ਬਟਾਲਾ 16 ਮਈ 2019 : ਸਰਕਾਰੀ ਸਕੂਲਾਂ ਦੀ ਨੁਹਾਰ ਬਦਲਣ ਤੇ ਬੁਨਿਆਦੀ ਸਹੂਲਤਾਂ ਮੁਹੱਈਆ ਕਰਵਾਉਣ ਲਈ ਸਮਾਜਿਕ ਸੰਸਥਾਵਾਂ , ਦਾਨੀ ਸੱਜਣਾਂ ਤੇ ਅਧਿਆਪਕਾਂ ਵੱਲੋ ਹਮੇਸ਼ਾ ਮਹੱਤਵਪੂਰਨ ਰੋਲ ਅਦਾ ਕੀਤਾ ਜਾਂਦਾ ਹੈ। ਇਸੇ ਦੇ ਤਹਿਤ ਸਰਕਾਰੀ ਹਾਈ ਸਕੂਲ ਬਸਰਾਵਾਂ ਦੇ ਪੰਜਾਬੀ ਅਧਿਆਪਕ ਸਿਕੰਦਰ ਸਿੰਘ ਵੱਲੋਂ 30,000/- ਰੁਪਏ ਖਰਚ ਕਰਕੇ ਬੱਚਿਆ ਲਈ ਵਾਟਰ ਕੂਲਰ ਦਾਨ ਕੀਤਾ। ਉਪਰੋਕਤ ਜਾਣਕਾਰੀ ਦਿੰਦਿਆਂ ਸਕੂਲ ਦੇ ਹੈੱਡ ਮਾਸਟਰ ਵਿਜੇ ਕੁਮਾਰ ਨੇ ਦੱਸਿਆ ਕਿ ਕਿ ਅਧਿਆਪਕ ਸਿਕੰਦਰ ਸਿੰਘ ਪਹਿਲਾਂ ਵੀ ਸਕੂਲ ਦੇ ਵਿਕਾਸ ਕਾਰਜਾਂ ਲਈ ਵਿੱਤੀ ਮਦਦ ਦਿੰਦੇ ਹਨ ਤੇ ਅੱਜ ਗਰਮੀ ਦੇ ਮੌਸਮ ਨੂੰ ਦੇਖਦੇ ਹੋਏ ਉਨ੍ਹਾਂ ਵੱਲੋ ਠੰਡੇ ਪਾਣੀ ਦਾ ਵਾਟਰ ਕੂਲਰ ਦਾਨ ਕੀਤਾ ਗਿਆ ਹੈ , ਜਿਸ ਦਾ ਉਦਘਾਟਨ ਸਰਪੰਚ ਅਮਰੀਕ ਸਿੰਘ ਤੇ ਪਿੰਡ ਵਾਸੀਆਂ ਵੱਲੋ ਕੀਤਾ ਗਿਆ ਹੈ। ਇਸ ਦੌਰਾਨ ਸਤਨਾਮ ਸਿੰਘ , ਜਰਨੈਲ ਸਿੰਘ , ਗੁਰਬਚਨ ਸਿੰਘ ਤੇ ਮੈਡਮ ਨਵਪ੍ਰੀਤ ਕੌਰ ਹਾਜ਼ਰ ਸਨ।