ਡੇਰਾ ਪ੍ਰੇਮੀਆਂ ਨੇ ਕੀਤਾ ਕੋਰੋਨਾ ਯੋਧਿਆਂ ਨੂੰ ਸਨਮਾਨਿਤ
ਅਸ਼ੋਕ ਵਰਮਾ
ਬਠਿੰਡਾ,19 ਮਈ2021:ਬਲਾਕ ਬਾਲਿਆਂ ਵਾਲੀ ਨਾਲ ਸਬੰਧਤ ਡੇਰਾ ਸੱਚਾ ਸੌਦਾ ਸਰਸਾ ਦੇ ਸ਼ਰਧਾਲੂਆਂ ਵੱਲੋਂ ਕਰੋਨਾ ਯੋਧਿਆਂ ਨੂੰ ਸਨਮਾਨਿਤ ਕੀਤਾ ਹੈ। ਬਲਾਕ ਬਾਲਿਆਂਵਾਲੀ ਦੇ ਆਗੂ ਡਾਕਟਰ ਚਰਨਜੀਤ ਸਿੰਘ ਚਾਉਕੇ ਨੇ ਦੱਸਿਆ ਕਿ ਇਸ ਮੌਕੇ ਸਨਮਾਨ ਵਜੋਂ ਕਰੋਨਾ ਯੋਧਿਆਂ ਅਤੇ ਫਰੰਟ ਲਾਈਨ ਵਰਕਰਾਂ ਨੂੰ 100 ਤੋਂ ਵੱਧ ਫਰੂਟਾਂ ਦੀਆਂ ਟੋਕਰੀਆਂ ਭੇਂਟ ਕੀਤੀਆਂ ਅਤੇ ਉਨ੍ਹਾਂ ਵੱਲੋਂ ਸਮਾਜ ਸੇਵਾ ਲਈ ਪਾਏ ਜਾ ਰਹੇ ਯੋਗਦਾਨ ਦੀ ਸ਼ਲਾਘਾ ਕੀਤੀ ਹੈ।
ਉਨ੍ਹਾਂ ਦੱਸਿਆ ਕਿ ਜੇਕਰ ਇਹ ਫਰੰਟ ਲਾਈਨ ਵਰਕਰ ਕਰੋਨਾ ਸੰਕਟ ’ਚ ਅੱਗੇ ਨਾਂ ਆਉਂਦੇ ਤਾਂ ਸਥਿਤੀ ਹੋਰ ਵੀ ਖਰਾਬ ਹੋ ਸਕਦੀ ਸੀ। ਉਨ੍ਹਾਂ ਦੱਸਿਆ ਕਿ ਸਨਮਾਨ ਹਾਸਲ ਕਰਨ ਵਾਲਿਆਂ ਵਿੱਚ ਸਿਵਲ ਹਸਪਤਾਲ ਬਾਲਿਆਂਵਾਲੀ, ਥਾਣਾ ਸਦਰ ਰਾਮਪੁਰਾ ਗਿੱਲ ਕਲਾਂ, ਥਾਣਾ ਬਾਲਿਆਂਵਾਲੀ, ਪੁਲਿਸ ਚੌਕੀ ਚਾਉਕੇ, ਡਿਸਪੈਂਸਰੀਆਂ ਅਤੇ ਪੱਤਰਕਾਰ ਭਾਈਚਾਰਾ ਆਦਿ ਸ਼ਾਮਲ ਹਨ। ਇਸ ਮੌਕੇ ਇਨ੍ਹਾਂ ਨਾਲ ਰਾਮ ਸਿੰਘ ਐਮ ਸੀ, ਗੁਰਚਰਨ ਸਿੰਘ, ਜਵਾਹਰ ਲਾਲ, ਭੋਲਾ ਸਿੰਘ, ਹੈਲਥ ਸੈਂਟਰ ਦੇ ਵਰਕਰ ਸੰਦੀਪ ਕੁਮਾਰ, ਅਮਿ੍ਰਤਪਾਲ ਕੌਰ ਅਤੇ ਪਰਮਿੰਦਰ ਕੌਰ ਤੇ ਆਸ਼ਾ ਵਰਕਰ ਹਾਜਰ ਸਨ।