ਗੁਰਦੁਆਰਾ ਗੁਰੂ ਨਾਨਕ ਦੇਵ ਪੂਹਲਾ ਰੋਡ ਭਿੱਖੀਵਿੰਡ ਵੱਲੋਂ ਕੱਢੇ ਗਏ ਨਗਰ ਕੀਰਤਨ ਦੀ ਅਗਵਾਈ ਕਰਦੇ ਹੋਏ ਪੰਜ ਪਿਆਰੇ ਸਾਹਿਬਾਨ
ਜਗਮੀਤ ਸਿੰਘ
ਭਿੱਖੀਵਿੰਡ 05 ਨਵੰਬਰ 2019: ਜਗਤ ਗੁਰੂ ਸਾਹਿਬ ਸ੍ਰੀ ਗੁਰੂ ਨਾਨਕ ਦੇਵ ਜੀ ਦੇ ਪ੍ਰਕਾਸ਼ ਦਿਹਾੜੇ ਨੂੰ ਸਮਰਪਿਤ ਗੁਰਦੁਆਰਾ ਗੁਰੂ ਨਾਨਕ ਦੇਵ ਭਿੱਖੀਵਿੰਡ ਵੱਲੋਂ ਪੰਜ ਪਿਆਰਿਆਂ ਦੀ ਅਗਵਾਈ ਤੇ ਸਾਹਿਬ ਸ੍ਰੀ ਗ੍ਰੰਥ ਸਾਹਿਬ ਜੀ ਦੀ ਛਤਰ ਛਾਇਆ ਹੇਠ ਇਕ ਵਿਸ਼ਾਲ ਨਗਰ ਕੀਰਤਨ ਕੱਢਿਆ ਗਿਆ ! ਇਹ ਨਗਰ ਕੀਰਤਨ ਪੂਹਲਾ ਰੋਡ ਤੋਂ ਸ਼ੁਰੂ ਹੋ ਕੇ ਭਿੱਖੀਵਿੰਡ ਦੀਆਂ ਚੋਹਾਂ ਮਾਰਗ ਖਾਲੜਾ-ਹਰੀਕੇ ਅੰਮ੍ਰਿਤਸਰ-ਖੇਮਕਰਨ ਤੋਂ ਹੁੰਦਾ ਹੋਇਆ ਵਾਪਸ ਗੁਰਦੁਆਰਾ ਸਾਹਿਬ ਵਿਖੇ ਸਮਾਪਤ ਹੋਇਆ ! ਇਸ ਨਗਰ ਕੀਰਤਨ ਦਾ ਭਿੱਖੀਵਿੰਡ ਦੀਆਂ ਸੰਗਤਾਂ ਵੱਲੋਂ ਥਾਂ ਥਾਂ ਫੁੱਲਾਂ ਦੀ ਵਰਖਾ ਕਰਕੇ ਸਵਾਗਤ ਕੀਤਾ ਗਿਆ ਤੇ ਗੱਤਕਾ ਕਲੱਬ ਦੀਆਂ ਟੀਮਾਂ ਵੱਲੋਂ ਆਪਣੀ ਕਲਾ ਦੇ ਜੌਹਰ ਦਿਖਾ ਕੇ ਸੰਗਤਾਂ ਨੂੰ ਨਿਹਾਲ ਕੀਤਾ ਤੇ ਗੁਰੂ ਘਰ ਦੇ ਲੰਗਰ ਅਤੁੱਟ ਵਰਤਾਏ ਗਏ ! ਨਗਰ ਕੀਰਤਨ ਦੌਰਾਨ ਜਸਬੀਰ ਸਿੰਘ ਰੱਬ ,ਵਿਰਸਾ ਸਿੰਘ ਟੇਲਰ , ਵੀਰ ਸਿੰਘ ਮੁਖਤਿਆਰ ਸਿੰਘ , ਤਰਸੇਮ ਸਿੰਘ ਬਾਸਰਕੇ ,ਦਵਿੰਦਰ ਸਿੰਘ , ਕਾਕੂ ਮੈਣੀ , ਸੁਰਜੀਤ ਸਿੰਘ ਭੁੱਚਰ , ਥਾਣੇਦਾਰ ਜੋਗਿੰਦਰ ਸਿੰਘ ਭਿੱਖੀਵਿੰਡ,ਜੋਗਿੰਦਰ ਸਿੰਘ ਡੱਲ , ਪਿਆਰਾ ਸਿੰਘ,ਹੈਪੀ ਭਿੱਖੀਵਿੰਡ ਸਮੇਤ ਇਲਾਕੇ ਦੇ ਵੱਡੀ ਗਿਣਤੀ ਵਿਚ ਔਰਤਾਂ ਤੇ ਮਰਦ ਹਾਜ਼ਰ ਸਨ !