ਦੀਪਕ ਜੈਨ
- ਕਾਂਗਰਸ ਨੂੰ ਮਿਲਿਆ ਜਗਰਾਓਂ 'ਚੋਂ ਪਹਿਲਾ ਕੌਂਸਲਰ
ਜਗਰਾਓਂ, 4 ਫਰਵਰੀ 2021 - ਵਾਰਡ ਨੰਬਰ 14 ਤੋਂ ਕਾਂਗਰਸੀ ਉਮੀਦਵਾਰ ਅਮਨ ਕਪੂਰ ਬੋਬੀ ਨੂੰ ਬਿਨਾ ਮੁਕਾਬਲੇ ਹੀ ਜਿੱਤ ਪ੍ਰਾਪਤ ਹੋ ਗਈ ਹੈ ਕਿਓਂਕਿ ਓਨਾ ਖਿਲਾਫ ਕੋਈ ਵੀ ਉਮੀਦਵਾਰ ਮੈਦਾਨ ਵਿਚ ਨਹੀਂ ਉਤਰਿਆ ਅਤੇ ਉਹ ਜੇਤੂ ਬਣ ਗਏ। ਬੋਬੀ ਕਪੂਰ ਪਹਿਲੀ ਵਾਰ ਹੀ ਚੌਣ ਮੈਦਾਨ ਵਿਚ ਉਤਰੇ ਸਨ ਅਤੇ ਓਨਾ ਨੂੰ ਜਿੱਤ ਪ੍ਰਾਪਤ ਹੋ ਗਈ। ਇਸ ਮੌਕੇ ਬੋਬੀ ਦੀ ਜਿੱਤ ਦਾ ਢੋਲ ਧਮਾਕੇ ਨਾਲ ਸਵਾਗਤ ਕੀਤਾ ਗਿਆ। ਇਸ ਵਾਰਡ ਵਿਚ ਕੋਈ ਹੋਰ ਪਾਰਟੀ ਦਾ ਉਮੀਦਵਾਰ ਨਹੀਂ ਸੀ ਅਤੇ ਜੋ ਆਮ ਆਦਮੀ ਪਾਰਟੀ ਵਲੋਂ ਉਮੀਦਵਾਰ ਮਹਾਵੀਰ ਲਿਆਂਦਾ ਗਿਆ ਸੀ ਉਸਦੇ ਕਾਗਜ ਰੱਦ ਹੋ ਗਏ ਅਤੇ ਬੋਬੀ ਨੂੰ ਜਿੱਤ ਹਾਸਲ ਹੋਈ। ਜਗਰਾਓਂ ਵਿਖੇ ਕੁਲ 6 ਉਮੀਦਵਾਰਾਂ ਦੇ ਕਾਗਜ ਰੱਦ ਹੋਏ ਹਨ।
ਇਸ ਮੌਕੇ ਕਾਂਗਰਸ ਦਿਹਾਤੀ ਪ੍ਰਧਾਨ ਸੋਨੀ ਗਾਲਿਬ, ਮਾਰਕੀਟ ਕਮੇਟੀ ਚੇਅਰਮੈਨ ਕਾਕਾ ਗਰੇਵਾਲ ਵਲੋਂ ਬੋਬੀ ਨੂੰ ਓਨਾ ਦੀ ਜਿੱਤ ਦੀ ਵਧਾਈ ਦਿੱਤੀ ਗਈ। ਇਸ ਮੌਕੇ ਬੋਬੀ ਵਲੋਂ ਕਾਂਗਰਸ ਹਾਇਕਮਾਨ ਦਾ ਧੰਨਵਾਦ ਕੀਤਾ ਗਿਆ ਅਤੇ ਵਾਰਡ ਵਾਸੀਆਂ ਨਾਲ ਇਹ ਵਾਅਦਾ ਕੀਤਾ ਗਿਆ ਕਿ ਉਹ ਵਾਰਡ ਨੂੰ ਆਪਣਾ ਪਰਿਵਾਰ ਬਣਾਕੇ ਓਨਾ ਨਾਲ ਚਲਣਗੇ ਅਤੇ ਵਾਰਡ ਵਾਸੀਆਂ ਦੀ ਸੇਵਾ ਵਿਚ ਹਮੇਸ਼ਾ ਹਾਜਰ ਰਹਿਣਗੇ।