ਚੰਡੀਗੜ੍ਹ, 16 ਮਈ 2019 - ਕਾਂਗਰਸ ਦੇ ਸਟਾਰ ਪ੍ਰਚਾਰਕ ਨਵਜੋਤ ਸਿੰਘ ਸਿੱਧੂ ਵੱਲੋਂ ਲੰਘੇ ਦਿਨੀਂ ਬਠਿੰਡਾ 'ਚ ਪ੍ਰਿਯੰਕਾ ਗਾਂਧੀ ਦੀ ਰੈਲੀ 'ਚ ਦਿੱਤੇ ਭਾਸ਼ਣ ਅੱਜ ਕੱਲ੍ਹ ਬਠਿੰਡਾ ਹਲਕੇ ਦੀਆਂ ਸੜਕਾਂ, ਗਲੀਆਂ 'ਚ ਗੂੰਜ ਰਹੇ ਹਨ।
ਸਿੱਧੂ ਨੇ ਰੈਲੀ ਨੂੰ ਸੰਬੋਧਨ ਕਰਦਿਆਂ ਆਪਣੇ ਰੋਹਬਦਾਰ ਭਾਸ਼ਣ 'ਚ ਬਾਦਲਾਂ ਦੀ ਖਟੀਆ ਖੜ੍ਹੀ ਕਰ ਦੇਣ ਦਾ ਵਾਅਦਾ ਕੀਤਾ ਸੀ। ਸਿੱਧੂ ਨੇ ਗੁਰੂ ਗ੍ਰੰਥ ਸਾਹਿਬ ਦੀ ਬੇਅਦਬੀ ਦੇ ਦੋਸ਼ੀਆਂ ਨੂੰ ਸਲਾਖਾਂ ਪਿੱਛੇ ਕਰਨ ਦੀ ਗੱਲ ਆਖੀ ਸੀ।
ਸਿੱਧੂ ਨੇ ਆਪਣੇ ਰੋਹਬਦਾਰ ਭਾਸ਼ਣ ਨਾਲ ਮਹਿਜ਼ 4-5 ਕੁ ਮਿੰਟਾਂ 'ਚ ਹੀ ਸਾਰੇ ਪੰਡਾਲ 'ਚ ਜੋਸ਼ ਲਿਆ ਦਿੱਤਾ ਸੀ। ਹੁਣ ਇਸੇ ਭਾਸ਼ਣ ਦੀ ਰਿਕਾਰਡਿੰਗ ਬਠਿੰਡਾ ਹਲਕੇ ਦੇ ਪਿੰਡਾਂ 'ਚ ਪ੍ਰਚਾਰ ਵੈਨ 'ਤੇ ਲੱਗੇ ਸਪੀਕਰਾਂ 'ਤੇ ਗੱਜ ਵੱਜ ਕੇ ਚੱਲ ਰਹੀ ਹੈ।
ਜ਼ਿਕਰਯੋਗ ਹੈ ਕਿ ਆਉਣ ਵਾਲੀ 17 ਮਈ ਨੂੰ ਨਵਜੋਤ ਸਿੱਧੂ ਫੇਰ ਤੋਂ ਬਠਿੰਡਾ ਵਿਖੇ ਰਾਜਾ ਵੜਿੰਗ ਲਈ ਪ੍ਰਚਾਰ ਕਰਨ ਪਹੁੰਚ ਰਹੇ ਹਨ।
https://youtu.be/OoAPPYVIXFA