ਕੁਲਵਿੰਦਰ ਸਿੰਘ
ਅੰਮ੍ਰਿਤਸਰ, 9 ਫਰਵਰੀ 2021 - ਆਮ ਆਦਮੀ ਪਾਰਟੀ ਅੰਮ੍ਰਿਤਸਰ ਹਲਕਾ ਦੱਖਣੀ ਵਾਰਡ ਨੰਬਰ 37 ਵਿਚ ਸ. ਜਸਪਾਲ ਸਿੰਘ ਭੁੱਲਰ ਦੇ ਚੁਣਾਵ ਪ੍ਰਚਾਰ ਵਿਚ ਪੰਜਾਬ ਦੇ ਮਸ਼ਹੂਰ ਕਲਾਕਾਰ ਸੁਰਿੰਦਰ ਫਰਿਸ਼ਤਾ(ਘੁਲੇ ਸ਼ਾਹ) ਨੇ ਜ਼ਬਰਦਸਤ ਪ੍ਰਚਾਰ ਕੀਤਾ ਅਤੇ ਆਪਣੀ ਹਾਸ- ਅੰਦਾਜ਼ ਵਿਚ ਰਿਵਾਯਤੀ ਪਾਰਟੀਆਂ ਦੀ ਕਾਰਜ ਸ਼ੈਲੀ 'ਤੇ ਤੰਜ਼ ਕੀਤਾ।
ਇਸ ਮੌਕੇ ਅੰਮ੍ਰਿਤਸਰ ਆਪ ਸ਼ਹਿਰੀ ਪ੍ਰਧਾਨ ਪਰਮਿੰਦਰ ਸਿੰਘ ਸੇਠੀ ਜੀ ਨੇ ਵੀ ਜਸਪਾਲ ਸਿੰਘ ਭੁੱਲਰ ਦੇ ਹਕ਼ ਵਿਚ ਚੋਣ ਪ੍ਰਚਾਰ ਕੀਤਾ ਮੀਡਿਆ ਨਾਲ ਰੂਬਰੂ ਹੁੰਦੇ ਹੋਏ ਓਹਨਾਂ ਕਿਹਾ ਕਿ ਇਲਾਕਾ ਵਾਸੀ ਵਾਰੋ-ਵਾਰੀ ਹਰ ਪਾਰਟੀ ਨੂੰ ਵੋਟ ਪਾ ਕੇ ਵੇਖ ਚੁੱਕੀ ਹੈ। ਤੇ ਰਿਵਾਯਤੀ ਪਾਰਟੀਆਂ ਵਲੋਂ ਹਰ ਵਾਰ ਇਸ ਵਾਰਡ ਨਾਲ ਮਤਰਿਆ ਵਿਵਹਾਰ ਅਪਣਾਇਆ ਗਿਆ ਹੈ। ਪਰ ਹੁਣ ਇਲਾਕਾ ਵਾਸੀਆਂ ਨੇ ਜਸਪਾਲ ਸਿੰਘ ਭੁੱਲਰ ਦੇ ਹਕ਼ ਵਿਚ ਆਪਣੀ ਕ਼ੀਮਤੀ ਵੋਟ ਪਾ ਕੇ ਕੌਂਸਲਰ ਬਣਾਉਣ ਦਾ ਮਨ ਬਣਾ ਲਿਆ ਹੈ।
ਇਸ ਮੌਕੇ ਜੁਪਿੰਦਰ ਸਿੰਘ, ਜਸਪ੍ਰੀਤ ਸਿੰਘ,ਭਗਵੰਤ ਸਿੰਘ ਕੰਵਲ,ਨਰਿੰਦਰ ਮਰਵਾਹਾ,,ਅਮਰੀਕ ਸਿੰਘ,ਸੰਜੀਵ,ਸੰਦੀਪ,ਪ੍ਰਿੰਸਅਵਤਾਰ ਸਿੰਘ,ਡਾ.ਅਜੈ ਗੁਪਤਾ,ਵੇਦ ਪ੍ਰਕਾਸ਼ ਬੱਬਲੂ,ਰਾਜਿੰਦਰ ਪਲਾਹ,ਮਹੇਸ਼ ਗੋਲੀ,ਸੋਸ਼ਲ ਮੀਡੀਆ ਇੰਚਾਰਜ ਅਪਾਰ ਸਿੰਘ ਰੰਧਾਵਾ ਆਦਿ ਹਾਜ਼ਰ ਸਨ।