ਕੋਰੋਨਾ ਤੋਂ ਬਚਾਅ ਲਈ ਕੋਵੈਕਸੀਨ ਦੀ ਦੂਸਰੀ ਡੋਜ਼ ਕੱਲ੍ਹ 31 ਮਈ ਨੂੰ ਲਾਈ ਜਾਵੇਗੀ: ਪ੍ਰਿੰਸੀਪਲ ਅਰੋੜਾ
ਫਰੀਦਕੋਟ, 30 ਮਈ 2021 - ਕ੍ਰਿਸ਼ਨਾਂਵੰਤੀ ਸੇਵਾ ਸੁਸਾਇਟੀ ਫ਼ਰੀਦਕੋਟ ਦੇ ਪ੍ਰਧਾਨ ਪਿ੍ੰਸੀਪਲ ਸੁਰੇਸ਼ ਅਰੋੜਾ ਨੇ ਦੱਸਿਆ ਕਿ ਉਨ੍ਹਾਂ ਦੀ ਸੁਸਾਇਟੀ ਵੱਲੋਂ 18 ਅਪ੍ਰੈੱਲ 2021 ਨੂੰ ਗੁਰੂ ਨਾਨਕ ਕਾਲੋਨੀ ਫ਼ਰੀਦਕੋਟ ਅਤੇ 21 ਅਪ੍ਰੈੱਲ ਨੂੰ ਮੁਹੱਲਾ ਖੋਖਰਾਂ ਵਿਖੇ ਜਿਨ੍ਹਾਂ ਸ਼ਹਿਰ ਨਿਵਾਸੀਆਂ ਦੇ ਕੋਰੋਨਾ ਵੈਕਸੀਨ ਦੀ ਪਹਿਲੀ ਡੋਜ਼ ਕੋਵੈਕਸੀਨ ਲਗਾਈ ਗਈ ਸੀ | ਉਨ੍ਹਾਂ ਦੇ ਦੂਜੀ ਡੋਜ਼ 31 ਮਈ ਸਰਕਾਰੀ ਪ੍ਰਾਇਮਰੀ ਅਤੇ ਕੇ.ਜੀ.ਸਕੂਲ ਪਿੱਛੇ ਦਫ਼ਤਰ ਨਗਰ ਕੌਂਸਲ ਫ਼ਰੀਦਕੋਟ ਵਿਖੇ ਸਵੇਰੇ 9:00 ਵਜੇ ਤੋਂ ਦੁਪਹਿਰ 3:00 ਵਜੇ ਤੱਕ ਸਿਹਤ ਵਿਭਾਗ ਵੱਲੋਂ ਲਗਾਈ ਜਾਵੇਗੀ |
ਪ੍ਰਿੰਸੀਪਲ ਅਰੋੜਾ ਨੇ ਦੱਸਿਆ ਕਿ ਟੀਕਾ ਲਗਵਾਉਣ ਵਾਲੇ ਹਰੇਕ ਵਿਅਕਤੀ ਆਪਣੇ ਨਾਲ ਪਹਿਲਾ ਸਰਟੀਫ਼ਕੇਟ ਅਤੇ ਅਧਾਰ ਕਾਰਡ ਜ਼ਰੂਰ ਲੈ ਕੇ ਆਵੇ ਤਾਂ ਕਿ ਕਿਸੇ ਪ੍ਰਕਾਰ ਦੀ ਪ੍ਰੇਸ਼ਾਨੀ ਦਾ ਸਾਹਮਣਾ ਨਾ ਕਰਨਾ ਪਵੇ | ਉਨ੍ਹਾਂ ਕਿਹਾ ਹਰੇਕ ਵਿਅਕਤੀ ਮਾਸਕ ਪਹਿਨ ਕੇ, ਸਮਾਜਿਕ ਦੂਰੀ ਬਣਾ ਰੱਖਣ ਲਈ ਵੀ ਸਹਿਯੋਗ ਦੇਵੇ | ਇਸ ਦੱਸਿਆ ਕੈਂਪ ਦੇ ਪ੍ਰੋਜੈਕਟ ਚੇਅਰਮੈੱਨ ਬਲਵਿੰਦਰ ਸਿੰਘ ਬਿੰਦੀ ਹੋਣਗੇ |