ਮੋਹਾਲੀ, 13 ਫਰਵਰੀ 2021 - ਬੀਤੇ ਕੱਲ੍ਹ ਸੁਖਬੀਰ ਸਿੰਘ ਬਾਦਲ ਨੇ ਫੇਰੀ ਦੌਰਾਨ ਮੌਕੇ ਤੇ ਅਹਿਮ ਫੈਸਲਾ ਲੈਂਦਿਆਂ ਮਨਮੀਤ ਕੌਰ ਲੀਮਾ ਨੂੰ ਸਾਹਿਬਜ਼ਾਦਾ ਅਜੀਤ ਸਿੰਘ ਨਗਰ (ਸ਼ਹਿਰ ਮੋਹਾਲੀ ਕਾਰਪੋਰੇਸ਼ਨ ਏਰੀਏ) ਦੀ ਇਸਤਰੀ ਵਿੰਗ ਦਾ ਪ੍ਰਧਾਨ ਨਿਯੁਕਤ ਕੀਤਾ।
ਇੱਥੇ ਇਹ ਦੱਸਣਯੋਗ ਹੈ ਕਿ ਜਿਲਾ ਮੋਹਾਲੀ ਦੇ ਸ਼ਹਿਰੀ ਪ੍ਰਧਾਨ ਬੀਬੀ ਕੁਲਦੀਪ ਕੌਰ ਕੰਗ ਪਹਿਲਾ ਹੀ ਐਲਾਨੇ ਹੋਏ ਹਨ।
ਬੀਬੀ ਲੀਮਾ ਜੋ ਸੋਸਲ ਕੰਮਾਂ ਤੋਂ ਬਾਅਦ ਚ ਪਹਿਲੀ ਵਾਰ 2000 ਵਿੱਚ ਐਮਸੀ ਚੋਣਾਂ ਵੀ ਲੜ ਚੁੱਕੇ ਹਨ। ਪਾਰਟੀ ਵੱਲੋਂ ਪਹਿਲਾ ਵੀ ਉਹਨਾਂ ਨੂੰ ਮੋਹਾਲੀ ਸ਼ਹਿਰ ਦਾਪ੍ਰਧਾਨ ਲਾਇਆ ਗਿਆ ਸੀ ਉਸ ਸਮੇ ਪਾਰਟੀ ਪ੍ਰਤੀ ਕੀਤੇ ਕੰਮਾਂ ਨੂੰ ਦੇਖਦੇ ਹੋਏ ਅੱਜ ਫਿਰ ਜਦ ਪਾਰਟੀ ਨੂੰ ਬੂਥ ਪੱਧਰ ਤੱਕ ਮਜ਼ਬੂਤ ਕਰਨ ਦੀ ਲੋੜ ਹੈ ਤਾਂ ਬੀਬੀ ਲੀਮਾ ਨੂੰ ਦੂਸਰੀ ਵਾਰ ਇਹ ਅਹਿਮ ਜ਼ੁਮੇਵਾਰੀ ਦਿੱਤੀ ਗਈ ਹੈ।
ਕੱਲ ਮੋਹਾਲੀ ਸ਼ਹਿਰ ਦੀ ਫੇਰੀ ਦੌਰਾਨ ਸਰਦਾਰ ਸੁਖਬੀਰ ਸਿੰਘ ਬਾਦਲ ਵੱਲੋ ਬੀਬੀ ਮਨਮੀਤ ਲੀਮਾ ਨੂੰ ਸਿਰੋਪਾ ਪਾ ਕੇ ਸਨਮਾਨਿਤ ਵੀ ਕੀਤਾ ਗਿਆ ਤੇ ਬੀਬੀ ਲੀਮਾ ਨੂੰ ਹਦਾਇਤ ਕੀਤੀ ਕਿ ਚੋਣਾਂ ਤੋਂ ਬਾਅਦ ਪਹਿਲਾ ਸਰਕਲ ਪ੍ਰਧਾਨ ਤੇ ਫਿਰ ਵਾਰਡ ਪ੍ਰਧਾਨ ਲਾਕੇ ਪਾਰਟੀ ਦੇ ਢਾਂਚੇ ਨੰ ਮਜ਼ਬੂਤ ਕੀਤਾ ਜਾਵੇ।
ਇੱਥੇ ਇਹ ਵਰਨਣ ਯੋਗ ਹੈ ਕਿ ਕੁਲਵੰਤ ਧੜੇ ਦੇ ਜਾਣ ਤੋਂ ਬਾਅਦ ਪਾਰਟੀ ਨੂੰ ਮਜ਼ਬੂਤ ਕਰਨ ਲਈ ਪਹਿਲਾ ਵੀ ਪਾਰਟੀ ਜਥੇਬੰਦੀ ਲਈ ਅਹਿਮ ਫ਼ੈਸਲੇ ਲੈਂਦੇ ਹੋਏ ਯੂਥ ਵਿੰਗ ਵਿੱਚ ਐਡਵੋਕੇਟ ਹਰਮਨਪ੍ਰੀਤ ਸਿੰਘ ਪ੍ਰਿੰਸ ਦੀ ਨਿਯੁਕਤੀ ਕੀਤੀ ਤੇ ਫਿਰ ਕੈਪਟਨ ਰਮਨਦੀਪ ਸਿੰਘ ਬਾਵਾ ਦੀ ਨਿਯੂਕਤੀ ਤੋਂ ਬਾਅਦ ਇਸ ਨਿਯੁਕਤੀ ਨੂੰ ਵੀ ਮੋਹਾਲੀ ਸ਼ਹਿਰ ਦੀ ਜਥੇਬੰਦੀ ਨੂੰ ਮਜ਼ਬੂਤ ਕਰਨ ਲਈ ਅਹਿਮ ਮੰਨਿਆ ਜਾ ਰਿਹਾ ਹੈ। ਇੱਥੋਂ ਇਹ ਵੀ ਸਾਫ਼ ਲੱਗ ਰਿਹਾ ਹੈ ਕਿ ਪਾਰਟੀ ਦੇ ਸੰਗਠਨਾਤਮਿੱਕ ਢਾਂਚੇ ਦੀ ਕੰਮਜੋਰੀ ਨੂੰ ਦੂਰ ਕਰਨ ਲਈ ਪਾਰਟੀ ਨੇ ਮਨ ਬਣਾ ਲਿਆ ਹੈ।