ਹੋਣ ਦੇ ਆਸਾਰ ਨਜ਼ਰ ਆਉਣ ਲੱਗ ਪਏ ਹਨ।ਬੇਅੰਤ ਸਿੰਘ ਰਾਜੂ ਵਾਰਡ ਨੰਬਰ 6 ਅਤੇ ਉਹਨਾਂ ਦੀ ਪਤਨੀ ਵਾਰਡ ਨੰਬਰ 5 ਤੋਂ ਅਜਾਦ ਉਮੀਦਵਾਰ ਵਜੋਂ ਚੋਣ ਮੈਦਾਨ ਵਿੱਚ ਉੱਤਰੇ ਹਨ।ਬੇਅੰਤ ਸਿੰਘ ਰਾਜੂ ਦਾ ਜੈਤੋ ਪਿੰਡ ਵਿੱਚ ਕਾਫੀ ਮਜਬੂਤ ਪੱਧਰ ਉੱਪਰ ਜਨ ਆਧਾਰ ਹੈ।ਇੱਥੇ ਬੜੀ ਰੋਚਕ ਗੱਲ ਹੈ ਕਿ ਕਾਂਗਰਸ ਦੇ ਵੱਡੇ ਲੀਡਰ ਸੁਰਜੀਤ ਸਿੰਘ ਬਾਬਾ ਅਤੇ ਉਹਨਾਂ ਦੀ ਪਤਨੀ ਬੀਬੀ ਜਸਪਾਲ ਕੌਰ ਵੀ ਇਸੇ ਤਰ੍ਹਾਂ ਵਾਰਡ ਨੰਬਰ 6 ਅਤੇ 5 ਤੋਂ ਚੋਣ ਕਾਂਗਰਸ ਪਾਰਟੀ ਦੀ ਟਿਕਟ ਉੱਪਰ ਚੋਣ ਲੜ ਰਹੇ ਹਨ।
ਇਸ ਤਰ੍ਹਾਂ ਇਹਨਾਂ ਦੋਹਾਂ ਵਾਰਡਾਂ ਵਿੱਚ ‘ਬਾਬਾ’ ਦੰਪਤੀ ਅਤੇ ‘ਰਾਜੂ’ ਦੰਪਤੀ ਵਿਚਕਾਰ ਰੌਚਕ ਮੁਕਾਬਲਾ ਹੋਵੇਗਾ।ਬੇਅੰਤ ਰਾਜੂ ਵੱਲੋਂ ਆਪਣਾ ਚੋਣ ਪ੍ਰਚਾਰ ਤੇਜ ਕਰ ਦਿੱਤਾ ਗਿਆ ਹੈ ਅਤੇ ਉਹਨਾਂ ਦੇ ਦਾਅਵੇ ਮੁਤਾਬਿਕ ਉਹਨਾਂ ਦੀ ਸਥਿਤੀ ਕਾਫੀ ਮਜਬੂਤ ਹੈ ਅਤੇ ਉਹ ਦੋਹਾਂ ਵਾਰਡਾਂ ਵਿੱਚੋਂ ਹੀ ਜਿੱਤ ਦਰਜ ਕਰਵਾਉਣਗੇ।