ਮਨਿੰਦਰਜੀਤ ਸਿੱਧੂ
ਜੈਤੋ, 8 ਫਰਵਰੀ, 2021 - ਗੰਗਸਰ ਪ੍ਰੈੱਸ ਕਲੱਬ ਦੇ ਸਾਬਕਾ ਪ੍ਰਧਾਨ ਸੀਨੀਅਰ ਪੱਤਰਕਾਰ ਰਮਨ ਭੂਰਾ ਦੀ ਪਤਨੀ ਮਨਦੀਪ ਕੌਰ ਵੱਲੋਂ ਵਾਰਡ ਨੰਬਰ 5 ਤੋਂ ਅਜਾਦ ਉਮੀਦਵਾਰ ਵਜੋਂ ਕਾਗਜ ਦਾਖਲ ਕੀਤੇ ਗਏ ਹਨ।ਆਪਣੇ ਚੋਣ ਪ੍ਰਚਾਰ ਨੂੰ ਹੁਲਾਰਾ ਦਿੰਦਿਆਂ ਰਮਨ ਭੂਰਾ ਅਤੇ ਮਨਦੀਪ ਕੌਰ ਵੱਲੋਂ ਆਪਣੇ ਸਮਰਥਕਾਂ ਸਮੇਤ ਵਾਰਡ ਵਿੱਚ ਗੇੜਾ ਲਾ ਕੇ ਘਰ ਘਰ ਜਾ ਕੇ ਵੋਟਾਂ ਲਈ ਅਪੀਲ ਕੀਤੀ।ਉਹਨਾਂ ਨਾਲ ਭਾਰੀ ਗਿਣਤੀ ਵਿੱਚ ਲੋਕ ਮੋਜੂਦ ਸਨ ਜੋ ਉਹਨਾਂ ਲਈ ਸ਼ੁੱਭ ਸੰਕੇਤ ਮੰਨਿਆ ਜਾ ਸਕਦਾ ਹੈ।ਵੋਟਰਾਂ ਨੂੰ ਅਪੀਲ ਕਰਦਿਆਂ ਪੱਤਰਕਾਰ ਰਮਨ ਭੂਰਾ ਨੇ ਕਿਹਾ ਕਿ ਜੇਕਰ ਤੁਸੀਂ ਇਸ ਵਾਰ ਵਾਰਡ ਵਿੱਚੋਂ ਇਮਾਨਦਾਰ ਐੱਮ.ਸੀ. ਦੇਖਣਾ ਚਾਹੁੰਦੇ ਹੋ ਤਾਂ ਆਉਣ ਵਾਲੀ 14 ਤਰੀਕ ਨੂੰ ਚੋਣ ਨਿਸ਼ਾਨ ਬਾਲਟੀ ਉੱਪਰ ਮੋਹਰਾਂ ਲਾ ਕੇ ਮਨਦੀਪ ਕੌਰ ਨੂੰ ਜਿਤਾਓ।ਉਹਨਾਂ ਕਿਹਾ ਕਿ ਵਾਰਡ ਦੇ ਵਿਕਾਸ ਦੇ ਕੰਮ ਪਹਿਲ ਦੇ ਆਧਾਰ ‘ਤੇ ਕੀਤੇ ਜਾਣਗੇ ਅਤੇ ਜੇਕਰ ਕਿਸੇ ਸਾਂਝੇ ਕੰਮ ਲਈ ਜੇਬ ਵਿੱਚ ਵੀ ਪੈਸੇ ਖਰਚਣੇ ਪੈਂਦੇ ਹਨ ਤਾਂ ਉਹ ਗੁਰੇਜ ਨਹੀਂ ਕਰਨਗੇ।ਇਸ ਮੌਕੇ ਉਹਨਾਂ ਨਾਲ ਪ੍ਰਗਟ ਸਿੰਘ ਬਰਾੜ, ਲੋਕ ਗਾਇਕ ਜਸਵਿੰਦਰ ਸਿੱਧੂ, ਸੋਨੀ, ਨਿਹਾਲ ਸਿੰਘ, ਮਲਕੀਤ ਕੌਰ, ਧਰਮਪਾਲ, ਸਤਵੀਰ ਮੰਨੋ, ਕੁਲਵੰਤ ਸਿੰਘ, ਬਲਵੰਤ ਸਿੰਘ, ਜਸਵੀਰ ਕੌਰ, ਸੁਰਿੰਦਰ ਕੌਰ, ਵਿੱਕੀ ਮਹਿਰਾ ਆਦਿ ਹਾਜਰ ਸਨ।
ਜੈਤੋ 8 ਚੋਣ ਪ੍ਰਚਾਰ ਕਰਦੇ ਮਨਦੀਪ ਕੌਰ ਅਤੇ ਰਮਨ ਭੂਰਾ