ਚੋਣ ਪ੍ਰਚਾਰ ਕਰਦੇ ਹੋਏ ਸੰਜੀਵ ਕੁਮਾਰ ਸੰਜੂ ਤੇ ਹੋਰ।
ਲੁਧਿਆਣਾ, 11 ਮਈ 2019: ਪੰਜਾਬ ਡੈਮੋਕ੍ਰੇਟਿਕ ਅਲਾਇੰਸ ਦੇ ਸਾਂਝੇ ਉਮੀਦਵਾਰ ਅਤੇ ਲੋਕ ਇਨਸਾਫ ਪਾਰਟੀ ਦੇ ਪ੍ਰਧਾਨ ਸਿਮਰਜੀਤ ਸਿੰਘ ਬੈਂਸ ਦੇ ਹੱਕ ਵਿੱਚ ਵਿਧਾਨ ਸਭਾ ਹਲਕਾ ਪੂਰਬੀ ਦੇ ਵੱਖ ਵੱਖ ਇਲਾਕਿਆਂ ਵਿੱਚ ਅੱਜ ਹਲਕੀ ਪੂਰਬੀ ਦੇ ਯੂਥ ਵਿੰਗ ਦੇ ਪ੍ਰਧਾਨ ਸੰਜੀਵ ਕੁਮਾਰ ਸੰਜੂ ਦੀ ਅਗਵਾਈ ਵਿੱਚ ਚੋਣ ਪ੍ਰਚਾਰ ਕੀਤਾ ਗਿਆ। ਇਸ ਦੌਰਾਨ ਸੰਜੂ ਅਤੇ ਉਸ ਦੇ ਸਾਥੀਆਂ ਵਲੋਂ ਕ੍ਰਿਸ਼ਨਾ ਕਲੋਨੀ, ਬਲਦੇਵ ਨਗਰ, ਸੁਖਦੇਵ ਨਗਰ, ਸ਼ਿਮਲਾ ਕਲੋਨੀ, ਬਹਾਦਰਕੇ ਰੋਡ, ਹਰ ਰਾਏ ਨਗਰ ਦੇ ਆਸ ਪਾਸ ਦੇ ਇਲਾਕਿਆਂ ਵਿੱਚ ਚੋਣ ਪ੍ਰਚਾਰ ਦੌਰਾਨ ਇਲਾਕਾ ਵਾਸੀਆਂ ਨੇ ਵਿਸ਼ਵਾਸ਼ ਦੁਆਇਆ ਕਿ ਉਹ ਇੱਕ ਇੱਕ ਵੋਟ ਬੈਂਸ ਦੇ ਹੱਕ ਵਿੱਚ ਪਾਉਣਗੇ।
ਇਸ ਦੌਰਾਨ ਇਲਾਕਾ ਵਾਸੀਆਂ ਨੂੰ ਸੰਬੋਧਨ ਕਰਦੇ ਹੋਏ ਸੰਜੀਵ ਕੁਮਾਰ ਸੰਜੂ ਨੇ ਕਿਹਾ ਕਿ ਇਸ ਵਾਰ ਪੂਰਬੀ ਹਲਕੇ ਤੋਂ ਵਿਧਾਇਕ ਬੈਂਸ ਨੂੰ 2014 ਦੀ ਬਜਾਏ ਦੁੱਗਣੀਆਂ ਵੋਟਾਂ ਪੁਆ ਕੇ ਲੀਡ ਦੁਆਈ ਜਾਵੇਗੀ। ਇਸ ਮੌਕੇ ਤੇ ਜੀਤ ਰਾਮ, ਮਿੱਟਾ ਚੁੰਬਰ, ਰਾਜ ਕੁਮਾਰ ਕਾਲਾ, ਭਜਨ ਲਾਲ, ਹਰਵਿੰਦਰ ਸਿੰਘ ਨਿੱਕਾ, ਸੇਵਾ ਰਾਮ, ਕੇਵਲ ਰਾਮ, ਬੱਲੀ, ਬਿਕਰਮ ਸਿੰਘ, ਕਿਰਪਾਲ ਕਾਲਾ, ਸੁਦਰਸ਼ਨ ਚੌਹਾਨ, ਸੁਖਦੇਵ ਭਟੋਏ, ਸੁਨੀਲ ਕੁਮਾਰ ਰਾਣਾ ਤੇ ਹੋਰ ਸ਼ਾਮਲ ਸਨ।