ਜਲੰਧਰ: ਸਟੇਟ ਹੈਡ ਜਸਪਾਲ ਸਿੰਘ ਵਲੋਂ ਮਹਿਤਪੁਰ ’ਚ ਸੀ.ਐਸ.ਸੀ. ਸੇਵਾ ਕੇਂਦਰ ਦਾ ਉਦਘਾਟਨ
- ਲੋਕ ਸੇਵਾ ਕੇਂਦਰ ਦਾ ਵੱਧ ਤੋਂ ਵੱਧ ਲਾਭ ਉਠਾਉਣ- ਐਮ.ਡੀ.ਗੁਰਪ੍ਰੀਤ ਸਿੰਘ
ਮਹਿਤਪੁਰ (ਜਲੰਧਰ)20 ਮਈ 2021 - ਅਧਾਰ ਕਾਰਡ ਨਾਲ ਸਬੰਧਿਤ ਅਤੇ ਹੋਰ ਜਰੂਰੀ ਸੇਵਾਵਾਂ ਲੋਕਾਂ ਨੂੰ ਬਹਿਤਰ ਢੰਗ ਨਾਲ ਸਮੇਂ ਸਿਰ ਮੁਹੱਈਆ ਕਰਵਾਉਣ ਦੇ ਮੰਤਵ ਤਹਿਤ ਅੱਜ ਸੀ.ਐਸ.ਸੀ. ਵਲੋਂ ਮਹਿਤਪੁਰ ਵਿਖੇ ਸੇਵਾ ਕੇਂਦਰ ਖੋਲਿਆ ਗਿਆ ਜਿਸ ਦਾ ਉਦਘਾਟਨ ਸੀ.ਐਸ.ਸੀ. ਦੇ ਸਟੇਟ ਹੈਡ ਜਸਪਾਲ ਸਿੰਘ ਵਲੋਂ ਕੀਤਾ ਗਿਆ।
ਇਸ ਮੌਕੇ ਜਾਣਕਾਰੀ ਦਿੰਦਿਆਂ ਡੀ.ਐਮ.ਗੁਰਪ੍ਰੀਤ ਸਿੰਘ ਨੇ ਦੱਸਿਆ ਕਿ ਇਸ ਸੇਵਾ ਕੇਂਦਰ ਵਿੱਚ ਲੋਕਾਂ ਨੂੰ ਅਧਾਰ ਕਾਰਡ ਬਣਾਉਣ, ਅਧਾਰ ਕਾਰਡ ਦੀ ਦਰੁਸਤੀ, ਅਪਡੇਸ਼ਨ ਆਦਿ ਦੀ ਸਹੂਲਤ ਦਿੱਤੀ ਜਾਵੇਗੀ । ਉਨ੍ਹਾਂ ਦੱਸਿਆ ਕਿ ਇਸ ਤੋਂ ਇਲਾਵਾ ਸੀ.ਐਸ.ਸੀ ਵਲੋਂ ਹੋਰ ਵੀ ਆਨਲਾਈਨ ਸੇਵਾਵਾਂ ਜਿਵੇਂ ਬਿਜਲੀ ਦਾ ਬਿੱਲ ਭਰਨਾ, ਪੈਨ ਕਾਰਡ, , ਪਾਸਪੋਰਟ ਲਈ ਸਮਾਂ ਲੈਣਾ, ਐਨ.ਪੀ.ਐਸ.ਆਦਿ ਸਹੂਲਤਾਂ ਦਿੱਤੀਆਂ ਜਾਣਗੀਆਂ। ਉਨ੍ਹਾਂ ਲੋਕਾਂ ਨੂੰ ਸੱਦਾ ਦਿੱਤਾ ਕਿ ਉਹ ਉਪਰੋਕਤ ਵੱਖ-ਵੱਖ ਸੇਵਾਵਾਂ ਸਮੇਂ ਸਿਰ ਲੈਣ ਲਈ ਇਸ ਸੇਵਾ ਕੇਂਦਰ ਦਾ ਵੱਧ ਤੋਂ ਵੱਧ ਲਾਭ ਉਠਾਉਣ। ਉਨ੍ਹਾਂ ਦੱਸਿਆ ਕਿ ਸੀ.ਐਸ.ਸੀ. ਵਲੋਂ ਭਵਿੱਖ ਵਿੱਚ ਹੋਰ ਵੀ ਕਈ ਅਹਿਮ ਸੇਵਾਵਾਂ ਨੂੰ ਲੋਕਾਂ ਤੱਕ ਨਿਰਵਿਘਨ ਤੇ ਸਮੇਂ ਸਿਰ ਪਹੁੰਚਾਉਣ ਦੇ ਉਪਰਾਲੇ ਕੀਤੇ ਜਾਣਗੇ। ਇਸ ਮੌਕੇ ਫਾਈਨਾਂਸ ਟੀਮ ਮੈਨੇਜਰ ਰਾਹੁਲ, ਅਮਰਜੀਤ, ਪ੍ਰਿੰਸ ਆਦਿ ਵੀ ਹਾਜ਼ਰ ਸਨ।