← ਪਿਛੇ ਪਰਤੋ
ਮਨਿੰਦਰਜੀਤ ਸਿੱਧੂ
ਜੈਤੋ, 17 ਫਰਵਰੀ , 2021 - ਇਲਾਕੇ ਦੇ ਮਹਾਂਦਾਨੀ ਦੁੱਲਟ ਖਾਨਦਾਨ ਅਤੇ ਮਰਹੂਮ ਹਰਦੀਪਕ ਸਿੰਘ ਦੁੱਲਟ(ਲਿੱਲੀ ਸਰਪੰਚ) ਦੇ ਫਰਜ਼ੰਦ ਕਰਨ ਦੁੱਲਟ ਵੱਲੋਂ ਹਮਾਇਤ ਦੇ ਕੇ ਖੜ੍ਹੇ ਕੀਤੇ ਉਮੀਦਵਾਰਾਂ ਵਿੱਚੋਂ ਵਾਰਡ ਨੰਬਰ 15 ਤੋਂ ਰਜਨੀ ਰਾਣੀ ਅਤੇ ਵਾਰਡ ਨੰਬਰ 17 ਤੋਂ ਸਾਬਕਾ ਐੱਮ.ਸੀ. ਡਾਕਟਰ ਬਲਵਿੰਦਰ ਸਿੰਘ ਜੇਤੂ ਰਹੇ।ਜਿਕਰਯੋਗ ਹੈ ਕਿ ਕਰਨ ਦੁੱਲਟ ਵੱਲੋਂ ਇਹਨਾਂ ਉਮੀਦਵਾਰਾਂ ਦੇ ਹੱਕ ਵਿੱਚ ਲਗਾਤਾਰ ਆਪਣੇ ਦੋਸਤਾਂ ਅਤੇ ਰਿਸ਼ਤੇਦਾਰਾਂ ਸਮੇਤ ਲਗਾਤਾਰ ਚੋਣ ਪ੍ਰਚਾਰ ਕੀਤਾ ਗਿਆ ਸੀ ਅਤੇ ਪੂਰੇ ਤਨ ਮਨ ਅਤੇ ਧਨ ਨਾਲ ਮਦਦ ਕੀਤੀ ਗਈ ਸੀ।ਦੋ ਸੀਟਾਂ ਜਿੱਤਣ ਉਪਰੰਤ ਕਰਨ ਦੁੱਲਟ ਨੇ ਸਮੂਹ ਵੋਟਰਾਂ ਦਾ ਧੰਨਵਾਦ ਕੀਤਾ ਅਤੇ ਲੋਕਾਂ ਨੂੰ ਕਿਹਾ ਕਿ ਉਹਨਾਂ ਨਾਲ ਕੀਤੇ ਹੋਏ ਸਾਰੇ ਵਾਅਦੇ ਪੂਰੇ ਕਰਨ ਦੀ ਉਹ ਨਿੱਜੀ ਗਰੰਟੀ ਲੈਂਦੇ ਹਨ।ਇਸ ਤੋਂ ਇਲਾਵਾ ਡਾ. ਬਲਵਿੰਦਰ ਸਿੰਘ ਅਤੇ ਰਜਨੀ ਰਾਣੀ ਨੇ ਵੀ ਸਮੂਹ ਵੋਟਰਾਂ ਦਾ ਧੰਨਵਾਦ ਕੀਤਾ।
Total Responses : 267