ਅੰਮ੍ਰਿਤਾ ਵੜਿੰਗ ਵਲੋਂ ਲੋਕ ਸਭਾ ਹਲਕੇ ਵਿਚ ਧੁਆਂ ਧਾਰ ਪ੍ਰਚਾਰ ਜਾਰੀ
ਵਿਸ਼ੇਸ਼ ਪ੍ਰਤੀਨਿਧ ਅੰਮ੍ਰਿਤ ਪਾਲ ਬਰਾੜ
ਬਠਿੰਡਾ, 5 ਮਈ 2019 : ਕਾਂਗਰਸ ਪਾਰਟੀ ਦੇ ਲੋਕ ਸਭਾ ਬਠਿੰਡਾ ਦੇ ਉਮੀਦਵਾਰ ਰਾਜਾ ਵੜਿੰਗ ਦੀ ਪਤਨੀ ਅੰਮ੍ਰਿਤਾ ਵੜਿੰਗ ਵਲੋਂ ਲੋਕ ਸਭਾ ਹਲਕੇ ਵਿਚ ਧੁਆਂ ਧਾਰ ਪ੍ਰਚਾਰ ਜਾਰੀ ਹੈ ! ਉਨ੍ਹਾਂ ਵਲੋਂ ਅੱਜ ਸ਼ਾਮ ਸ਼ਹਿਰ ਦੇ ਕਈ ਵਾਰਡਾਂ ਵਿਚ ਚੋਣ ਮੀਟਿੰਗਾਂ ਕੀਤੀਆਂ ਗਈਆਂ, ਜਿਨ੍ਹਾਂ ਵਿਚ ਲੋਕਾਂ ਵਲੋਂ ਭਾਰੀ ਸ਼ਮੂਲੀਅਤ ਕੀਤੀ ਗਈ ! ਅੰਮ੍ਰਿਤਾ ਵਲੋਂ ਹੁਣ ਤਕ ਕੋਈ 179 ਦੇ ਕਰੀਬ ਚੋਣ ਮੀਟਿੰਗਾਂ ਨੂੰ ਸੰਬੋਧਨ ਕੀਤਾ ਜਾ ਚੁੱਕਿਆ ਹੈ !
ਅੰਮ੍ਰਿਤਾ ਵਲੋਂ ਬਹੁਤ ਹੀ ਸੁਚੱਜੇ ਢੰਗ ਨਾਲ ਪ੍ਰਚਾਰ ਮੁਹਿੰਮ ਵਿਡੀ ਹੋਈ ਹੈ ਤੇ ਚੋਣ ਮੀਟਿੰਗਾਂ ਨੂੰ ਸੰਬੋਧਨ ਕਰਨ ਲਈ ਉਸ ਦੀ ਮੰਗ ਪਾਰਟੀ ਦਫਤਰ ਵਿਚ ਵੱਧ ਗਈ ਹੈ ! ਉਹ ਸੁਭਾ 8.30 ਵਜੇ ਪ੍ਰਚਾਰ ਲਈ ਚਲਦੀ ਹੈ ਤੇ ਰਾਤ 9 ਵਜੇ ਲੋਕਾਂ ਨੂੰ ਮਿਲਣ ਦਾ ਸਿਲਸਿਲਾ ਚਲਦਾ ਰਹਿੰਦਾ ਹੈ ! ਔਰਤਾਂ ਨਾਲ ਸਿੱਧਾ ਰਾਵਤਾ ਕਾਇਮ ਕਰਨਾ ਉਸਦਾ ਪ੍ਰਮੁੱਖ ਨਿਸ਼ਾਨਾ ਹੁੰਦਾ ਹੈ ਤੇ ਇਸ ਵਿਚ ਪੂਰੀ ਤਰਾਂ ਕਾਮਯਾਬ ਹੈ !
ਆਪਣੇ ਭਾਸ਼ਣਾਂ ਵਿਚ ਉਹ (ਅੰਮ੍ਰਿਤਾ) ਰਾਜਾ ਵੜਿੰਗ ਵਲੋਂ ਗਿੱਦੜਵਾਹਾ ਵਿਚ ਕੀਤੇ ਗਏ ਵਿਕਾਸ਼ ਦੇ ਕੰਮ ਦੀ ਚਰਚਾ ਕਰਦੀ ਹੈ ਅਤੇ ਨਾਲ ਹੀ ਕਾਂਗਰਸ ਪਾਰਟੀ ਦੇ ਮੈਨੀਫੈਸਟੋ ਵਿਚ ਦਰਜ ਨੁਕਤਿਆਂ ਵਾਰੇ ਦੱਸਦੀ ਹੈ !
ਅੰਮ੍ਰਿਤਾ ਵੜਿੰਗ ਦਾ ਕਹਿਣਾ ਹੈ “ਕਿ ਮਤ ਦਾਨ ਦਾ ਮਤਲਬ ਹੈ ਵੋਟ ਸੋਚ ਵਿਚਾਰ ਕੇ ਤੇ ਨਾਪ ਤੋਲ ਕੇ ਪਾਈ ਜਾਵੇ ਤੇ ਜੇ ਇਕ ਵਾਰ ਗ਼ਲਤ ਚੋਣ ਹੋ ਜਾਵੇ ਤਾਂ ਫੇਰ ਪੰਜ ਸਾਲ ਬਾਅਦ ਹੀ ਦੋਬਾਰਾ ਮੌਕਾ ਮਿਲਦਾ ਹੈ” ! ਉਨ੍ਹਾਂ ਕਿਹਾ ਕਿ ਰਾਜਾ ਵੜਿੰਗ ਇਕ ਇਮਾਨਦਾਰ ਤੇ ਮੇਹਨਤੀ ਸਿਆਸਤਦਾਨ ਹੈ, ਜੋ ਆਪਣੇ ਫਰਜ਼ ਬਾਖੂਬੀ ਨਿਭਾਉਣ ਜਾਣਦਾ ਹੈ, ਉਹ (ਰਾਜਾ ਵੜਿੰਗ ) ਤੁਹਾਡੀ ਆਵਾਜ਼ ਬਣਕੇ ਦੇਸ਼ ਦੀ ਸੰਸਦ ਵਿਚ ਗੂੰਜੇਗਾ ਤੇ ਸੂਬੇ ਦੇ ਮੁਦਿਆਂ ਨੂੰ ਸੁਚੱਜੇ ਢੰਗ ਨਾਲ ਉਠਾਵੇਂਗਾ ! ਬੀਬਾ ਬਾਦਲ ਨੂੰ ਤੁਸੀ ਦੱਸ ਸਾਲ ਮੌਕਾ ਦਿਤਾ ਹੈ , ਹੁਣ ਰਾਜਾ ਵੜਿੰਗ ਨੂੰ ਚੁਣਕੇ ਕਾਮਯਾਬ ਕਰੋ, ਉਹ ਤੁਹਾਨੂੰ ਨਿਰਾਸ਼ ਨਹੀਂ ਹੋਣ ਦੇਵੇਗਾ !