ਨਵੀਂ ਦਿੱਲੀ, 24 ਮਈ 2019 - 23 ਮਈ ਨੂੰ ਚਾਹੇ ਪੂਰਾ ਦੇਸ਼ ਮੋਦੀ ਲਹਿਰ 'ਚ ਵਹਿ ਗਿਆ ਪਰ ਇਹ ਲਹਿਰ ਵੀ ਬੀਜੇਪੀ ਦੇ ਟੈਲੀਵਿਜ਼ਨ ਸਿਤਾਰੇ ਸੰਬਿਤ ਪਾਤਰਾ ਨੂੰ ਪੁਰੀ ਤੋਂ ਜਿੱਤ ਨਾ ਦਿਵਾ ਸਕੀ। ਪਾਤਰਾ ਉਡੀਸ਼ਾ ਦੇ ਪੁਰੀ ਇਲਾਕੇ ਤੋਂ ਬੀਜੂ ਜਨਤਾ ਦਲ ਦੇ ਐੱਮ ਪੀ ਪਿੰਕੀ ਮਿਸ਼ਰਾ ਕੋਲੋਂ 11,714 ਵੋਟਾਂ ਦੇ ਫਰਕ ਨਾਲ ਹਾਰ ਗਏ। ਇਸ ਮੁਕਾਬਲੇ 'ਚ ਪਾਤਰਾ ਨੂੰ 5,26,607 ਵੋਟਾਂ ਜਦੋਂ ਕਿ ਮਿਸ਼ਰਾ ਨੂੰ 5,38,321 ਵੋਟਾਂ ਮਿਲੀਆਂ। ਤੁਹਾਨੂੰ ਦੱਸ ਦੇਈਏ ਕਿ ਪਾਤਰਾ ਵੱਲੋਂ ਕੀਤਾ ਗਿਆ ਉਹਨਾਂ ਦਾ ਅਨੋਖਾ ਪ੍ਰਚਾਰ ਵੀ ਉਨ੍ਹਾਂ ਨੂੰ ਜਿਤਾ ਨਾ ਸਕਿਆ। ਪਰ ਇਹ ਗੱਲ ਹਰ ਕੋਈ ਜਾਣਦਾ ਸੀ ਕਿ ਉਹ ਰਾਜਨੀਤਿਕ ਤਜ਼ੁਰਬੇ 'ਚ ਮਿਸ਼ਰਾ ਦੇ ਮੁਕਾਬਲੇ 'ਚ ਕਿਤੇ ਵੀ ਨਹੀਂ ਸਨ।