← ਪਿਛੇ ਪਰਤੋ
ਅੰਮ੍ਰਿਤਸਰ, 15 ਮਾਰਚ 2019 -ਸਿਆਸੀ ਚਰਚਾ ਹੈ ਕਿ ਇੱਕ ਵਾਰ ਫੇਰ ਬੀ ਜੇ ਪੀ ਅੰਮ੍ਰਿਤਸਰ ਲੋਕ ਸਭਾ ਸੀਟ ਤੋਂ ਇੱਕ ਹੋਰ ਖਿਡਾਰੀ ਨਾਲ ਚੋਣ-ਖੇਡ ਰਚਣ ਤੇ ਵਿਚਾਰ ਕਰ ਰਹੀ ਹੈ . ਸੁਣਿਆ ਹੈ ਕਿ ਭਾਜਪਾ ਕ੍ਰਿਕਟਰ ਹਰਭਜਨ ਸਿੰਘ ਨੂੰ ਅੰਮ੍ਰਿਤਸਰ ਤੋਂ ਚੋਣ ਲੜਾਉਣ ਲਈ ਡੀ ਪੇਸ਼ਕਸ਼ ਕਰਨ ਦੇ ਰੌਂ ਵਿਚ ਹੈ। ਮਿਲੀ ਜਾਣਕਾਰੀ ਮੁਤਾਬਿਕ ਭਾਜਪਾ ਵੱਲੋਂ ਕ੍ਰਿਕਟਰ ਹਰਭਜਨ ਭੱਜੀ ਨਾਲ ਇਸ ਵਿਸ਼ੇ ਸੰਪਰਕ ਵੀ ਕੀਤਾ ਗਿਆ ਹੈ ਹਰਭਜਨ ਇੰਨੀ ਦਿਨੀਂ ਭਾਰਤ-ਆਸਟ੍ਰੇਲੀਆ ਕ੍ਰਿਕਟ ਲੜੀ ਲਈ ਕੁਮੈਂਟਰੀ 'ਚ ਰੁੱਝਿਆ ਹੋਇਆ ਹੈ। ਹਿੰਦੁਸਤਾਨ ਟਾਈਮਜ਼ ਦੀ ਰਿਪੋਰਟ ਅਨੁਸਾਰ ਤਾਂ ਹਰਭਜਨ ਸਿੰਘ ਵੱਲੋਂ ਵੀ ਮੰਨਿਆ ਗਿਆ ਕਿ ਭਾਜਪਾ ਨੇ ਹਾਲ ਹੀ ਉਸ ਨਾਲ ਸੰਪਰਕ ਕੀਤਾ ਪਰ ਫ਼ਿਲਹਾਲ ਇਸ ਮਾਮਲੇ 'ਚ ਕੋਈ ਠੋਸ ਗੱਲਬਾਤ ਨਹੀਂ ਹੋਈ ਹੈ। ਉਨ੍ਹਾਂ ਕਿਹਾ ਕਿ ਹਾਲੇ ਤੱਕ ਉਹ ਭਾਜਪਾ ਦੇ ਕਿਸੇ ਵੀ ਸੀਨੀਅਰ ਲੀਡਰ ਨੂੰ ਨਹੀਂ ਮਿਲੇ। ਜ਼ਿਕਰਯੋਗ ਹੈ ਕਿ ਇਸ ਤੋਂ ਪਹਿਲਾਂ ਵੀ ਮਸ਼ਹੂਰ ਕ੍ਰਿਕਟਰ ਨਵਜੋਤ ਸਿੰਘ ਸਿੱਧੂ ਅੰਮ੍ਰਿਤਸਰ ਤੋਂ ਚੋਣ ਜਿੱਤ ਚੁੱਕੇ ਹਨ ਅਤੇ ਹਰਭਜਨ ਸਿੰਘ ਵੀ ਭਾਜਪਾ ਲਈ ਇੱਕ ਸਿੱਖ ਅਤੇ ਬਹੁਤ ਹੀ ਮਜ਼ਬੂਤ ਚਿਹਰਾ ਸਾਬਿਤ ਹੋ ਸਕਦਾ ਹੈ। ਅੰਕੜਿਆਂ ਵੱਲ ਝਾਤ ਮਾਰੀਏ ਤਾਂ ਭਾਰਤ ਦੇ ਵਿੱਤ ਮੰਤਰੀ ਅਰੁਣ ਜੇਤਲੀ ਨੇ ਸਾਲ 2014'ਚ ਅੰਮ੍ਰਿਤਸਰ ਤੋਂ ਚੋਣ ਲੜੀ ਸੀ, ਪਰ ਉਸ ਵਕਤ ਉਹ ਕੈਪਟਨ ਅਮਰਿੰਦਰ ਹੱਥੋਂ ਹਾਰ ਦਾ ਮੂੰਹ ਦੇਖ ਚੁੱਕੇ ਹਨ।
Total Responses : 265