ਰੋਹਤਕ, 14 ਸਤੰਬਰ, 2017 : ਸਾਧਵੀਆਂ ਨਾਲ ਯੌਨ ਸ਼ੋਸ਼ਣ ਮਾਮਲੇ 'ਚ 20 ਸਾਲ ਦੀ ਸਜ਼ਾ ਕੱਟ ਰਹੇ ਰਾਮ ਰਹੀਮ ਨੂੰ ਰੋਹਤਕ ਦੀ ਸੁਨਾਰੀਆ ਜੇਲ 'ਚ ਉਨ੍ਹਾਂ ਦੀ ਮਾਂ ਨਸੀਬ ਕੌਰ ਅੱਜ ਯਾਨੀ ਵੀਰਵਾਰ ਨੂੰ ਮਿਲਣ ਲਈ ਪੁੱਜੀ। ਜਦੋਂ ਤੋਂ ਰਾਮ ਰਹੀਮ ਨੂੰ ਸਜ਼ਾ ਹੋਈ ਹੈ, ਉਦੋਂ ਤੋਂ ਲੈ ਕੇ ਅੱਜ ਤੱਕ ਰਾਮ ਰਹੀਮ ਨੂੰ ਮਿਲਣ ਕੋਈ ਨਹੀਂ ਆਇਆ, ਜਦੋਂ ਕਿ ਰਾਮ ਰਹੀਮ ਨੇ ਖੁਦ ਨੂੰ ਮਿਲਣ ਲਈ ਮਾਂ ਸਮੇਤ 10 ਲੋਕਾਂ ਦੇ ਨਾਂ ਜੇਲ ਪ੍ਰਸ਼ਾਸਨ ਨੂੰ ਦਿੱਤੇ ਸਨ।
ਰਾਮ ਰਹੀਮ ਦੀ ਮਾਂ ਜਦੋਂ ਉਨ੍ਹਾਂ ਨੂੰ ਮਿਲਣ ਆਈ ਤਾਂ ਜੇਲ ਸੁਰੱਖਿਆ ਕਰਮਚਾਰੀਆਂ ਨੇ ਉਨ੍ਹਾਂ ਦੀ ਤਲਾਸ਼ੀ ਲਈ। ਨਸੀਬ ਅਤੇ ਚਾਲਕ ਇਕਬਾਲ ਸਿੰਘ ਨਾਲ ਰਾਜਸਥਾਨ ਨੰਬਰ ਦੀ ਗੱਡੀ 'ਚ ਰਾਮ ਰਹੀਮ ਨੂੰ ਮਿਲਣ ਜੇਲ ਪੁੱਜੀ। ਉਹ ਆਪਣੇ ਨਾਲ ਰਾਮ ਰਹੀਮ ਦੇ ਕੱਪੜੇ ਲੈ ਕੇ ਆਈ ਹੈ।