ਨਿਰਵੈਰ ਸਿੰਘ ਸਿੰਧੀ
- ਬੀਬੀਆਂ ਵੀ ਉੱਤਰੀਆਂ ਚੋਣ ਪ੍ਰਚਾਰ ਵਿੱਚ
ਮਮਦੋਟ 9 ਫਰਵਰੀ 2021 - ਜਿੱਥੇ ਚੌਦਾ ਫਰਵਰੀ ਨੂੰ ਹੋਣ ਵਾਲੀਆਂ ਨਗਰ ਪੰਚਾਇਤ ਦੀਆਂ ਚੋਣਾਂ ਵਿੱਚ ਸਾਰੀਆਂ ਹੀ ਸਿਆਸੀ ਪਾਰਟੀਆਂ ਦੇ ਉਮੀਦਵਾਰ ਚੋਣ ਪ੍ਰਚਾਰ ਵਿੱਚ ਲੱਗੇ ਹੋਏ ਹਨ ਉੱਥੇ ਹੀ ਨਗਰ ਪੰਚਾਇਤ ਮਮਦੋਟ ਦੀ ਬਹੁਚਰਚਿਤ ਵਾਰਡ ਨੰਬਰ ਅੱਠ ਤੋਂ ਆਜ਼ਾਦ ਉਮੀਦਵਾਰ ਉਪਿੰਦਰ ਸਿੰਘ ਸਿੰਧੀ ਨੇ ਵੀ ਚੋਣ ਪ੍ਰਚਾਰ ਤੇਜ ਕਰ ਦਿੱਤਾ ਹੈ ਅਤੇ ਪ੍ਰੀਵਾਰ ਦੀਆ ਅੋਰਤਾਂ ਵੱਲੋਂ ਪ੍ਰਚਾਰ ਮੁਹਿੰਮ ਨੁੂੰ ਤੇਜੀ ਦੇਣ ਵਾਸਤੇ ਵਾਰਡ ਦੇ ਘਰ ਘਰ ਵਿੱਚ ਜਾ ਕੇ ਆਪਣੇ ਹੱਕ ਵਿੱਚ ਵੋਟਾਂ ਮੰਗੀਆਂ ਜਾ ਰਹੀਆਂ ਹਨ ।
ਇਥੇ ਦੱਸਣਾ ਬਨਦਾ ਹੈ ਕਿ ਪਿਛਲੇ ਲਗਭਗ 50 ਸਾਲਾਂ ਤੋਂ ਕਾਂਗਰਸ ਪਾਰਟੀ ਨਾਲ ਰਹਿਣ ਵਾਲੇ ਸਿੰਧੀ ਪਰਿਵਾਰ ਦੀ ਟਿਕਟ ਕੱਟ ਕੇ ਕਾਂਗਰਸ ਪਾਰਟੀ ਵੱਲੋਂ ਕੁਝ ਸਮਾਂ ਪਹਿਲਾਂ ਆਏ ਹਰਪ੍ਰੀਤ ਸਿੰਘ (ਪੋਲਾ) ਨੂੰ ਉਮੀਦਵਾਰ ਬਣਾਇਆ ਗਿਆ ਹੈ ਜਿਸ ਕਰਕੇ ਸਿੰਧੀ ਪਰਿਵਾਰ ਵੱਲੋਂ ਸਾਰੀ ਵਾਰਡ ਦੇ ਵੋਟਰਾਂ ਦੀ ਸਹਿਮਤੀ ਨਾਲ ਅਜਾਦ ਉਮੀਦਵਾਰ ਵਜੋਂ ਚੋਣਾਂ ਲੜਨ ਦਾ ਐਲਾਨ ਕੀਤਾ ਗਿਆ ਹੈ |
ਇਸ ਮੌਕੇ ਗੱਲਬਾਤ ਕਰਦਿਆਂ ਉਪਿੰਦਰ ਸਿੰਘ ਸਿੰਧੀ ਨੇ ਕਿਹਾ ਕਿ ਵਾਰਡ ਨੰਬਰ ਅੱਠ ਦੇ ਵੋਟਰਾਂ ਅਤੇ ਸੀਨੀਅਰ ਕਾਂਗਰਸੀ ਆਗੂਆਂ ਵੱਲੋਂ ਸਾਡਾ ਡੱਟ ਕੇ ਸਾਥ ਦਿੱਤਾ ਜਾ ਰਿਹਾ ਹੈ ਪ੍ਰਮਾਤਮਾਂ ਦੀ ਮਿਹਰ ਸਦਕਾ ਬਹੁਤ ਵਧੀਆ ਵੋਟਾਂ ਦੇ ਫਰਕ ਨਾਲ ਜਿੱਤ ਪ੍ਰਾਪਤ ਕਰਾਂਗੇ | ਹੁਣ ਦੇਖਣਾ ਇਹ ਹੋਵੇਗਾ ਕਿ 17 ਫਰਵਰੀ ਨੂੰ ਕੀ ਨਤੀਜੇ ਨਿਕਲਕੇ ਸਾਹਮਣੇ ਆਉਂਦੇ ਹਨ |